استفسار عن فكرة مشروع قلاب صغير

رائد محسن · #1 (**permalink**) 01-02-2016, 06:27 PM

السلام عليكم ورحمة الله وبركاته

إخواني قدر الله سبحانه وتعالى وتوظفت في إحدى الشركات بعد عناء طويل وتقديم عن طريق النت ولكن دون جدوى حينها
وكان السبب بعد الله هو نزولي إلى الميدان والبحث بنفسي والحمدلله توفقت في إيجاد وظيفة ..

وكنت قبل لا أتوظف معزم على إني أدخر من الراتب الشيء الكثير عشان أعوض السنين اللي فاتت في وقت قياسي
وبالفعل تم جمع مبلغ جيد في مدة سنة وكم شهر

المهم يا جماعة الربع بعد الإدخار وش الفكرة اللي تجيك ؟ تسافر بها ؟ تصرفها ؟ لا أكيد بتستثمرها والإستثمار أهم خطوة تلي الإدخار
وإلا صرفتها وضاع تخطيطك وتعبك بلاش

مالكم في الطويلة خطر في بالي مشروع صغير ويمكن ما يوصل لدرجة إنا نطلق عليه إسم المشروع
ولكن نقول إنها فكرة جت حسب راس المال الموجود معي الفكرة الله يسلمكم إني اشتري قلاب صغير وأجيب لي سواق
وشغل تحميل وتنزيل ردود والشغل قابل للتوسع إما في مجال النقليات أو المقاولات أو غيره ..

معي سواقين اثنين بالشركة اللي اشتغل فيها كل واحد له رأي في الموضوع :

الأول باكستاني ولده سواق في باكستان عرض علي أني اجيبه يشتغل معي ولكن رأيه : يقول السوق ما فيه شغل ذاك الزود
يوم فيه ويوم لا وبالكثير يجيب لك 4000 ريال وإذا مره 5000 ريال في الشهر !!

والثاني بنقالي : يوم عرضت عليه الفكرة >> قال انتا يجيب تأشيرة أنا يسحب على شركة ويجي شغل معك
يعني كلامه يدل على أن فيه شغل ويراهن انه يجيب في الشهر حول الـ 8000 إلى 9000 ريال لأن عنده معارف بالنسبة للمقاولين وبعض العماله .

المهم يا أخواني ابغى استفسر :

1- وش أفضل أنواع القلابات الصغيرة وهل فعلا القديم أفضل من الجديد وأي موديل يصلح ؟

لأن ميزانيتي بالنسبة للقلاب في حدود الـ 30000 إلى 40000 ألف ويمكن تزيد شوي .

2- نظام الإتفاق مع السواق إما :

* الربح 50% بيني وبينه النص بالنص والسكن عليه ومصاريفه الثانية بالإضافة إلى المحروقات وصيانة القلاب ؟

* أو أعطيه راتب شهري وفي حدود كم الراتب ؟ وتكون المصاريف الباقية علي من سكن ومحروقات وصيانة ؟

وأسأل الله أن يفتح لكم أبواب رزقه وتوفيقه

واسمحولي ع الإطالة

زرقا اليمامة · #2 (**permalink**) 01-02-2016, 06:52 PM

اتركهم بس
اذا قدرت لاتشاركهم معك ترا فيه شباب سعوديين صاروا يشتغلون بهالشغله هذي
ابحث لعل تجد واحد منهم متفرغ
الأجنبي اول شي يأخذ الفلوس ويحولها لبلاده وبعدين يمكن يسحب عليك ماينئمن شرهم وفوق هذا كله فيه غرامة وسجن لمخالفين الإقامة
وانت اختار

رائد محسن · #3 (**permalink**) 01-02-2016, 10:00 PM

اقتباس:

المشاركة الأصلية كتبت بواسطة زرقا اليمامة

اتركهم بس
اذا قدرت لاتشاركهم معك ترا فيه شباب سعوديين صاروا يشتغلون بهالشغله هذي
ابحث لعل تجد واحد منهم متفرغ
الأجنبي اول شي يأخذ الفلوس ويحولها لبلاده وبعدين يمكن يسحب عليك ماينئمن شرهم وفوق هذا كله فيه غرامة وسجن لمخالفين الإقامة
وانت اختار

