السلام عليكم ورحمة الله وبركاته

ياشباب انا تعبت من كثر المطامر والاساله والى يومكم مالقيت اجوبه


انا فكرت اطلع دينا واكد عليها او على الاقل اسلمها احد يشتغل عليها

بس تعبت مادري من اقدم عليه


لاني سمعت ان فيه مشرووع للملك عبدالله يعطيكـ دينا براس مالها وبتقسيط مريح

بس ما ادري من اقدم عليه

رحت لبنك التسليف ولقيت الليموزينات بس ما لقيت الدينات

مادري لهم قسم ثاني او كيف؟؟


ياليت اللي يعرف اي شي عن مكانهم او طريقتهم يدلنا

هذا اول شي


وثاني شي سؤال للناس اللي عندهم خبرهـ

وش افضل شي من الناحيه الماديه في الدخل


الدينا او الباص؟

لاني متردد وش اخذ بالظبط واللي له تجربه او يعرف احد له خبرهـ فيها ياليت يفيدنا


اتمنى احصل اجابه على اسالتي الله لا يهينكم

افضل من ناحية الدخل
في رأيي الدينا
لأنها مطلوبة دائما
أما الباص فله مواسم

صدقت اخوي السروري

الدينات عليها طلب والباصات مواسم


بس ما قلت لي الله يرضى عليكـ كيف اقدم علي امتلاك دينا

الله لا يهنكم اتمنى احصل اجابه

والله اخوي من واقع تجربه

الدينا ماشاء الله تدخل ذهب بالذات لا جتك طلبات خارج المنطقه اللي انت فيها

تجيك طلبات بالسعر اللي ترغب فيه ..

وطبعاً من غير اللي داخل المنطقه مثلاً عفش الدفعه الوحده 100 ريال

وماتاخذ منك ساعه إلا ربع او ساعه بالكثير و100 ريال بجيبك ..

-----------

اما الباص اعرف ناس الله يرزقهم شغلهم ماشي بتوصيل الطالبات والمعلمات

يعني الوحده ب 300 ريال بالشهر واحسب لو مثلاً تاخذ يومياً 6 او 7 معلمات

هذي 2100 ريال شهرياً بجيبك ..

طبعاً تقدر تاخذ أكثير على حسب حجم الباص ..


وانا من رأيي الشخصي ارى ان الدينا أفضل لأن الباصات كثيره وصعب تلقى طالبات او معلمات توصلهن ..

والله يوفقك ان شاء الله ويرزقك الرزق الحلال

ماقصرو الاخوان ما اقدر ازيد عليهم لاني اصلا ما عندي خبرة فيها كلها ...
عموما الله يرزقك من واسع فضله

عز

تحليل وحسابات منطقيه

ورأيكـ سليم جدا وماعليه كلام


الله يجزاكـ خير ما قصرت والله يجعلها في موازين اعمالكـ


بس ما قلت لي مافيه مكان اقدم عليه تقسيط مثل مشرووع الملكـ عبدالله

او اي مكان يمكن يفيدني في تملكـ دينا

الله لا يهينكـ على ردكـ

طفشتوني

الله يجزاكـ خير على الدعوهـ

والله يرزقكـ الرزق الحلال الطيب

ويبيض وجهكـ على المشاركه ولو بدعوهـ

أخي الكريم ..

في وكالة موجودة في الرياض على طريق خريص صينية يبيعون دينات ورخيصة جداً وعلى فكرة اللي عليها طلب حجم جنط 20 والله يرزق الجميع

http://web.tcf.org.sa/new/

هذا موقع صندوق المئويه راح يفيدك

الله يوفقك ويرزقك الرزق الحلال
مثل ما تفضل الإخوان الدينا والله أعلم أفضل من الباص ...
ومن رأيي الشخصي لو تشتري مستعملة ونظيفة (شرط يفحصها لك خبير ) أوفر لك بكثير من أن تشتري جديدة خاصة لو كنت راح تأجرها ...
لو تدبر نفسك منا ولا منا تشوف لك أحد من الأقارب أو الجماعة من يسلفك أو يقصد عليك سلعة قيمتها تنفعك أفضل لك من البنوك ودوختها ...
((الناس بالناس والكل بالله ))
وفيه نوع من الدينات نصحني بها أهل الخبرة وهي الدينا الي فيها ونش (كرين ) هذي تقدر تأجرها بكل سهولة بإذن الله خاصة لو كنت في منطقة متحركة وتجارية ..