بسم الله الرحمن الرحيم ..

كل ما يكبر الانسان تصغر حاجات كثيره فعقله كان معتبرها شي كبيررررر بالنسبه له
انا زي اي بنت عندي احلام كبيره وكثيره شي منها صرت احسو ابعد من المستحيل وشي اي شخص مقتدر يقدر يحققها وببساطه ..

كل ما اتقدمت فالعمر تقل وتتلاشى احلامي اختنقت في كثير من اللحظات حسيت اني عاجزه عن تقديم ابسط الاشياء لمن حولي حتى الابتسامه كانت ما تفارق وجهي الآن بصعوبه ابتسم وعيوني تدمع انا لساتني فالعشرينات لكن تفكيري وعقليتي صارت فالستينات كبرت وصرت افكر فالماديات المستحيله ...

تعبت اضحك على حالي وانا وضعي ما تغير فيه شي سنين عدت وانا نفس حالتي بل زاد تعقيدا والحمدلله على كل حال اصعب شي لما تكون انت مصدر السعاده لاشخاص والآن انت النكد والالم والحزن لهم نفسيتي تعبت بسبب اني اجامل واجامل على حساب نفسي والأن وصلت لوضع صعب اني اجامل فيه حتى نفسي ..

عاجزه جدااا والفقر دمرني ودمر احلامي و مستقبلي حتى دراسه او دوررات استفيد منها ما قدرت ادرس بسبب الظروف والفقر اكره اطلب من شخص وانا اعلم انو محتاج اكثر مني فاضطر اكبت كل رغباتي وابتلعها و اقووول ما انكتبت ليا
سبحان الله ساعات تجيني قوه واتحمل وساعات طول الليل ابكي وبالساعات من شده قهري ..

خلاص تعبت من الانتظار وعرفت انو ما راح يتغير شي ف وضعي بس نفسي ترجع ابتسامتي وحيوتي معد ابغى افكر فالدراسه والفلوس والمستقبل لأني جالسه اتعذب تحت مخدتي كل يوم و عالفاضي ما راح اطول شي ...

والحمدلله على كل حال مجرد فضفضه لأني اختنقت وماعندي احد احكيلو عن اللي بداخلي ...