السلام عليكم ورحمة الله وبركاته
عندي فكرة معينة وأبي اتفق مع مصنع صيني ينفذها لكن أخاف المصنع يسرقها ويصنع مثلها وينزلها السوق ...وغير كذا أخاف أول ما أنزلها السوق يقلدها أي تاجر ...هي فكره بسيطة مو اختراع عشان اروح أسجل براءة إختراع بعطيكم مثال قريب منها ..(( الحصالة الذكية) هي ماهي اختراع لكن فكرة وممكن أي أحد يقلدها ..وش الحل أخاف أتكلف وادفع للمصنع والمصنع ماراح يصنع كمية قليلة بيشترط آقل كمية يسويها 50 ألف ...يعني ابي اتكلف وابي ادفع كل ماعندي وأخذ قرض بعد ..ساعدوني بإقتراحاتكم

المصانع الكوريه والصينيه قلدو صناعة هواتف آي فون و أجهزة سامسونج و LG
وهي شركات ضخمه ومعروفه

يعني ماتبيهم ينسخون فكرتك ؟
مستحيل إلا بنزلونها بالسواق قبل بضاعتك
لأنهم جاهزين بتصنيع والتسويق ويتسابقون ع كل منتج

لا يوجد طريقة تمنع احد يقلد فكرتك .. ابد وخذها مني
اول ماتنزل السوق فكرتك اذا صارت ناجحه بيجيبونها تجار ثانين ويبيعون ارخص منك ..

ما ابي احبط بك لكن للاسف هذا الواقع .. توكل على الله وجرب فكرتك لكن لا تغامر بقروض .. اذا ناقصك ماده دخل شريك واذا نجحت سويلك فكره ثانيه لحالك من دخل الفكره الاولى .. واذا خسرت لاقدر الله تكون الخساره خفيفة ..

كل شئ يسرق الا الشخص اللي جاب الفكره لانه يوجد في العالم نوعين .. نوع يبدع ويجيب الجديد ونوع فقط يقلد ..لذلك حافظ على المسافة بينك وبين المقلدين بحيث كل فتره تجيب فكره جديدة


تخيل معي لو الوندوز حق مايكروسوفت للحين هو وندوز اكس بي .. تتوقع بيستمرون بالسوق؟

هي ماهي إختراع عشان أطوره ..هي فكرة وجت صدفة ..صعبة أطورها😄

عندي فكره ليش ماتبيعها عليهم
يعطونك مليون قلهم الخليج في حاجه لها ومافيه احد يستغني عنها ووالخ
وقبل ماتروح خذ محامي معك ومترجم
وبعها عليهم مليون ريال افضلك من وجع الراس
اذا اعجبتك الفكرة ونفذتها بامان وحصلت على حقك منهم لاتنساني عندي أفكار لالات واشيا ثانيه
ابيهم يصنعونه لي خبرني بشركه الي تعاملت معك حتى ينفذون افكاري بعد انا

ما انصحك تدخل بالمشروع دامك ماتبي تخسر

اصنع الفكرتك انت

من جد والله ، اذا الفكره ما يبغا لها مختصين مدري كيف
والات ضخمه ، فانت اصنعها بمصنعك

بمعنى وفر مواد الخام من الصين من غير ما تفصح عن فكرتك
خذ متطلبات فكرتك وجيب عماله من اي دوله او تلاقي عماله واجد بالسعودية ..

ابحث عن عمال لهم خبره بتجسيد فكرتك مثلا لو الفكره تتطلب
كهربه وانوار تبريد ومن هالامور فطبيعي انك بحاجة كهربائي شاطر.

فكر بكل متطلبات فكرتك
وفر مواد الخام
وقبلها اعمل مصنع او بالاصح ورشه خاصه فيك
ابحث عن عمال عندهم خبره بمتطلبات فكرتك
حدد العدد المطلوب للانتاجيه
اعمل لمنتجك دعايه قويه وسوق لها بالاعلانات واعرف وين المكان المناسب للاعلان لمنتجك لو مثلا يخدم المدرسة سوق له بجهه لو يخدم الرجال فقط سوقه لهذي الفئه ، لو لنساء سوق لها الفئه وهكذا....
بعد فتره من تنزيلها بالسوق اعمل عروض تجذب المستهلكين
في شي اسمه هيئة المواصفات والجوده ومدري ايش بالضبط
لكن هذي لها علاقة بمواصفات الجوده وماجوده شوف اذا منتجك
ممتاز وكذا حتى لا يتعرض لتوقيف تسويقه بالاسواق..

ادرس الموضوع بأدق تفاصيله واحسبها بورقة وقلم
وتوكل ع الله

الله يوفقك