السلام عليكم ورحمة الله وبركاته


مين يعرف موقع مبنى الضمان الاجتماعي الجديد بجدة .يقولو بالكندرة لكن فين بالضبط؟


مشكورين

من كثر مامر على هذا الموضوع ماني مفتكر الا انه خلف البنك الاهلي بالكندره

https://www.btalah.com/t650641.html
تفضلي ادخلي على هذا الموضوع


ربي يسعدك

السلام عليكم بعد إذنك اخي منتصر أحب أوضح موقع الضمان لنفترض اننا في شارع الميناء عند الاشاره والطائرة الحمراء أمامنا ونحن اتجاهنا لسوق الخيمه بعد حوالي 300 متر تقريبا نجد البنك الأهلي على اليمين البنك الأهلي نجد مدخل قبله ومدخل بعده ندخل المدخل اللي قبل البنك وبعد حوالي تقريبا 50 متر او اقل او اكثر نجده على اليسار مبنى جميل ماشاء الله أسف على التطويل ارجوا ان أكون قد وفقت وجزاكم الله خير سبحانك اللهم وبحمدك أستغفرك وأتوب إليك

برافو عليك يا اخ س ا ل م .. ماشاء الله عليك الوصف دقيق .. جزاك الله خير ...

يجزاكم خير.ياريت توضحو اكثر بكروكي والا اللوكيشن .الله يسعدكم .للي عندها سواق مايعرف الاماكن. من شارع الامير ماجد فين نتوجهه

للقادم من الشمال من شارع الامير ماجد ( السبعين )يمشي الين دوار الاندلس مول وتمسكو الخدمه عشان تروحو من فوق النفق يمين باتجاه قاعة الملكه .. ومن بعد قاعة الملكه الين الطياره الحمرا . ومن عند الاشاره حقت الطياره الحمرا تروحو يسار الين تحصلو البنك الاهلي على يمينكم .. من عنده تخشو يمين تحصلو تقاطع تتعدوه تحصلو مبنى كبير وجديد على يساركم .. كده وصلتو مبنى الضمان الجديد .. ناسف للاطاله..

الله يسعدكم .فضلا لا امر . لا نبغى من جهة الجنوب اللي جاي من شارع باخشب ..والامير ماجد ،تعبنا مع الليموزينات اللي ما يعرفو .

من جهة شارع باخشب .. امشو الين نهاية شارع باخشب الى كوبري ك 2 .. وبعدين يمين لحاد الطياره الحمرا كانكم رايحين للشرفيه .. ومن عند الاشاره حقت الطياره يو تيرن ترجعو مره تانيه للكوبري تلاقو البنك الاهلي على اليمين بعد ابو نار .. كده وصلتو ... وبالتوفيق ان شاء الله