يـالله تــعــديــهــا علـى خيـر وتصـيـب
مـن حــدنــي أكـتــب خـمـالـه وعـيبـه

يبقى الصراحه مابهـا شـك أو ريــب
بـــقـــولــــهـا والــنــاس كـــــل وطــيــبــه

الـحــر مـا يـنـفــع بــلـــيـــا مــخــالـــيـب
والــــعــــقـــل للــرجـال زيـــــنــه وهـيـــبـــه

والـسالـفـه مـا هـي بلحيـة مـواجيـب
كـــلٍ عــلـى طــبــعــه يــجـيـبـه حـلـيبـه

بــعـض الـمنـابـت للـمراجـل عذاريـب
وبــعـض الـمـنـابـت للـمراجـل خصيبـه

رجـلٍ يـبي طـاريـه عــنـد الأشـانيـب
ورجــلٍ يــبي طـاريـه عـنـد الـحـبـيـبـه

رجـلٍ يــودي بـالـسـوالـيــف ويـجيـب
ورجـلٍ ســــوالـــيـفــه لــفــعــلـه تــجــيــبـه

رجلٍ يــغض الطرف عن جارة صحيب
ورجــلٍ عــيـونــه في مــحـارم صــحــيــبـه

ورجــلٍ تــسـد بــغــيــبـتـه يــومـه يــغـيـب
ورجـــلٍ ولا تــقــدر تـــسـد بـــمـــغــــيــــبـــــه

ورجــلٍ يـغـيـب ويـفـقدونـه هل الطيـب
ورجــلٍ لـيـا مـن غــاب مــحــدٍ دريــبـه

ورجـلٍ اذا أخـطى يـرى نـفسه مصيب
ورجــلٍ اذا أخـــطــى يـراهـا مــصــيــبـــه

ورجلٍ تــشوف بــخـوتــه لك مكاسيـب
ورجــلٍ تــشـوف بــخـوتــه لـك غــلـيـبـه

قـلـت الـصـراحــه مـابـهـا شـك أو ريـب
كــلٍ عــلـى طــبـعــه يــــجــــيـــبـــه حــلــيــبـــه

الله يعطيك العافية

صح لسانك