السلام عليكم
انا رسامة وخطي حلو واحب اصمم واحب الاشغال اليدوية يعني اسوي اعادة تصنيع لشغلات وتطلع بشكل اجمل..

سؤالي انا مرا حابه ابدآ مشروع بس مو عارفة ايش وكيف..
فكرت بالطابعة على التيشيرتات بس مرا مكرر وماله زباين زي قبل..

لو كنتوا مكاني ايش تسسوون؟ او انتم يالرسامين والمصممين ايش تسوون عشان تستثمرون هالموهبة؟


يعطيكم العافية

اذا الشخص مايمتلك الابداع مشكلة
فتجدينه يسرق من أفكار الناس وحقوقهم بكذا ماراح يبدع كل شغله تقليد
اما اذا ملك الابداع ملك كل شي التوفيق النجاح الشهرة الارباح الطائله ووالخ
نجي للمهم مدامك تملكين موهبة الاشغال الفنية استثمريها جيبي شي ماسبقك عليه احد مثلاً
وفري في بيتك أدوات منجرة صغيرة بعدين كبيرها وجيبي عماله يساعدونك بمشيئة الله
بالبداية اعملي ديكورات تنفع لاركان البيت وصوري اعمالك وضعي لك حساب بشبكات التواصل الاجتماعي
وقولي للحريم اعملكم الاشغال اليدوية الي تبون في بالكم اشرحوا افكاركم انا اوجدها لكم على ارض الواقع والخ
ولاتنسين ترا بعض الزبونات ماتحب الناس تقلدها فلازم تخافين الله في عملك ماتخرجين افكارهن لناس
الا لما تستشرينها وافقت كان فيها صوري فكرتها لناس وانشريها
ارفضت يعتبر حق من حقوقها ولاحد له الحق يقلدها حتى يوفقك الله ولاتنسين لازم الصدق والأمانة في كل عمل
والله يرزقك مليون ريال في ليلة وضحاها امين يارب

اذا فعلا عندك موهبة مميزة انصحك بشيء ينتشر هالايام ومطلوب بقوة هو التصميم على اغلفة الشوكولاته للمناسبات والهدايا
ادخلي انستقرام وشوفي حساب لي بورليه ولهم تاق خاص فيهم تقدرين توصلين لهم منه

ابتكري لك خط خاص بك وابدئي

اتمنى لك التوفيق

انا لي بالرسم كثييير بس ما أمارسه لانه ياخذ من وقتي
اقدس الفن التشكيلي كثييير

اممم وش رايك بتنسيق الحفلات مو بالضروره الحفلات الكبيره
عادي الحفلات العائلية او حفلات البنات كثير مع كل مناسبه يسوون حفله

وبرضو عندك حفلة المواليد والتنسيق لها.
وحتى حفلات المدارس حق التخرج وما تخرج.

من مفارش الطاولات وتلبيسة الكراسي والزينه ع الطاولات والزينة ع الجدران وتزيين علبة المناديل وعلب الموية وكل الكماليات هذي تنسقيها
بشكل جميل ومتناسق مع بعض ، والتوزيعات وتغليفها بطريقة جذابه.

كيف تبدأي : ارسمي الافكار هذي او اعملي لها نماذج عمليه واعرضيها
بمواقع التواصل .
اكتبي احتياجات شغلك بورقة وروحي تقضي من اسواق الجملة خذي بالدرزن وبسعر مخفض جدا.

الموضوع في كل الاحوال يحتاج راس مال والاهم كيف تسوقي لنفسك مزبوط


رتبي افكارك تمام:
1_حددي توجهك
2_ اعملي دراسة جدوى وحددي المبلغ الاساسي اللي تبدئي فيه كرأس مال.
3_ جيبي مواد الخام.
4_ اشتغلي عليها وابدعي بموهبتك.
5_ اعرضيها ، وسوقي لنفسك وشغلك ، انستقرام تويتر واتس سناب منتديات.

وبتمنى لك التوفيق

افتحي حساب بالانستقرام ومدونه
واشتغلي بالرسم وزيدي متابعينك

وان كثروا متابعينك .. بامكانك تبدأي مشروعك بنجاح
والاخوة ماقصروا

مرحبا اختي العزيزه
انا ماني رسام بس عندي رساميين من شرق اسيا استفيد منهم في رسم الاحرف والارقام وبعض الرسومات مثل الدلافين والاسماك وغيرها في الرياض والمدارس الابتدائيه
بالممرات ومداخل الصالات وبعض المختبرات
واعرف رسام لبناني بيرسم بماء الذهب في بعض القصور والفلل الفخمه وبمبالغ تصل الى 5000 درهم واكثر في بعض الحالات
ولاتساليني وش هو ماء الذهب لاني مب عارفه
اتمنى اكون قدمت لك طرح مفيد

الله يجزاكم خير ويسعدكم ماتوقعت هالردود ابدد ...

عطيتوني افكار ابد ماتوقعت انها تنفع... كل الافكار حبيتها وقعدت افكر بامكانياتي حسيت تنسيق الحفلات هي اللي اقدر عليها بس ابد ماعندي الخبرة اتمنى اذا احد عنده خبره يفيدني ..


والله يسعدكم ويوفقكم واحد واحد... 💜💜💜

بالتوفيق