السلام عليكم

صبحكم / مساكم الله بالخير

ي شباب انا امي الله يحفظها غير سعودية ولاكنها مضافة بكرت العايلة ولها رقم زي رقم بطاقة الاحوال ولاكن بدايتة 2

والوالد سعودي

هل يقبلون القطاعات العسكرية ولا لازم واسطة

الله يوفقنا وياكم ابي الجواب الشافي .

اتوقع يجب ان يكون سعودي من الجهتين من الاب والام لكن يجي من يفيدك

بعض القطاعات تختلف
مثل الحرس الوطني شف التسجيل مفتوح
وتلقى شروطهم موجوده وتمشي امورك

الله يوفقك

ماظن حتى لو بواسطه لازم سعودي الأم والأب هذا اللي اعرفه

لكن موفق .

والله يااخوك لازم يكونون الاثنين الله يطول بااعمارهم سعوديين ولازم اصل يعني حتى لو امك عطوها الجنسية مايقبلون
لكن انتت قدم وجرب حظك

الله يحفظ لك امك وابوك ان شاءالله

اخوي قدمت كثير على قطاعات عسكرية بالامن العام وحرس الحدود وامن المنشأت ومن شروطهم يجب على الوالدين ان يكونا سعوديين اصل ومنشأ ووبعدين يعطونك دفتر تعبي فيه كل بيانات وبيانات ابوك وامك وجدك وجدتك من ابوك ومن امك وين ميلادهم وتواريخهم وين كانت نشأتهم ومن هالخرابيط وفيه سؤوال يقول .. جدك عام الف وثلاثمئه ومدري كم وين كان عايش ؟ ومن هالكلام

عموما انا ماعلي من هالكلام كله .. اللي علي منه اني شفت كثير ماهم سعوديين ولكنهم عسكر .. مثال الشناقطه والهوساويه وغيرهم .. ونعم فيهم كلهم ولكن شلون تجاوزو الشروط الله اعلم ..

لكن انت قدم وشوف يمكن فيه استثناءات والله يكتب لك اللي فيه الخير

الله يجزاكم خير بيض الله وجيهكم

الله يكتب اللي فيه الخير ..

وعليكم السلام

من قطاع لقطاع يختلف بنظام الافراد مثلا الحرس الوطني والبريه والبحريه و الجويه وحرس الحدود يقبلوك كفرد فقط لاكن كظابط
كل الكليات العسكريه مارح تقبلك لانه شرط الام والاب والجد والجده والقبيله ومكان المنشا مهم جدااا في كل الاحوال انا مثلك الوالده جنسيتها الاصل عربيه ومعاها الجنسيه السعوديه و صديق لي امه من جنسيه عربيه ومامعها الجنسيه السعوديه وقبلوه والحين جندي اول فماهي مشكله كبيره ولا تقلق من الموضوع كثير ولا تسمع اي احد يحطمك لين تقدم وتشوف بنفسك

الله يرزقك ويرزقنا ويكتب الي فيه الخير