السلام عليكم كيف الحال يا اخوان
انا بخلص جامعه بالصيفي او الترم اللي بعده وابي لي مشروع اطقطق فيه
راس المال 70الف لاني بعت موتري وابي لي شي اطقطق عليه
لاني ع ما اتخرج والقى وظيفه بنشغل ولا فيه شي يصرف علي
وقررت بين ثلاث مشاريع
الاول محل تلميع سيارات تلميع داخلي وخارجي وتلميع مكينه ببخار وتكيسس ارضيه وفي المستقبل تضليل
الثاني محل خضار ويمكن يصيرون محلين مب واحد وبفرقهم واحد بشمال الرياض والثاني جنوبه او شرقه
الثالث مغسله ملابس ويمكن فتحه بشمال والثانيه بالشرق عند شقق عزاب
انا بجرب حضي بس قلت استشيركم وش تشورون علي فيه
معي 70 ويمكن اتسلف 20 وماعندي مشكله راس المال يرجع بعد سنتين اقصى شي
اهم شي الشغل ماشي وارجع ال20

اعتبروني اخوكم الصغير وانصحوني عشان ابدا استخرج السجل وادور محل واخلص اموري قبل اجازه الربيع
والله يوفقكم دنيا واخره ويفتحها علي وعليكم

اهلا وسهلا

اخوي اسمح لي اقول لك انت مشتت حاليا لانك تفكر في 3 مشاريع مع بعض

شوف اي مشروع تبدع فيه وسم بسم الله وتوكل على الله أفضل لك

بس تبي شئ فيه ذهب الخضار وعندي الف فكرى وفكرى لك تحقق ارباح اذا تبي هالشغله

أخي شاهي حبق ..

يعجبني إصرارك، ويعجبني تفاؤلك، ولم تعجبني فكرة بيع السيارة .. التاجر الذي يبدأ حياته بالدين، يستعجل الأرباح ولا يركز على نمو المشروع خلال دورته الطبيعية فتراه يستعجل الرزق وربما خسر تجارته بسبب عدم فهمه لطبيعة المشروع التجاري ..

المشروع التجاري الطبيعي يحتاج إلى ستة أشهر من الصرف عليه، وربما سنتين للصرف على نفسه، وبعدها يصرف على نفسه وعلى صاحب المشروع .. هذا في المعدل الطبيعي إجمالًا .. في السعودية ولله الحمد هذه الدورة أقصر إلى حدٍ كبير؛ فتجد بعض المشاريع تبدأ الصرف على صاحب المشروع خلال سنة واحدة فقط؛ بعد أن تسترد رأس المال كاملًا ..

هذه قواعد يجب أن تضعها في اعتبارك قبل بداية المشروع ..

أما نصيحتي لك فهي أن تفتح المشروع الذي تستطيع أن تقوم عليه بعد أن تفتتحه .. بمعنى إذا كنت تعرف مزودي الخضار وتعرف بالضبط كيف تتعامل مع هذا النوع من التجارة فلا تتردد، وإن كنت تعرف أكثر كيف ستتعامل مع المغسلة ولديك العمالة الماهرة أو على الأقل ستعرف أين ستدربهم أو من أين ستحضرهم وترى أنك أكثر إلمامًا من الخضار بهذا المشروع فتوكل على الله ولتكن المغسلة هي مشروعك .. أما إن كنت تعرف في السيارات وستجيد التعامل مع المشروع الخاص بها أكثر من الاثنين السابقيين فاتركهما وليكن هو مشروعك .. ولكن اعمل حسابك لأمرين : الأول العمالة الماهرة والجيدة ، الثاني : يجب أن تحفظ في البنك رواتب العمال لمدة أربعة أشهر من افتتاح المشروع حتى لا تدخل أنت والعمالة في إشكاليات الرواتب وأنت ما تزال في بداياتك إذا لم يعمل المشروع بشكل جيد في بدايته ..


وفقك الله وتحيتي لك ..

باختصااااااااااااااااااااااااااااااااااااااااااااا اار


اي مشروع تحرق قلبك فيه
نااااااااااااااااااااااااااااااااااااااجح بحول الله


يعني تتابعه وتوقف عليه بنفسك
من وجهة نظري الخضار لانها تجارة وليست خدمة
وفقك الله

الخضار مشروع ناجح باي مكان
لكن لازم تدرس السوق زين اقل شي3شهور وبعدها تبدى
وبالتوفيق

السلام عليكم
اخي الكريم نصيحه ادخل في الخضار والله ذهب بس لازم تتعب وتتعب وتتعب عشان تشوف الذهب
السيارات اتوقع يبي لك راس مال اكثر وعماله ماهره
والمغسله نفس الشي عماله
اما الخضار يبي لك في كل محل واحد او اثنين فقط وانت لازم تكون في المحل لااااااااااااااااااااازم وتكون متابع وعلية البيع والشراء انت تشرف عليها بنفسك
روح لسوق المركزي وشوف كيف
يدخلون مكاسب أصحاب المحلات في بعض الاصناف 400%
ربي يرزقك
تحياتي

الله يجزاااكم خير
ردودكم تثلج الصدر
وكل حرف كتبتوه راح احطه بالحسبان
وراح اكتب لكم اخر المستجدات باذن الله

وفقك الله ورزقك
انصحك بالمغسله ......مربحه بعون الله

السلام عليكم الاخوان ماقصروا ما شاء الله بس اكثر راي انا اتفق معاه راي Decent صراحه واضح وكفى ووفى ماشاء الله