مبروك للمقبولين
والله يزق اللي ماقبلو باحسن منها

سوال / اللي تم قبولة وما اختبر قدرات ايش الحل ؟

سلام يارجال الحمدلله انقبلت مبدئي وانا محتار وش الافضل المخدرات او الطوارىء وابي شوركم وشكرا..

شباب الي اليوم موعدهم وش صار معكم ووش الاجرآت الي صارت ومتى طلعتو ياليت تعطونا التفاصيل

السلام عليكم

ابشركم انقبلت مبدأي و سلمونا اوراق المستشفى بعلمكم وش صار بالتفصيل .

اول شي الحضور الساعة 7 الصباح بس لو تجي 6 و نص يكون احسن عشان تخلص سريع . اول شي دخلنا مع البوابة و اهم شي ما يكون معك جوال ولا يردك و تكون لابس رياضة و مسكنا سرا يدخلونا مجموعات تقريبا 30 واحد انتظرنا يمكن لين 7 و نص و بعدها دخلنا فتشونا مرتين و فيه بعد عسكري معه كشف بالاسماء للي مقابلتهم اليوم المهم دخلونا على المسجد انتظرنا فيه لين 9 و نص تقريبا و بعدين طلعونا مسجد داخل المبنى و تنتظر بالسرا الوكاد اني رقدت كثر نستنا على الساعة 12 دخلونا قاعة و تسلم هويتك للعسكري بعدين يناديك تقييس طولك و وزنك و يعطيك ورقة و ترجع للقاعة تسلمها للعسكري و بعدين يجي دورك و ينادي للي يبي الكشف باي منطقة انا اخترت جدة و ثمن تنتظر تخلص المجموعة الي قبلك مقابلات ثمن يجي دورك و تدخل بيكون موجود نقيب و عقيد و ملازم اول العقيد الي موجود عسل المهم دخلت سلمت عليهم و قالي الملازم حط ملفك على الطاولة و قفل الباب و تعال قالي عطني الهوية و سالني وش اسمك قالي امسك الورقة الي على الطاولة و اقراها الورقة بسيطة قريت ثلاث سطور و قلي وقف لاكن اهم شي تقراها و صوتك مرتفع و واضح و انتبه لا تلخبط الي مكتوب بسيط عن اضرار المخدرات خلصت قلي رح عند السبورة قلتله سم قلي اكتب افيون انا كتبت افيوم قلي لا افيوون عدلتها و قلي وشهو الافيون قلتله مادة يستخرج منها الحشيش قالي ممتاز و سالني ليش مقدم على مكافحة المخدرات قلتله اكون صريح معك قدمت على اكثر من قطاع عسكري لاكن مالله كتب و ان شاء الله الله يكتبلي رزقي هنا و قالي بالتوفيق و عطاني ورقة خرجت و رجعت للقاعة عطيتهم الورقة الي عطاني اياها النقيب و عطوني اوراق شيخ القبيلة و المستشفى و سجلت اسمي في ورقة الكشف الطبي حق جدة و تاخذ رقم مندوبهم الي بجدة و تمشي تقريبا خلصت على الساعة 2 و نص و اخلص اوراقي و اسلمها لهم شهر 7 يوم 6 .

اهم شي يوم تدخل المقابلة خل واقف زين و لا تحط يدك بجيبك و خلك واثق و ارفع صوتك لمن تتكلم و اوراقك لازم تكون كاملة عشان ما يعطونك موعد ثاني.

وترا الدعوة سهالات لحد يرتبك ولا شي .

و فالكم القبول النهائي و اي سؤال انا حاضر .

يعطيك العافيه يا زعل انا باذن الله بكره مقابلتي والان بالمطار
متوجه من جدة الـى الرياض الله يسهلها بس ياليت تقولنا
وين السكن شقق وكم سعرها الي سكنت فيها

وياليت تقولي كيف مشددين بالوزن والطول
والأسئله حقتهم ذي كيف وضعها افيون
وهل قالك تكتبها عربي او انجليزي
وشي الاخر متى قالولك تاريخ دورة ومدتها ؟!
وشي الاخيييير كم راتب الجندي هههه
جلدتك اسئلة ادري
بانتظارك ياعسل وموفقين للجميع يارب

يا شباب كيف أجواء الرياض بارده والا معتدله