صبآحكم / مسآءكم سعآدهـ ...!!
[IMG]http://u.*******.com/uploads/0ea73a88ec.gif[/IMG]
مدخل }
القصايد والقوافي والوَرَقْ يحضِن وَرَقْ ..
والبحور اللي طَرَتْــ لي خلَّت ( الصفحه ) تضيق ..!
X
X
X
[IMG]http://u.*******.com/uploads/3fa0a461e6.gif[/IMG]
" أحمد الصانع"
تتغنى على اطرفه بوح النسيم ورقة الاحساس التي شغفتني وارهقتني ,,,,,,
معانيه تخرج من عمق بعيد جدا....!
اتمنى انكم تستمعون بـــ أديباً يمنحنا أبجديةٍ
[IMG]http://u.*******.com/uploads/d5013fd1e1.gif[/IMG]
X ... مقتطفاات ... X
حطبت الحُب ... وإنكسر لي فاس !
مريض وأرفض الراحه لأنك لو تجي طايب ..
______ علاجي بس لو أسمع من لسانك [ عسى لا باس ] !
أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!
قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !
( فتــّش جيـوبك ) ...!
ترى ما رحت من كيفي عشان أتحمَّل ذنوبك
________ أنا شفت الزمن ناوي علينا وقلت له : خذني ...!
واذا قالوا : رَحَل عنِّك حبيبك ، فتِّش جيوبك
________ تطمَّن قلبي بـ جيبك حبيبي لا تدوِّرني !
لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !
لعبهـ جديدهــ
تِحَمَّلتِك / ولكنـه .. جُبرنـي الجـرح : أتكلم
خيانـه شِفتهـا مِنِّك .. عِطِـرهَا , تارس ثيابك
[ بنيتِك ] حُب في قلبي وإنتَ .. حضرتِك .. تهدم
كرهتِك حيـل صدقنـي .. وكِل هـذا مِن أسبابك
تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك
أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك
تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك
وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك
قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك
أُم العيال [ إنكسار حلم ] !
ماااات شاعر ..!
والمشاعر لا تزال !!
وما أظن ينفع بعد موتي سؤالك ..
والنهايه , شوفي يا بنت الحلال
لا حبيبك [ تَمْ ] ..
وما شفتي عيالك !
:
الوعد يوم القيامه ..!
ما حشمتي قلب شخصٍ له شموخ وله كرامـه........... وما حسبتي حساب ناسٍ همَّهَا بـس النقيـده
شاعرٍ ما رَد حتى ...علـى لبَّاسـي العمامـه................ وقلبك إنتي صار فجأه والله يـا حلـوه يقيـده
في الزمن نادر وجودي ويا كثر فيه الرخامـه ............وصار عادي في زمنَّا الأخُـو يقتـل عضيـده
الحديـده فـي إيدينـي والقضيـه.. إتهامـه ...................وإنتي القاضي وطبعاً ما تحسي فـي الحديـده
مركبي الغرقان بَسِّك لا تزيـدي فـي حطامـه ...............كل ما ألمح نجاتي صـارت أمواجـك شديـده
صدقيني حيل أحبـك والوعـد يـوم القيامـه ................ويل من هو كان يكْذِب وكانت ذنوبـه جريـده
إتركيني لجل عينه .. كان لك حُبـه إبتسامـه .............المهم إنـك تكونـي يـا بعـد أحمـد سعيـده
إنسي اللي صار كله وصيري له منبع هيامـه ...........وإن ذكرتيني بغيابي قولي عن روحـي فقيـده
ما أبي من قلبك إلا .. طول عمره والسلامـه............. خَلِّي بالك من زمانـك دنيتـك هـذي عنيـده
- كنـت أظنـك ... ( و طحـت ) !!
كنت أظنِّك ..
من عيوني ما تطيح
لين في " عيني "..
إرتفَع غيرك ,
و ..
طحت !!
{ كمل جميلك }
حالتي صعبه / بدونك ..
وكيف حالك يا بعيد ؟
أشتكي منِّك إليك ..
ومن جروحي , أشتكيلك !
والله ما قصرَّت فيني بس ..
ودِّي لو تزيد !
يعني " إذبحني " وكمِّل يا بعد قلبي / جميلك !
أدري غلطاتي كثيره .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!
أقتلك ..
لا من خطيت ويا عسى عمرك مديد !
و أعذرك ..
لو كنت قاتل لأنه يستاهل قتيلك .!
ويلي منِّك لو نسيتك والزعل طبعاً " شديد " ..
ولو أحس لحظه بـ أنِّك منشغل عنِّي ؟!
يا ويلك ..!
كل عاذل جاك بَعْدِي .. وقالـ لك إنِّي : سعيد- ما صِدَق !
وين السعادهـ !
والحزن شيَّد رحيلك !
وكل عاذل قال عنِّي شي ..
- إحساسه بليد !
ما قدر ياخذ كثيرك ..
صار يطمح في قليلك !
وكل عاذل إن عطيته وجهـ ..
- ورَّااااك المزيد !
لو يقول إنَّهـ : يبيلك خير !!
والله ما يبيلك !
جيتهم طيِّب وأدري
في زماني ما يفيد !!
وش حصيل الطيب فيهم ؟
ومن فراقي , وش حصيلك !
بترك الدنيا عشانك !
دام هذا ما تريد ..
ويا عسى كلمة " عشانك " ..
تشفي يا روحي غليلك !!
الدليل إنِّي أحبك :
صرت أحسِّك بـ [ الوريد ] !
وأدري في قلبك يحبني دون ما أسمع دليلك !
في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..
مثل قلبك ما ألاقي ..!
ومثلي ما تلقى أكيد !
