سلام عليكم ورحمة الله وبركاتة

شخباركم عساكم بخير ان شاء الله

رجعت لكم بعد غيبه 6 شهور وجبت الغنايم وهالغنايم ماتت للاسف لزوم نبلغ الشيخ بالسالفة

الشيخ مقحاص دغيمان ههههه البرد مقطعن تقطيع ههههه بدخل بموضوعي علطول بسم الله

انا يا طويلين العمر 6 سنوات طلعت خرطي لا حكومه تقبل ولا خاص ينفع مثل المثل اللي يقول

لانت من المعزا ولا الظان هههههه ايوة هوا ده

انا انسان متابع للتجارة كثير وخاصه المشاريع اقراء عنها كثير سواء هنا او المواقع الثانية

وكمان علي ارض الواقع وجات في بالي دام 6 سنوات ما استفدت شي قلت لازم اطلع

بنتيجه الوكاد عندي ناس محبطين حتي لو انت عندك شي معين او طموح بسيط جدا طخوك

بها انت ماعندك سالفه انت مهايطي خرطي وجعان مافيش احساس وانت ماشي فقلت لازم

اسوي شي يفيدني وراضين بوه واعرف لي واحد واصل قالي لو عندك 3 مليون وش

تسوي فيها ؟ سولف علي طبعا ماكنت احلم او افكر بالمبالغ هاذي قسم بالله ال5000 اشوفها

في حسابي كاني راكب لكزس قوية هههههه المهم قلت له والله شوف بحكم شغوفي بمشاريع

بوه مشاريع لكن الوضع راكد قالي وش هي قلت ياطويل العمر ...

1- عماير سكنيه شقق مفروشه سواء عزاب او عوايل

2-عماير شقق مفروشة داخل المدن الصناعية وتاجيرها بنص مليون

3- ادخل بمجال الفنادق استثمر بس مدري كيف لسه حاولت اخذ معلومات ماعرفت

4-ملاعب رياضيه

5- مقاهي وجلسات والعاب مختلفة

6-محطة او مغسلة ملابس او سيارات

وافكار مبتكرة بمشاريع ثانية

قالي طيب واللي يطلع لك هالمبلغ من بنك التسليف لا تفكر لا في اهلك ولا قرايب ولا شي

انت تقدر وعندك طموح حققه ماحدن نافعك انا ليش قلتلك هالشي لاني اشوف فيك طريقة

استثمار ومتابع كويس وودك تسوي شي وواقف قدامك وقدام غيرك التمويل .

.................................................. ..................

انا لاحظت بالفترة الحاليه ركود عجيب جدا بالعقار وخايف اتهور واخذ هالمبلغ 3 مليون

ثم اطلع بخسارة ومتردد شوية لانه مبلغ كبير وبنفس الوقت الامور راكده علما ان في بالي

عماير وحده او 2 شقق مفروشة تكون موجرة بالكامل وواقدر ارجع خسارتي خلال السنة

الاولي وعندي احساس ان العقار نفس ماهو عليه واللي حاصل الان من ركود هي بالاراضي

وفرض ضرايب ولا العقار وضعه نفس السابق مافي اقبال

وش تنصحوني بوه احس وضعي ملحوس واسف مانسقت الموضوع لاني طافي قلت خلن

انزله ولما اصحي اشوف الردود واللي يحبطون الواحد لا يدخل اوك

وشكرا

اتمنى لي ولك وللجميع التوفيق باذن الله
اول شي نصيحتي لك لتكون رجل ريادي وناجح بعد توفيق الله انك تفكر بشيئين ضروريين
1- انك تبتكر شي غير موجود وتقدمة
2- انك تاخذ شي موجود وتضيف له اشياء وتطوره
اما الاساس انك تعرف جمهورك الي بتقدم لهم الخدمة وتجلس معاهم تكلمهم تشوف مدى اعجابهم واقبالهم بالفكرة خذ عدد كبير منهم ومن ثم توكل على رب الانام وثق بالنجاح الباهر بالتوفيق للجميع

