السلام عليكم

انا اشتغل في شركة بالاحساء ويوم اني دخلت اتاكد بانه اسمي موجود في وزارة العمل عند الاستعلام عن موظف سعودي
شفتهم كاتبين مكتب العامل التابع له مدينة الرياض...!!! كيف حاطين الرياض وانا اشتغل بالاحساء ؟؟؟

يعني اذا بقدم استقالاتي اقدمها اروح الرياض ...!!!

ودخلت على موقع الموارد البشرية حصلته فعال ومدة الدعم 0 ..!!

وفي حال قدمت استقالتي من العمل بعد مضي 3 شهور او شهرين مالمطلوب مني ؟؟

ياليت الاخوان يوضحون هالشي لاني جديد للعمل ومابي اتورط بشغله الموارد والتامينات زي بعض الشباب

التأمينات الاجتماعية ما فيها إي ورطه لانهم يسجلونك وبعدها تحذف الشركة اسمك من التأمينات فقط تأكد من حذف الاسم .
إما الموارد البشرية سيؤثر الامر عليك يقلل مدة الدعم المفترض سنتين 24 شهر وممكن ما تتوظف بسبب ذلك
لا تستعجل في الاستقالة قبل ما تلقى وظيفة واسال عنها من يعرف عن المكان وفي النت واستخير اكثر من مرة وبعد ما تنقبل قبول نهائي استقيل حتى لو تدفع بدل شهر الانذار والتأمينات ممكن ما يسجلوك الشركة الثانية الا متاخر شوى علشان الاولى تحذف اسمك أو تعرف على نظام الاشتراك في شركتين في التأمينات الاجتماعية .

يعني عند مدة في العقد تقول أنك لازم تبلغنا انك لا تريد العمل وتبقى شهر للعمل عندنا حتى يجدوا البديل أو تدفع المبلغ تعويض لان الشركة ستفقد موظف في هذه الفترة حتى تجد البديل وسيخسروا بسببك فتدفع مبلغ مساوي لاجرك .
حسب النظام
المادة الخامسة والسبعون 20 :
إذا كان العقد غير محدد المدة، جاز لأي من طرفيه إنهاؤه بناءً على سبب مشروع يجب بيانه بموجب إشعار يوجه
إلى الطرف الآخر كتابة قبل الإنهاء بمدة تحدد في العقد، على ألا تقل عن ستين يوماً إذا كان أجر العامل يدفع
شهريًّا، ولا تقل عن ثلاثين يوماً بالنسبة إلى غيره.
المادة السادسة والسبعون 21 :
إذا لم يراعِ الطرف الذي أنهى العقد غير المحدد المدة المهلة المحددة للإشعار وفقاً للمادة )الخامسة والسبعين(
من هذا النظام, فإنه يلتزم بأن يدفع للطرف الآخر عن مهلة الإشعار مبلغاً مساوياً لأجر العامل عن المهلة

افضل وقت التجربة هو افضل وقت وإذا اردت تكمل كم شهر ممكن تداوم الشهرين لان عقدك غير محدد المدة ويصبح الاجر لك ولكن ستخسر الوظيفة الثانية إلا إذا كانت علاقتك طيبة مع صاحب المنشاه والمدير والمسؤولين ممكن يصرحوا لك من غير ما تدفع وتمشى امورك.

صراحة جننتني انت وقت ما تحب تستقيل استقيل ولكن النظام يقول ادفع الستين يوم أو داوم وانت افهمها اما تكون محظوظ ويقولوا روح وما نبغى منك شىء وخذ اخلاء الطرف أو يقولون لك داوم أو ادفع لان عقدك غير محدد بنهاية النظام 60 يوم .
والشركة الثانية تطلب اخلاء الطرف منك علشان تعرف انك ما تشتغل عند الشركة الاولى وعلشان تسجيل التأمينات يتم لازم يحذف اسمك من التأمينات من خلال الشركة الاولى .
والمدرب غير موجود شىء يخص الشركة ولكن لماذا انت تريد الاستقاله الان وانت ما لقيت شغل قبلها حاول تأخذ خبرة على قد ما تقدر وبعدها استقيل إذا لقيت شغل مناسب وتضمنه.