السلام عليكم ورحمة الله
حابة أفيدكم بمعلومة وربما الكثير يعرفها ولكن من باب التذكير يلي مايعرف او يلي نسي
دحين لما تدخلوا موقع قياس الصفحة الرئيسية تشوفوا من فوق مكتوب الاختبارات والمقاييس اضغطو عليها وبعد كدا اختاروا الاختبارات المهنية وبعد اختاروا اختبار المعلمين والمعلمات وبعده تشوفوا المعايير لكل تخصص اقرؤها للفائدة وبعد الانتهاء ارجعوا نفس الصفحة تبع المعايير وبالاسفل تحصلوا دليل الاختبار العام للمعلمين وكل واحد يختار تخصصه طبعا راح تشوفوا ايش راح يجيكم في الاختبار اوبالاصح الاجزاء التي تشتمل عليها اسئلة الاختبار وتلاقو من ضمن الاوراق رسم دائري يبين ايش اكثر جزء يجي في الاختبار وكل المواضيع الاساسية اللي تجي في الاختبار وفي الاخير حاطين أسئلة والاجوبة يعني كل واحد يدخل ويشوف عشان لما يذاكر يعرف يركز على الاشياء المهمة
اتمنى لكم التوفيق

وعليكم السلام ورحمة الله وبركاته
الله يسعدك ياارب انا لسه ما اختبرت كفايات ،، وكفايتناا على رب العباد من هيك قرارات
نسجل تربوي طلعلناا قياس وماننقبل تربوي من شان ارفعي درجتك واللحين كفايات
شكلناا على التقاعد بيجيناا التعين ونخلص دراسة
الله يخارجناا بس على خير ،،
المهم ربي يحفظك انا دخلت على نفس خريطة كلامك وشفت الجدولين بس مالقيت شيئ يتعلق بتخصص علم اجتماع
لدرجة وحده اقسمت بالله ان وحدة تعينت بدون كفايات وان علم الاجتماع ما يشترطوا تربوي لأن التخصص يبغون معلمات
ياريت احد يفيدنـــي بها الموضوع
وشكراً لك ..

ويسعدك أيامك يالغلا
ياخسارة مافي تخصصك أنا مالحظت ان مافيه عالطول اخترت تخصصي فقط والحمدلله ان شفته لان قسم التغذية مادرسنا نهائي ولكن لما جعلوا الملابس والسكن والتغذية مع بعض صارت مادة وحدة واكبرجزء راح يجي في الاختبار مكتوب عن التغذية عاد يابختهم بنات التغذية تبارك الله
يارب هذا المرة اجتاز في التخصص وبدرجة عالية

وأمابخصوص هذه اللي تعينت من غير اختبار كفايات ياحبيبتي كثير مثلها وبعضهم مااجتازوا وتعينوا وبعضهم تخروجوا وعالطول تعينوا ماشاءالله لاقوة الابالله

وايضا اعرف ناس من بعيد يعني مافي قرابة وحدة قدمت اكثر من مرة على الماستر رفضت وعالطول اخوها عشان استاذ في الجامعة كلم مسئولين وماشاءالله قالوا جيب أوراقها وماشاءالله هي دحين حضرت فقط باقي مناقشة الرسالة ربنايوفقها يارب

يعني اللي عندهم واسطات يابختهم ونحن بإذن الله ربنا يرزقنا بالوظيفة لاوسطات ولاأي شي فقط الاكثار من الدعاء

واما عن علم اجتماع مايشترطو تربوي ياعزيزتي طالما الواحد يبغى يصير معلم او معلمة لازم اختبار كفايات هذا شرطهم وفي بعض التخصصات مايحتاجلها اختبار ولكن مافي حل الا اننا نلتزم بقراراتهم لاإله إلاالله

للرفع
حتى تستفيدوا طالما ان غدا تبدأ اختبارالتخصص الله يوفقنا جميعا وربماتجي من نفس الاسئلة اللي بموقع قياس سوف نرى غدا

بالتوووووفيق