السلام عليكم
قبل اسبوع طرحت موضوع بأني سوف افصل من العسكريه لأبيع الجريش

والكثير نصحني على اني امارس الوظيفة والتجاره
ولقيت ان كلامكم عين الصواب جزاكم الله خير ...
واليوم بدئت بيع الجريش في بسطه متواضعه
بدعم من زوجتي الله يحفظها ..

ولي اكثر من اسبوع متخوف ومتردد من مواجهة الناس في بسطه
وتجرأت قليلا والحمدلله ووضعت اول خطوه لي
بكسر الخوف والرهبه ..

وان شاء الله ستكون قصة بدايتي في التجاره من هنا
من حيث دعواتكم ودعمكم لي ..

ماشاءالله تبارك الله
بالتوفيق لك والله يرزقك من ةاسع فضله ورزقه
ويبارك لك برزقك ومالك
لاتنسى الصدقه
لجل ربي يبارك لك في رزقك وكل شي

بالتوفيق لك

اهنيكككككككككككك

استمر والله يوفقك يارب

ما شاء الله .. مبرووك البداية ..
الله يباركلكم في الرزق ويزيدكم من فضله ..

الله يوفقك ويفتح لك ابواب الرزق

ونعم الرجل انت ونعم الزوجة زوجتك

دامك خطوة هذه الخطوة المهمه ابشر بالخير باذن الله

الله يوفقك ويفتح لك ابواب الرزق
ونعم الرجل انت ونعم الزوجة زوجتك
ربي يبارك لك

كفوووو والله
بالتوفيق .. الله يرزقك

الله يوفقك

الحمدلله انك سويت عين الصواب ..
وأبدأ الآن في التخطيط التشغيلي لمشروعك .. وفيه دورات في اليويتيوب اسمها : التخطيط التشغيلي .. وانت جالس اسمع لها واستفد منها
لأنها راح تفيدك كثير في مشروعك .. اكتب في محرك بحث يوتيوب التخطيط التشغيلي وبيطلع لك كم دورة ادخل عليها واستفد منها
ايضا التخطيط الاستراتيجي .. راح يفيدك في تطوير مشروعك على المدى البعيد ..

وانا اشوف انك تتعاقد مع "موظفين ومدراء الجهات الحكومية - وموظفين ومدراء العسكرية - وموظفي ومدراء الشركات" + تقولهم جاهزين للمناسبات في حال رغبتكم (احتياطاً) والمناسبات تجيب شغل جيد ..
تسوي لك بروشور وكروت واضحة وفيها الاكلات واسعارها وارقام التواصل .. وتبدأ توزعها على الموظفين بالحكومة والشركات .. الشغلة يبيلها شوية حركه بس + اعلانات في مواقع التواصل الاجتماعي انستقرام وتويتر وغيرها ..
واكتب عليها الاكلات اللي تسويها + رقم الجوال "ويفضل انك تطلع جوال برقم مميز خاص بالعمل لإستقبال الطلبات عليه" وتكتب في البروشور التوصيل مجاني .. والافضل انك تاخذ حافظاتهم وتحط الاكل فيها او تاخذ تأمين على حافظاتك للاكل عليها او تسوي شيء جديد محد سواه ..

لأن عليها طلب من الموظفين في وقت الغداء "البريك" والعشاء بعد للي عندهم مناوبات .. وبيطلبون منكم اذا يبون ..

ايضا شيء مهم لك .. لازم تحسب تكلفة الانتاج للمرقوق والجريش والرز وغيرها .. عشان تعرف بكم تبيع + تعرف كم بتربح منه
يعني لو قلنا تكلفة انتاجك لقدر جريش كبير باليوم 50 ريال مثلا ً .. هنا لازم تبيع من 25 ريال الى 30 ريال للوجبة الوحدة عشان تربح 25 ريال الى 20 ريال من كل وجبة وحدة .. والقدر يغطي اكثر من وجبة المهم انك تقدر تدخل باليوم اكثر من تكلفة انتاجك وهي 50 ريال (او حسب التكلفة اللي بتحطها بالانتاج) عشان تربح فوقها ربح صافي لك من المشروع ..

وان كسبت زباين وكونت لك سوق عمل لك وكسبت خبرة جيدة بالعمل .. تقدر بعدها تفتح لك مطعم محترم .. وانت شايف المطاعم كيف الزحام عليها .. وذاك الوقت اذا شفت المطعم يدخل لك اكثر من الوظيفة اترك الوظيفة وتفرغ لعملك بالمطعم .. "كتخطيط استراتيجي" ..

والله يوفقك

وأقرأ عن دراسات الجدوى الاقتصادية عشان تستفيد اكثر وانت جالس تشتغل ..

الله يرزقك من ةاسع فضله