ههههههههههههههههه مع المقدمة الجميلة هذه كأنك تتكلم عن حالتي ووضعي مع اللي حولي .. ولكن مبلغ مثل هذه كبير جدا بالنسبة لشخص ماهو عارف وش يبي يسوي بالضبط .. انا بحط نفسي مكانك مع ان وضعي مثلك .. لو انعرض علي مثل هالمبلغ ماراح اخاطر فيه وعلى قولتهم ( اجرب حظي ) بالعكس راح اشاور كل تاجر اعرفه واخذ منه افكار تفصيليه عن اي نشاط تجاري بالمبلغ هذه او ادخلها واستثمرها بالسيارات على طووووووووووووول وخلها خمس سنوات ما افكر فيها


الله يبارك لك برزقك وربي يوفقك ويفتح لك ابواب الخير

امين والجميع يارب

والله يالغلا بوه مشاريع ومضاف لها افكار مبتكرة يعني مثل ماتقول اشوف مشروع معين واشوف مشروع

ثاني وادمج فكره مشروعين بمشروع واحد عرفت ..

وبالنسبه لسؤال مجود بخصوص اخذ معلومات بتفاصيلها من تاجر عندي هالواصل عنده مشاريع بجده

ونصحن قالي اي شي بوه سكن واكل علطول اعمله ناجحه باذن الله 100% وحياتنا قايمه عليها

وبعدها فكرة بمواهب ومشاريع تحبها لكن انصحك في حال خذيت المبلغ احجز مستلزماتك من بيت وسيارة

امن مستقبلك قبل تبدا بمشاريع وتفلس وترجع مثل اول عايش علي ايجار وهذا اللي في بالي امن نفسي

وبعدين ازبط وضعي لكن

سؤالي محدن جاوبن عليه هل تنصحوني اطلع القرض واستغل الوضع الراكد اوانتظر لما شهر 8 وابدا ؟

ربي يسعدكم

عندي لك فكرة عمل نادي صحي نسائي وداخلة كافتريا ويكون متكامل من كل حاجة وبامكانك وضع خدمة توصيل للعميلات ويكون المشروع بمكان لا يوجد به نادي نسائي مثلا عندنا بالمدينة مافي نادي مخصص لهم وتمنياتي لكم بالتوفيق والنجاح

اللهم اصلح لي شأني كله ولا تكلني إلى نفسي طرفة عين لا إله إلا أنت

الله يجعل اول ربح لك مليون ريال في ليلة وضحاها
امين يارب

ياخالي عني انا .. بقبل اطلع القرض اليوم قبل بكره واذا المبلغ مثل ماتقول .. بما اننا هواه مالنا بالتجاره يعني لو بدينا بنكون مبتدئين وهالمبلغ صراحه كبيير .. لكن اذا استلمته بيدي كامل بشيل مليونين .. ومليون استثمرها بالسيارات والاقساط وربي فيه ورق شي مو طبييعي بس يبي له صبر شوي ومتابعة

مثلا مليون تجيب لك حوالي 20 سياره بقيمة اربعين الف وتقسط كل سيارة قسطها الشهري من الف الى الف وخمسمية ريال على اربع سنوات شوف كم الفائده واحسبها .. واذا صبرت وماسحبت الارباح تستطيع كل شهر تشتري سيارة جديده من عوائد الاقساط يعني المليون تشغل نفسها بنفسها بعد اربع سنوات يالله العافيه تشوف رصيدك تنجلطط وعدد سيارات مغري بس يبي لها صبر وشخص ثقه من معارفك بالمعارض صدقني في خلال خمس سنوات اذا رتبت نفسك واجتهدت شووي بس راح تسدد القرض وانت مرتاح وتكون مأمن نفسك وعندك خلفية كبيره بالشغله هذه وكونت علاقات ومعارف وبتستفيد على طول

اما الباقي امن فيه فيه نفسك ومستقبلك مثل ماتقول والله يكتب لك التوفيق ..

هذه شرح سريع للمشروع وهذه قطاع مهم والاستثمار فيه في ازدياد .. هذه والله اعلم

بالنسبة لفكرة طموحي عالي والنوادي صدق شغلها ماشي ولكن عندنا بالمدينة اكثر من نادي صحي وكوفي ولكن ما اشوف عليها اقبال وقبل فتره افتتحوا نادي نسائي متخصص وكوفي وشي راقي ولكن الاقبال عليه اتوقع ضعيف ( الرشاقه طالعه من اذوننا هههه ) لكن مدري البنات ابخص