حياك الله يا زرقا اليمامة ، الشغلة هذي نادراً ما تحصلين شاب سعودي متفرغ لها لأن الأغلب يدرسون أو متخرجين يبون الوظيفة ولأسباب كثيرة ..
فالأجنبي في مثل هذي الشغلة لازم منه لأنه جا مخصوص لها وبالنسبة لتحويل الفلوس احنا كشعب ودولة نعتبر مستهلكين نستورد كل شيء
ومانصدر إلا البترول وأشياء لا تذكر فجت يعني على الحوالات الخارجية ؟
وبالنسبة لأي شيء مخالف السائق بيكون على كفالتي وإذا سحب بلغنا عليه وجروه مع أذانيه
شاكر لك مرورك ومشاركتك يا زرقا اليمامة ولا عدمناك ،،

زوجة القحطاني · #4 (**permalink**) 02-02-2016, 06:05 PM

اقتباس:

المشاركة الأصلية كتبت بواسطة زرقا اليمامة

اتركهم بس
اذا قدرت لاتشاركهم معك ترا فيه شباب سعوديين صاروا يشتغلون بهالشغله هذي
ابحث لعل تجد واحد منهم متفرغ
الأجنبي اول شي يأخذ الفلوس ويحولها لبلاده وبعدين يمكن يسحب عليك ماينئمن شرهم وفوق هذا كله فيه غرامة وسجن لمخالفين الإقامة
وانت اختار

هلا أختي

معلش اسمحيلي أعقب على عبارة ويحولها لبلاده لأني كثيرا ما أسمع هذه العبارة

يا أختي كل واحد لما يشتغل يحول لأهله فلوس سواء كانوا داخل بلاده أو خارجها هو بيحول تعبه وشقاه لأهل الرحم

والقرابة يعلم الله حالهم الله يعين الجميع .. فيه للي بيحول الملايير للبنوك الأوربية وفيه للي بتروح عليه الآلاف

للسياحة الخارجية فكيف تجي على واحد يرسل لأهله شوية فلوس علشان يقتاتوا بيها أو يتعالجوا ..

المسلمون إخوة يا أختي

لصاحب المشروع شغل واحد مسلم ولك الأجر بإذن الله

مونت كارلو · #5 (**permalink**) 02-02-2016, 06:33 PM

اقتباس:

المشاركة الأصلية كتبت بواسطة رائد محسن

السلام عليكم ورحمة الله وبركاته

إخواني قدر الله سبحانه وتعالى وتوظفت في إحدى الشركات بعد عناء طويل وتقديم عن طريق النت ولكن دون جدوى حينها
وكان السبب بعد الله هو نزولي إلى الميدان والبحث بنفسي والحمدلله توفقت في إيجاد وظيفة ..

وكنت قبل لا أتوظف معزم على إني أدخر من الراتب الشيء الكثير عشان أعوض السنين اللي فاتت في وقت قياسي
وبالفعل تم جمع مبلغ جيد في مدة سنة وكم شهر

المهم يا جماعة الربع بعد الإدخار وش الفكرة اللي تجيك ؟ تسافر بها ؟ تصرفها ؟ لا أكيد بتستثمرها والإستثمار أهم خطوة تلي الإدخار
وإلا صرفتها وضاع تخطيطك وتعبك بلاش

مالكم في الطويلة خطر في بالي مشروع صغير ويمكن ما يوصل لدرجة إنا نطلق عليه إسم المشروع
ولكن نقول إنها فكرة جت حسب راس المال الموجود معي الفكرة الله يسلمكم إني اشتري قلاب صغير وأجيب لي سواق
وشغل تحميل وتنزيل ردود والشغل قابل للتوسع إما في مجال النقليات أو المقاولات أو غيره ..

معي سواقين اثنين بالشركة اللي اشتغل فيها كل واحد له رأي في الموضوع :

الأول باكستاني ولده سواق في باكستان عرض علي أني اجيبه يشتغل معي ولكن رأيه : يقول السوق ما فيه شغل ذاك الزود
يوم فيه ويوم لا وبالكثير يجيب لك 4000 ريال وإذا مره 5000 ريال في الشهر !!

