تحويل الموضوع من نقاش هادف يفيد المتابع له
إلى شات كتابي والتحدث بأمور شخصية
أمر لا يليق .. ونرجو الترفع عنه

يقال:-(كلامي صواب يحتمل الخطأ, وكلامك خطأ يحتمل الصواب),
انا مع صاحب الموضوع بأن هناك ناس نرجسيين جداً ونرجسيتهم تجعلهم يخسرون ماعندهم,
وأيضاً مع بعض الردود التي يعتبرهم صاحب الموضوع نرجسيين.
شكراً للجميع على المشاركة.

الاخوة والاخوات استفدت قبل سنوات من اطروحات بعض الاخوة الذين كتبوا نصائحهم وتوجيهاتهم وتجاربهم وكتبوها من على ارض الواقع من خلال تجاربهم الشخصية من هم من اخطأ ومن هم من اصاب ولكنهم في كل الاحوال افادوا الكثيرين وانا منهم لهم كل الشكر ووافر الدعاء ومن خلال اطروحاتهم بدأت اعمل بعد ان كنت اسيراً للاطروحة السائدة عندما اتصفح بعض المنتديات ذات الصلة وهي عشان تسوي مشروع لازم يكون عندك المبلغ الفلاني ولازم يكون عندك كذا وكذا ...... الخ

طرحت الموضوع ولكن الذي تسيد الموضوع وزاد من قيمته واعتلى عرشه بلا منازع هو متجر مزايا ..


اخي خيرات بلادي قد يكون العنوان يحمل ماذكرته - من غير قصد طبعاً - ولكن المضمون واضح ..

الاسعار تختلف بالطبع فعلى سبيل المثال تحتاج معقب او لا تحتاج كم تسعود والسعودة كم بتكلفك المحل وين بتحصله وكم ايجاره يعني كثير امور بسيطة تنذكر اسعارها هنا وعلى الواقع تشوف فرق كبير وطبعا هذا الشيء يصدم ويخربط اوراق الشاب او الفتاة المقبلين على عمل مشروعهم اي مشروع اذا اخذت فكرته لازم فورا تبادر بعمل دراسة جدوى بسيطة على سبيل المثال مطعم

روح المطعم الي بتفتحه وشوف المنافسين معك روح لهم مثلا من 4 لين 5 شف كم واحد دخل المطعم هذا حلاقين نفس الشي روح باوقات مافيها عمل كثير وشوف المحل كم شخص يدخل فيه واحسب عدد الاشخاص باوقات مافيها عمل او ناس مريحة او وقت غدا او شي واحسبهم وكذا بنفس الوقت روح اسال عن االايجارات تكاليف القارمات اسال عن السعودة ودايم حط متوسط لا ترضى بارخص اسال عن البضايع المستوردة اسال عن اسعار مكاتب التخليص الجمركي واسال عن تكاليف وقفة البضايع بالميناء كم وامور كثير الشغل مو سهل بس اقرا وانفذ

بنفس الوقت اخوي صاحب الموضوع المناقصات لها رسوم دخول ولها طلبات ثابته من سجل وتراخيص وشهادات سعودة وبعضهم برنت بالعمالة الموجودة وطبعا بتحط السعر لكن تاكد ان معك ناس كثير حاطين اسعار ونفسك مافي شي يجي بدون مادة الا التسويق سواء عقاري او مواد او بضايع او حتى مشاريع بس طبعا بعقود موثقة وملزمة انك المسوق الرئيسي لهم وقتها ممكن




موضوع مميز اخوي مونت كارلو

نرجو عدم ( شخصنة المواضيع ) لكي تعم الفائده والتركيز على الموضوع نفسه فقط

وليس بالضروره كل ما يكتب من مواضيع يلاقي قبوله لدى المتلقي
فلكل شخص وجهة نظره قد تكون صائبه من واقعه او حسب خبرته او حسب فهمه لما هو مكتوب

- بداية الالف ميل خطوه
- بداية اي مشروع يحددها مقدرة الشخص ومعرفته بنفسه ثم معرفته الجيده بالمشروع


وفق الله الجميع لكل خير ,,,

طيب انا بفتح مشروع يتعلق بالمواد الغذائية كيف افتحه بدون فلوس؟ او بمبلغ بسيط؟؟ ياريت الاجابة واكون ممنون لك ...

موضوع بالمجمل مفيد من كاتب نحترمه
ولكن التعريض في المواضيع بالأعضاء ونزع القاب عليهم بأسلوب استفزازي امر معيب في الموضوع وفي شخص من يقوم به
نتمنى الإهتمام بالمحتوى وإيصال الفكرة والفائدة المجردة

موضوع مفيد جداً وفيه أمور أنا عايشتها شخصياً وماكنت اتمنى ينحرف مسار النقاش في بعض الردود خصوصاً من اعضاء لهم كل التقدير والإحترام ومشاركاتهم دائماً نيرة.
نرجع للموضوع في شغلة لازم كان توضحها مونتى كارلو : بخصوص بعض الترسيات مثل التشجير والأرصفه والردم والتسوير هذى بصراحه يحتاجلها شخص ضليع من الداخل والا مراح تمشى أمورك.
أنما تنفيذها سهل جداً وغير مكلف