السلام عليكم .

ياخوان انا معينيني في لواء الامير تركي
واللي اعرفه واكيد انه بيحرك نجران ؟؟
هل المستجدين ياخذونهم ! 😭


انا للان ما دخلة الدوره اداوم عندهم في مركز التدريب امام الكتيبة (42) لي اسبوعين ودورتي شهر 7 كثير قالو احتمال كبير جدا بعد الدوره نروح نجران 99٪ 😱 الا اذا لواء سعد مدد سنه ثانيه و ما اتوقع يمدد


اللي ابغا اعرفه اذا تخرجة من الدوره ان شاءالله وطلبوني ف نجران و رفضت وش الاجراءات اللي راح يستخدمونها علي ؟!


وهل اذا سحبت عليهم واخذة الراتب الاول وما دخلت الدوره . يسجلون اسمي و ما تقبلني القطاعات العسكريه ؟

وهل اقدر اروح لوزارة الحرس ينقلوني في اي لواء ثاني ولا خلاص راحت على لو الاحساء 😭

تكفون اللي يعرف لنظام الحرس يفيدني

الله يعين . يافرحه ما تمت انا لو لي سنه ما عندي مشكله لاكن من اولها كذا صعبه

عين خير اذا رحت نجران لك الشرف انك تدافع عن وطنك بعدين الحد الجنوبي الوقت الحالي كلن يبيه فوق راتبك 85٪ من غير الاجازات شهر بشهر وبعض الأحيان 20 يوم بالحد الجنوبي و20 يوم عند اهلك من غير الترقيات على طول اترقى وشرايك

ماعندي علم والله

مالك الا تسال احد في لواء. تركي

أقسم بالله الشرهه مو عليك على اللي عينك عسكري
بدال ما تموت مع الشهداء وتذود عن ارضك وشرفك في ميدان الشرف تبي تهرب ياجبان انت شكلك تبي تموت ميته الكلب على السرير تبا لك

إذا تخرجت من الدوره وتم طلبك للجبهبه ورفضت عارف وش معنى أنك ترفض الذهاب للجبهه ؟ هاذي تصنف على أنها

عصيان للأوامر والتخلي عن أداء الواجب

وتقدم للمحاكمه العسكريه وقد تصنف على أنها خيانه عسكريه وتمرد عن أداء الواجب هذا اذا ماصنفوها على أنها تولي يوم الزحف

الع ـسكري عمله معروف وهذا عملك

شدها واحتزم هناك ديار صبيان يام وهمدان ترى اعرف ناس سجلو في الافواج وهم لسى صغار بالعمر يعني روح وخلك مع الرجإل ,,

1- وش تخصصك بضبط.
2-هل اخذت فرد اساسي اوﻻ
3-كم يوم مداوم
4-وش قالو يبي يودونكم او ﻻ او احتمال

اخيرا اتمنى تجاوبني