والثاني بنقالي : يوم عرضت عليه الفكرة >> قال انتا يجيب تأشيرة أنا يسحب على شركة ويجي شغل معك
يعني كلامه يدل على أن فيه شغل ويراهن انه يجيب في الشهر حول الـ 8000 إلى 9000 ريال لأن عنده معارف بالنسبة للمقاولين وبعض العماله .

المهم يا أخواني ابغى استفسر :

1- وش أفضل أنواع القلابات الصغيرة وهل فعلا القديم أفضل من الجديد وأي موديل يصلح ؟

لأن ميزانيتي بالنسبة للقلاب في حدود الـ 30000 إلى 40000 ألف ويمكن تزيد شوي .

2- نظام الإتفاق مع السواق إما :

* الربح 50% بيني وبينه النص بالنص والسكن عليه ومصاريفه الثانية بالإضافة إلى المحروقات وصيانة القلاب ؟

* أو أعطيه راتب شهري وفي حدود كم الراتب ؟ وتكون المصاريف الباقية علي من سكن ومحروقات وصيانة ؟

وأسأل الله أن يفتح لكم أبواب رزقه وتوفيقه

واسمحولي ع الإطالة

عليكم السلام ورحمة الله وبركاته

اشد على يدك الله يقويك لكن لفتني انك ماحددت نوعية الشغل اللي بتشتغله عشان تحدد نوعية السيارة هل هي قلاب او دينا ، عموماً الفكرة كويسة ومافيها خسارة اضعف الإيمان تبيع القلاب او الدينا اذا مامشت امورك وخسارة الفين وثلاثة ماتضر

اتفق مع العامل على مبلغ محدد شهرياً لاتشاركه ولاتعطيه راتب افضل لك مليون مرة بلا نقاش
هو عليه كل شي السكن والمحروقات واقامته واوراقه والاعطال الصغيرة باستثناء الاعطال الكبيرة في السيارة تكون حسب نوعية العطل وحسب نوعية الاتفاق بينك وبينه

بخصوص السيارات كل السيارات صغيرها وكبيرها القديم اقوى وعملي اكثر من الجديد
يعني مو سالفة افضل لكن القديم مافيه فلاتر وكهرب وحساسات كثر الجديد !!

اقتباس:

المشاركة الأصلية كتبت بواسطة زوجة القحطاني

هلا أختي

معلش اسمحيلي أعقب على عبارة ويحولها لبلاده لأني كثيرا ما أسمع هذه العبارة

يا أختي كل واحد لما يشتغل يحول لأهله فلوس سواء كانوا داخل بلاده أو خارجها هو بيحول تعبه وشقاه لأهل الرحم

والقرابة يعلم الله حالهم الله يعين الجميع .. فيه للي بيحول الملايير للبنوك الأوربية وفيه للي بتروح عليه الآلاف

للسياحة الخارجية فكيف تجي على واحد يرسل لأهله شوية فلوس علشان يقتاتوا بيها أو يتعالجوا ..

المسلمون إخوة يا أختي

لصاحب المشروع شغل واحد مسلم ولك الأجر بإذن الله

بارك الله فيك

ماقالته زرقاء اليمامة السبب الحقيقي فيه ليس العنصرية ولكن بسبب فشلنا في العمل يعني الموضوع ليس خاص بها ولكنه احساس عام باختصار
قبل شهر وانا رايح احول راتب الخادمة لقيت سباك اعرفه يحول مبلغ 40 الف ريال
مايحتاج ننكر عليه رجال اشتغل شغلة شريفه ومن عرق جبينه وعمل يدينه مافيه احد له فضل عليه يمكن هو اللي له فضل علينا ياما قلنا للسباك والكهربائي ( تكفى يامحمد لاتتأخر ) عندي مسمار ابيك تربطه ذابحتنا الرفاله !!

