المشاركة الأصلية كتبت بواسطة حمدتوالعنزي

السلام عليكم ورحمة الله وبركاته
انا من المتقدمين لكلية العلوم الطبية التطبيقية (مختبرات طبية) ووصلتني رسالة عن موعد الاختبار.
ياليت الي عنده اي معلومة عن طبيعة الاختبار(تخصص او عام)وهل بيكون في مقابلة او لا يفيدنا. راسلت الايميل تبعهم وللاسف مافي رد.
الي يقدر يساعد افيدونا جزاكم الله خير الجزاء

وشكرا.

المشاركة الأصلية كتبت بواسطة ارماز

الإختبار في تخصصك اللي قدمت عليه
بالنسبة للمقابلة هل تقصد إنها تكون في نفس اليوم ؟
غالبا لا ،
أول شي يصححون الإمتحانات و بناء على الدرجات و المعدل يختارون الحاصلين على أعلى علامات .

أما إذا تقصد بشكل عام ، طبعا فيه مقابلة خصوصا لوظيفة المعيد!
لازم يتأكدون من شخصيتك اتزانك قدرتك على الشرح و توصيل المعلومة و النطق السليم ( أحيانا يطلبون تحضر برزنتيشن صغير بس يبلغونك قبلها )
يسألونك وش تضيف للقسم و للجامعة ككل .
و بما أن الإعادة تستلزم الإبتعاث راح يسألونك كذا سؤال بخصوص اللغة و هل قمت بخطوات للتحضير للدراسة خارجيا ( اختبار لغة و غيره )
و هل بحثت عن برنامج معين و ايش ناوي تكمل فيه

إذا جبت علامة كويسة بالإمتحان و حضرت للمقابلة مثل ما كتبت لك نسبة قبولك بالوظيفة بتكون كبيرة جدا بإذن الله .

خصوصا نقطة الدراسات العليا و الإبتعاث اظهر لهم إنك جاد و مطلع على الشروط و البرامج و حاطط في بالك جامعات معينة هذي بتعطيك دفعة قوية للترشيح .
و لو عندك فكرة بحث علمي أو مجال معين بتبحث فيه يا سلام .


لازم تتكلم بصوت واضح و كلماتك تكون مفهومة و بدون توتر و ارتباك لأنهم يختبرون فيك هل تقدر تدرّس أو لا ..
برضو المظهر الشخصي جدا مهم احرص تكون رسمي و مرتب جدا ، يا حبذا الزي الرسمي ( ثوب وغترة و حذاء رسمي) بعيدا عن السكربز و الكروكس و الصنادل و النظارات الشمسية أو ألوان أو قصات صارخة غيرها
قد يستغرب البعض من نقطة المظهر لكنها جدا مهمة و بعض اللجان تحط علامات خاصة لها ، و لو ما حطوا فهي بالتأكيد بتزيدك قبول عندهم لأنها بتعكس جديتك و رغبتك بالوظيفة و الكلام عام لكل متقدمين و متقدمات الإعادة .

مهم برضو إذا عندك خبرة عمل سابقة تجهز كلام عنها و تبين لهم كيف استفدت و كيف صقلتك تجربتك بالعمل في المكان الفلاني ..

ممكن جدا يستفزونك بسؤال او اثنين حاول خليك مبتسم و هاديء و جاوب بدون نرفزة .

بالعربي تخيل إنك دكتور أو بروفيسور و رايح تسوي مقابلة تلفزيونية .. كيف بيكون مظهرك و تصرفك ؟

كلامي كتبته لكم من واقع خبرتي العملية إن شاء الله فالكم التوفيق
دعواتكم لي يعوضني ربي بوظيفة مناسبة لي و التفوق في اختباراتي

المشاركة الأصلية كتبت بواسطة حمدتوالعنزي

ارماز الله يعطيك الف الف عافيه ع النصايح الي الكل بيستفيد منها بكل التخصصات. والله يكتب اجرك وويسر لك كل امورك يارب.
انا حاليا مبتعث ع برنامج خادم الحرمين وبروح السعوديه وبحضر الاختبار ان شاء الله بس دراستي بتبدا بعد اسبوع وماراح اكون بالسعوديه. هل جامعه الملك سعود يسوون مقابلات ع سكايبي؟ وهل في اي طريقه اقدر اعرف كم وظيفه متاحه لان عدد المتقدمين كثير. واخر سوال، ايش طبيعه اسئله الاختبار صعبه سهله ؟
شكراااااا