السلام عليكم ورحمة الله وبركاته

حبيت اسئلكم اخواني واخواتي انا من جدة وابغى اجي للرياض اقدم سيرتي الذاتية للبنوك والشركات يدوي معايا شهادة بكالوريوس ادارة اعمال
سؤالي ؟؟؟
هل تنصحوني اني احجز للرياض واقدم يدوي للبنوك والشركات ولا كل شي عن طريق الموقع ؟؟؟

افيدووني جزاكم الله خير

كل البنوك تشترط التقديم على الموقع

وعليكم السلام ورحمة الله وبركاته ،،،

اولا اتمنى لك التوفيق وفيما يخص البنوك التقديم عن طريق المواقع الالكترونية

وعليكم السلام ورحمه الله وبركاته ..

مثل ماقالوا الاخوة الغالب عن طريق مواقعهم الالكترونيه .. بس انا بقولك على حاجتين ..

انا قبل اشهر قليله مريت على بنك الراجحي اللي في مبنى العقارية اعتقد اسمه كذا خلف برج المملكه مدري الفيصلية ماني متذكر بالضبط انت لو رحت اسأل عن المبنى هذه ويدلونك عليه لانه معروف .. المهم فيه تقريبا ثلاث مكاتب لبنك الراجحي واحد مدري حق وش بالضبط .. والثاني حق خدمات الراجحي زي مراكز الحوالات والثالث تبع المصارف .. اللي اخذو اوراقي تبع خدمات الراجحي لان مؤهلي ثانوية عامة .. اما الكتب حق المصارف قالوا لو معك دبلوم وفوق كان اخذنا اوراقك ونتصل فيك بس للاسف مامعي دبلوم ..

انت روح لهم ومنها قدم على الشركات هناك اغلب الادارات كلها يوم او يومين منت خسران ..

الحاجة الثانية .. روح لشركة نحو الافق في شارع الستين عندكم في جده وهي شركة مشغلة تابعة لبنك سامبا .. روح قدم عليهم ومايقصرون ..

او روح لشركة التوظيف اسمها STO في جده جهه اسواق المزرعة اعتقد والله اني مضيع الوصف ...لكن ان حبيت ازودك بأرقامهم وانت خذ عناوينهم ..

ان شاءالله اكون وضحت كلامي والمعذرة احيان ماعرف اعبر ..

بالتوفيق لك ان شاءالله ..