السلام عليكم
ابغا أسوي بسطه أسبوعيه تتضمن ألعاب أطفال وشبسات ومقليه وايش بعد اجيب؟
الناس إِيش تحتاج مثلا في مثل هذي القضيه عشان أوفرها
وجزاكم الله خير

مساء النور
يفضل تروحين للااماكن اللي فيها بسطات لمدة 3 ايام مثلا تتكررين وتشوفين وش اكثر شيء ينباع
ومطلوب
ومنها تفهمين سوق زين
وقفي جنبهم ناظري واسمعي وش يبيعون لزبونات
الله يوفقك وشغله مربحه
واذا تتميزين بنوع من حلا او ورق عنب
شيء جميل
اواذا عصير برتقال بارد طبيعي او تانج وفينتو ومويه بارده
او حليب بشاي اللي هو كرك

اذا سامحين بسيارات متنقله شي جميل
او كشك صغير
مدري عاد لازم تصريح اولا

ماقصر ايفوني خربان واقترحاته جميلة بس صعبه مبدئيا للان بعيدة تبي تبداء بشي بسيط فالبداية ..


انا من رائي الشخصي اشوف اللي انتي كتبتيه كافي .. البسطة لازم تكون خفيفه مو مثل المحلات لازم تعبين المحل كلـه ..

اول شي روحي وبعد ما تبسطي بيومين راح تعرفي وش الاشياء الناقصة عندك مع ان اللي قلتيه اشوفه كافي ..

الله يوفقك يارب ويفتح لك ابواب الخير ويرزقك من حيث لا تحتسبي

انا من خبره في الحدايق والي يجذب الأطفال البطاطس المقلي
اعرف وحده دخل عليها فوق 200 الف بالسنة
بس ترا الحديقه مزحومه في جميع الأيام ع مدار السنة بحكم محلها بين المباني السكنيه وهي المتنفس الوحيد لسيدات المنطقه
فاذا المكان الي راح تبيعين فيه بس فترة الصيف يقبلون الناس عليه فراح ارباحك تكون موسميه
والله يوفقك ويسهل امرك امين

اول شيء الفئة المستهدفة :
- الاطفال .
- الاباء والامهات .
- المراهقين .

بيعي :
1. مواد غذائية .
2. العاب ترفيهية .

المواد الغذائية :
- فشار (مغلف وجاهز) - كرتون .
- فشفاش (شيبس) - كيس كامل .
- عصيرات (الربيع سن توب وغيرها) على كل واحد كرتون .
- بيبسي ( سفن اب وديو وميرندا) كراتين .
- حلاو ( اي نوع من الحلاو اللي يحبه الاطفال ) - كرتون .
- وغيرها ..

الالعاب الترفيهية :
- الطائرات الورقية (اللي تكون فيها حبل وتطير فوق) - 5 حبات في اليوم .
- شراء سياكل صغيرة ( للاطفال ابو 3 - 5 سنين ) وتأجيرها بـ 15 ريال نص ساعة .
- اي شيء اخر محبب للاطفال .. يا بيع او تأجير بالساعة .

وهنا لازم تحسبين تكلفتك اليومية والشهرية + الربح الصافي من البيع .

يعني لو بتشترين كرتون فشار فيه 15 كيس فشار بـ 15 ريال مثلا ً - يعني الفشار بـ ريال واحد = هنا تبيعين الفشار بـ 2 ريالين الى 3 ريال عشان تربحين ريال الى ريالين صافي ربح لك .. يعني لو بعتي الكرتون كامل باليوم يكون ربح الصافي من 15 - 30 ريال من الفشار فقط .

وهكذا مع باقي اللي تبين تبيعينه

والايجار للسياكل : هي اصل ثابت يعني فقط قيمة الشراء لو شريتيه بـ 200 ريال مثلا ً .. واجرتيه باليوم 5 مرات بـ 15 ريال = 75 ريال باليوم ولو اجرتيه 5 مرات باليوم لمدة 3 ايام راح تدخلين راس ماله في 3 ايام فقط وهي 225 ريال وبعدها تبدين تربحين منه ربح صافي لك من كل سيكل واحد ..

وهكذا .. الافكار كثيرة بس ابدأي العمل وبتشوفين اشياء كثيرة وتفتح لك افاق من التفكير العميق بالعمل وتطويره ..
فلا تكونين مثل اللي يبي يسبح في البحر وهو جالس على الشاطيء ويقول : ياليت أسبح بالبحر !
طيب انزل البحر واسبح .. هي نفسها بالتجارة : لا تقولين ودي اصير تاجره وانتي جالسه على الشاطيء انزلي السوق وابدأي بها ..

الله يرزقنا وياك والجميع

بعد المشروبات ماشي سوقها حسب الجو
اوقات الهوا البارد ممكن شاي تجيبين معك دلال ماي حار ولبتون
او قهوه عربيه من البيت مسويه بدلال

ولاتنسى القهوة والشاي والمكسرات والفصفص

مع البطاطس والعاب الاطفال تحصلها في الخاسكية والبلد اسعار خيالية

ربي يوفقك ويفتح لك ابواب الرزق