عندي يوم الأربعاء ان شاء الله مقابلة شخصية في مركز عبد اللطيف جميل ( باب رزق جميل ) وبصراحة انا أول مرة اتقدم لوظيفة ومقابلة شخصية , عمري ما اشتغل قبل كذا , وبصؤاحة مررة مرررة خاااايفة , وقرأت بعض أسئلة المقابلة ومنها :

( أبغي طريقة وأسلوب وصياغة الكلام ) مثلاً أنا اسمي كذا .. وعمري كذا..
1- تحدثي عن نفسك ؟
2- ماذا تعرفي عن المركز ؟
3- لما تودين العمل في المركز ؟
4- ماهي نقاط ضعفك وقوتك ؟

بليز ساعدوني الله يوفقكم , أبغي مثال توضيحي لكل سؤال بليز بليز

والله اختي المقابله لابد قبل ماتدخلين المقابله تكونين واثقه من نفسك طبعا ,,وحاولي قبل ماتبداء المقابله يعني قبل ماتدخلين الغرفه الي فيها المقابله تسولفين مع الشخص الي راح يقابلك لان كذا راح ترتاحين شوي وراح تمهدين لنفسك المقابله ,,,وكذالك حاولي تاخذين وقت عندما يسألونك سؤال مو على طول تجاوبين وفكري شوي ,,, حاولي ماتشبكين يديك مع بعض وانتي بالمقابله ولا ن هذا يدل على التوتر حاولي تبعدين عن الامور الي تحسن نفسك ضعيفه ولاتتطرقين لها علشان مايحصرون في زاويه وبعدين تظهر عيوبك ,,حاولي تكثري من الكلام في المجال الي تتميزين فيه ,,اذا خلصت المقابله ودعي الي قابلوك باسلوب راقي علشان هذا الشي راح يترك عندهم انطباع عنك جيد .

هذا الي اقدر افيدك به وبالتوفيق

الاسئلة حيب الشخص اللي يقابلك

انا سبق وسويت مقابلة فيها وكانت الاسئلة :
1. اسمك ؟
2. عمرك ؟
3. مؤهلاتك ؟
4. مستوى اللغة الانجليزية ؟


اما الاجابة عن الاسئلة :
1. اسمي ..... من مواليد عام ........ حصلت على مؤهل ............ و............ وسبق لي العمل في ......... ولدي المهارات ........... و .............. مثل " استخدام الحاسب وغيرها "
2. صندوق عبد اللطيف جميل تأسس عام 2003 م ويقوم بعدة ادوار في خدمة المجتمع السعودي لتأهيل الشباب
3. رغبة مني في الاستقرار الوظيفي ولما للمركز من سمعة طيبة في المجتمع
4. هذا السؤال ماذكر مر علي <<<< معذرة على الاجابة

حاولي دائما ان لا تأتين باجابات مفتوحة ومتشعبة وان تكون اجاباتك متقاربة ومغلقة مثل نعم - لا

اتمنى ان اكون قد وفقت للتوضيح والله ولي التوفيق

الله يوفقك

الله يعطيكم العافية يارب