السلام عليكم ورحمة الله وبركاته

لاحظت ان اغلبية المستفيدين صاروا يسألون عن الايميل للوكالة علشان يرسلون ويقدمون لهم المقطوعة ترى مو الكل يمشي عليه هالشيء مدري فيه محسوبية او واسطه هذا والله اعلم

انا وحده حالنا لايعلم فيه الا الله ولا عندنا دخل غير الضمان ولا بيت الخ من اساسيات الحياة تقدمت بطلب تقديم المقطوعة عن طريق الايميل وارسلت ولاردوا جلست تقريباً اسبوع جيت المنتدى الا اقرا انهم ردوا على ناس قلت ليش انا لا وارسلت لهم تقريباً 14ايميل علشان ينجبرون يعطوني وجه المهم ياطويلين العمر بعد اسبوع دقت علي الموظفه وقالت لي انتي راسله ايميل الخ وعطيتها مشكلتي وليش ابي تقديم المقطوعةوالله الاسباب مو سهله بس بصراحة هم مايحسون بااحد ابداً قالت لي بتنزل لك قريب ومن هالكلام قلت لها طيب متى حددي جلست فترة بعدها قالت مااقدر احدد بس قريب طيب اجل ليش داقه دام ماعندكم حل لمشكلتي!!!!! ولا انتي بتعلميني متى!!!!! المهم هذا الكلام له شهرين ولا شفت شيء من وراهم واتفاجا بناس لسه مسجلين وارسلوا ايميل وحالتهم عاديه ونزلوا لهم وين العدل طيب بالموضوع !!!
ياينزلون لكل من ارسل وكل المستفيدين بشكل عام يايخلونه على التواريخ ناس وناس مايصلح

حنا بعد عندنا حالات ومشاكل لايعلم فيها الا الله وكل مسجل بالضمان عنده مشكله ماليه مايخلا دام ماعنده دخل يعتمد عليه الا الضمان لاتقاعد ولاغيره ايش يكفي الضمان للوازم الحياه بس نقول الحمد لله على كل حال
ياليت تنحل مشكلتي ومشكلة كل مسجل بالضمان مو حاله ذي والله !!!!

وحده تقول ارسلت لهم لسه مسجله من شهر ونزلوا لامها يوم الخميس الماضي طيب وين العدل بالموضوع شهر ماجلسوا حتى مو حسد والله بس مساواة الكل بصراحة مو واسطات ومحسوبيات واشياء ثانيه واللي مثلنا يطق راسه بالجدار ملينا بكل شيء لازم واسطات

وعليكم السلام
أسأل الله أن يفرج همك وييسرلك جميع أمورك
أولاً: صدقتي الشي اللي يقهر البعض ينزلهم ويتجاوب معاهم الوكيل والبعض لا صراحة لاأعرف السبب والعلم عند الله

ثانياً:حابة أطمئنك لاواسطة ولاشي لان الوكيل لايعرفنا ولا نعرفه وكل اللي بينزلهم المقطوعة عن طريق ارسالهم ايميل أولا ربي كتب لهم وتيسير من الله لهم ثانيا لاأعلم كيف يتم اختيار الحالات هل هو بالقرعة أم بالاعمار أم الولوية يلي عندهم ابناء ولا عندهم عمليات لاسمح الله ووووالخ

ثالثاً: صحيح كل اللي في الضمان محتاجين لكن والله في ناس محتاجين أكثر للمقطوعة مثل اللي عندهم عملية في المستشفيات الخاصة لان الحكومي مواعيدهم بعيدة والبعض لازم يسوي العملية وكل مايتأخر تسوء حالته عكس الانسان الي مثل يبغى المقطوعة للمصاريف الحياة اليومية وغيرها أرجو انك فهمتني

والله ياوحيده بالزمن انا زيك ارسلت رساله للوكيل من 6شهور واكثر وارسلت له حالت زوجي انه مصاب في جلطه وتقارير والى الان ماصار ولا شي انا الحين لي اكثر من سنه الله يعين ويفرجها علي وعلى كل مسلم يارب وتنزل والله بحاجه لها

عدد افراد اسرتي 12 وتاريخ الصرف المتوقع شهر 1/1437 والحال يعلمه الله ولا حس ولا خبر ارسلت ايميل ماحد فكر يرد على والوزير بصراحة مابيده حل شكل عنده اوامر من فوق

برجاء المتابعه هنا
https://www.btalah.com/t656880.html