رائد محسن · #6 (**permalink**) 02-02-2016, 10:25 PM

زوجة القحطاني حياك الله ،،

كلامك صحيح من ناحية أنه يحق للعامل تحويل فلوسه لأهله في الخارج لأن الأغلب أجبرهم الوضع المعيشي المتردي في بلادهم

وجا لهذا البلد يشتغل ويكد ويكسب رزقه ويضمن لأسرته معيشة كريمة

ودام الشغلة من كده وتعبه فيحق له يحول فلوسه لأهله ولا وقفت عليه من هذي الناحية

وفي نفس الوقت أنا مع الأخت زرقا اليمامة لأنها من جهة ثانية تتمنى شي كلنا نتمناه ولكن الواقع يختلف

هي تتمنى الخير لأبناء هذا البلد من العاطلين والمحتاجين من باب أن الأقربين أولى بهذي الأموال المحولة للخارج

ولكن لو نظرنا لطبيعة بعض الأعمال لوجدنا أنه لم ولن يقبل بها أغلب شبابنا لقناعات شخصية ولأن الثروة النفطية جعلت منا شعب اتكالي

همه الوظيفة الحكومية لأنها تعطي أموالاً مقابل مجهود لا يذكر ، والمسألة ليست عيباً في الشعب ذاته

بل الإعتياد على هذا النمط المعيشي جعلنا نعتمد على العمالة بشكل كبير .. المهم الموضوع يطول شرحه

وشاكر لك مرورك ،،

رائد محسن · #7 (**permalink**) 02-02-2016, 10:45 PM

اقتباس:

المشاركة الأصلية كتبت بواسطة مونت كارلو

عليكم السلام ورحمة الله وبركاته

اشد على يدك الله يقويك لكن لفتني انك ماحددت نوعية الشغل اللي بتشتغله عشان تحدد نوعية السيارة هل هي قلاب او دينا ، عموماً الفكرة كويسة ومافيها خسارة اضعف الإيمان تبيع القلاب او الدينا اذا مامشت امورك وخسارة الفين وثلاثة ماتضر

اتفق مع العامل على مبلغ محدد شهرياً لاتشاركه ولاتعطيه راتب افضل لك مليون مرة بلا نقاش
هو عليه كل شي السكن والمحروقات واقامته واوراقه والاعطال الصغيرة باستثناء الاعطال الكبيرة في السيارة تكون حسب نوعية العطل وحسب نوعية الاتفاق بينك وبينه

بخصوص السيارات كل السيارات صغيرها وكبيرها القديم اقوى وعملي اكثر من الجديد
يعني مو سالفة افضل لكن القديم مافيه فلاتر وكهرب وحساسات كثر الجديد !!

حياك الله أخي مونت كارلو

أولاً وقبل كل شيء عبارة أشد على يديك هذي تكفي لأني متردد وتعبت وأنا أجمع هالكم قرش وأول مرة أدخل تجربة الاستثمار

بالنسبة للسيارة باخذ لي قلاب صغير والنشاط بيكون تحميل ونقل مواد البناء بشكل عام

والهدف من الفكرة زيادة الدخل وبالذات قيمة الإدخار لدخول مشروع أكبر

وشاكر لك جداً على تشجيعك وإقتراحك ،،

Pioneer · #8 (**permalink**) 25-02-2016, 07:55 PM

الله يوفقك ياخوي

اسمع ولا قد جربت من اهل المجال هذا فيه شركات تتعاقد معها بشكل شهري في الجبيل
واعرف واحد اشترى في البدايه قلاقب واحد وشغله مع شركة الفوسفات في الشمال ( وعد الشمال ) وبعد سنه شرا واحد ثاني
الله يرزقه ويرزق المسلمين ومثل ماذكروا الاخوان في حال الخساره لاسمح الله بتكون طفيفه

رائد محسن · #9 (**permalink**) 20-03-2016, 12:03 AM

اقتباس:

المشاركة الأصلية كتبت بواسطة Pioneer

الله يوفقك ياخوي

اسمع ولا قد جربت من اهل المجال هذا فيه شركات تتعاقد معها بشكل شهري في الجبيل
واعرف واحد اشترى في البدايه قلاقب واحد وشغله مع شركة الفوسفات في الشمال ( وعد الشمال ) وبعد سنه شرا واحد ثاني
الله يرزقه ويرزق المسلمين ومثل ماذكروا الاخوان في حال الخساره لاسمح الله بتكون طفيفه

الله يوفقنا وإياك يا Pioneer

والله يكتب الخير لنا ولكم جميعاً