يعني ما عندك بديل ومستحيل ألقى بديلك ..!
يا غزالٍ شُوف قلبي
ما يبي غيرك يصيد
ولا بغيتك ..
أدري وينك
أسمعك , وأتبَع [ سليلك ] ..!
إجلس بـ عرش الفؤاد ولك أحاسيسي عبيد
وإعتبر حُبي نهارك , وقمرةٍ ..
تضوي في ليلك !
ياللِّي شيَّعت المفارَق إشرَب وصالي و أزيد ..
خذ دفا إحساااسي و " إدفا " ..
كان بردك
هد حيلك ..!
يا أجيلك
يا تجيني !
هذا هو الحل الوحيد ..
وإنتَ قرِّر يا حبيبي ..
يا تجيني
يا أجيلك !
قنبلة احساس
مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ
ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!
فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!
إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..
وإن خذاني المُوت إترك قال وقيل ..
قول هـ الجُمله .. وخطاك محلِّلَه :
[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]
[ حاتم الطائي ]
يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
عَزْ أحبابي يطعَنِّي ويـداوي الطَّعْنَـه أعدائـي !!
( ثلاثْ أيَّامْ ) تِطْعَنِّي وأنا أشِيلِـكْ علـى كتفـي
كأنْهَا طَعنِتِكْ " ضِيفٍ" وقلبي ..... حَاتِمْ الطائي !!
:
( خُـــــدافِس شظـــايا ) ..!!
ما عدت أفكِّر بِوَصْلِك وأتْعِب ظنوني ..
هذاك أوَّل .. يِهمْنِي / أسْمَع أخبارك
وإن كان ظنِّك تِمِس بـ غيبتك " كوني " ؟
أعيش في الظلمه " شامخ " مابي أنوارك
ولو رجلي تعجز تشيل الهَم ومتوني
أموت ظامي ..
ولا أترجى أمطارك !راجع لي تسأل بـ كيف الحال وشلوني ..؟
تحسبها فرصه تقدِّم عذرك .. أزهارك
الحمد لله ..
بخير ونامت عيوني ..
طفرة ارباح ...!
( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!
وفا شنهو الوفا ....؟!
[ شَمعٍ ] كثر ما يشعلونه ساح !!
ورمحٍ يصنعه وقتي ( وربعي ) حيل رمَّاحه !!
يجي واحد مُنى قلبه .. يشتت فيني [ الأفراح ] !!
وواحد ضاق لو يلمح عيوني .. تنام " مرتاحه " !!
و
واحد قال للثاني : من المُهرهـ أبَشْرِك طاااااح
كأن بـ طيحتي يلقى السعاده .....
و طفرة أرباحه !!
x معجزه x
لا تغاري .. من كلام المعجبات
ماني مثل اللِّي .. يحب " الرَزْرِزَه "
ياما قالوا ( الحُب ) يصنع معجزات ..
وإنتي
[ حُبك ]..
في
حياتي
" مُعْجِزَه " ..
:
كلاب الساحه...!
إن قلت [ تعبان قلبي ] جـد ما أمزح
الهَمْ دمَّر حصون القلب , وإجتاحه
جيتك مثل ( آدمك ) في جنِّتي أمرح
وإنتَ .. وش إنتَ؟ أكيد تكون تفاحه
ما كنِّك إلا البحر , وما عرفت أسبح
غدار طبع البحر .. ما فيـه سبَّاحه
وما كنِّك إلا طعوني , وطعنتك تذبح
في ذمتك شفت واحد حَب ذبَّاحه !؟
وشلون أحبك وأنسى غلطتك وأسمح؟
مو كل شـي لا تكسَّر تقدر إصلاحه
خسران أدري لأنـي ما عرفت أربح
يا خلف اللـه , على قلبي وأفراحه
ما فيه داعي لعذرك ما أبي تشرح
ما دام قلبك خذا من جرحي أرباحه
إبعد طلبتك وأنا في خير راح أصبح
إن رحت عني تكون أعصابي مرتاحه
القافله تسير دايم , والكِلاب تنبح
ويا كثر ما به كِلاب بداخل الساحه !
{ ودِّي أموت .. اليوم ... وأعيش باكر }
:
ودِّي أموت .. اليوم ... وأعيش باكر
وأشوف مِنهو .. بعد موتي فقدني ..!
ومِنهو حَمَلني لِين .. ذِيك .. " المقابر "
وأشكر أنا .. كِل من كَرَمني ودِفنِّي
وبَشوف .. يرثيني أنا كَم [ شاعر ] ..؟
ومِنهو تركني .. وما كِتَب شَي عنِّي
شِخصٍ تعنَّى لي .. مع إنَّه .. مسافر
وشخصٍ قِريبٍ .. وآنا مَيِّت / طعنِّي
وشخصٍ يمثِّل دمعِتَه .. ما هو قادر !
وشخصٍ تِطيح دموعه كِل ما ذكرني
ومِنهو مِن أهلي فـ العَزا كان حاضر ؟
ومِنهو دعى لي في " صلاته " ورحمني
( شاعر ) ولكنِّي .. ماني بـ شاعر
ودِّي أموت اليوم .... وأرتاح منِّي !!
:
[IMG]http://u.*******.com/uploads/0ea73a88ec.gif[/IMG]
مخرج }
:
مسموح كل إنسان يقرا المعاني
لكن شعور القلب يا ناس محفوظ
ما قلت من ( حظَّه ) لأنه لقاني
أقول أنا من يوم ألاقيه : محظوظ
:
:o
أحبتي
ردووودكــم لاهنتوووووووووا..
13-10-2008, 06:04 AM
أتيت حاملة روائع (أحمدالصانع)
العرض العادي
