السلام عليكم ورحمة الله وبركااته

بصراحه اعجبني الموقع والجهودات اللي تسوونها لمساعدة العاطلين والمحتاجين فحبيت اشارككم طبعا انا توني أدرس بالكليه بس ادخل عشان اختي المتخرجه وماحصلت على وظيفه كل ماطلع وظايف قدمت والله يكتب اللي فيه الخير والمدارس الأهليه يقولون مانبي مكتفين عاد اختي منقهره تقول طفشت من جلست البيت ابي اشتغل واصرف على نفسي عا انا يوم طحت على موقعكم قمت اقولها عن الوظايف وندعيلكم والأرزاق على الله ..

المهم
انا كتبت هالموضوع ابي من العاطلين وأحس الأولاد اكثر من البنات يحتاجون الشغل لأنه هو اللي يصرف على البيت في الغالب .. ومعروف ان الفراغ قاااااتل يقتل كل شي حلو فيك ( همتك وعزمك وطموحك ) بس انت لاتطيعه وحاول تدور لك اي شغله بسيطه مافيها شي اذا تشتغل محاسب في بقاله او استقبال مستوصف اومندوب او محاسب في الشركات الكبيره زي جيان والعثيم انا عارفه اغلبكم يقول الشغل متعب والرواتب قليله بس اقولك رحلة الألف ميل تبدأ بخطووه وشوف التجاار الكباار شكانت بدايتهم كلهم اللي اشتغل فراش واللي سكرتير يعني شغلات بسيطه وممكن اذا تقدر تشتغل بالليل يكوون حلوو وانت الكسبااان والمستفيد تكسب خبرات وتزيد دخلك لكن يبيلك همه عاااليه علطوول مااتيأس لين ربي يرزقك وظيفه زينه ..

وممكن تبدأ مشروع صغير راس ماله 500 ريااال تشتري اي حااجه بالجمله(خضار ملابس حلويات ...) وتبيعها مفرق عند مسجد على اقااربك او تسويلك كشك صغير والربح حطه على جنب وراس الماال اشتري فيه بضااعه مره ثاانيه وعلى هالحاال لين ان شاء الله يفرجها ربك ,,

وممكن اذا انت شااطر بالكمبيوتر تجيب ورقه a4 وتكتب فيها اللي تعرف تسوي يعني تعرض خدماتك ( تصليح كمبيوتر. عرووض بالبويربوينت او اعمال بالفوتوشوب اومدرس خصوصي ) وتقوم توزعها في كل مكاان على البيووت عند المكتبات يوزعها على النااس بالمواقع بالنت وانت وشطاارتك .,


وممكن تنقل معلمااات اوطالباات عادي بسياارتك لوتنقل طالبتين بالرياض تاخذ على الوحده 500 يعني يجيك بالشهر 1000 وانت مرتاح ومع شغله ثانيه بالمسااء تصير حصلتلك مبلغ حلوو

فيه نقطه مهمه و حلووه وبتفيدكم هي انكم تفتحون لكم حساب بالبنك او تحطون لكم بالبيت صندوق او ظرف يكوون للتوفير يعني توفر لك كم قرش كل شهر لازم لو 100 او 50 ريال وانت الربحاان اذا احتجتها بتلقاها واحذركم من السلف (الدين ) حاول تعيش على قد حاالك وتقتصد لين ربي يفتحها عليك يعني بالعربي مد رجليك على قد لحااافك ,,

وصيه رائعه بالحيااه وهي من قوول الرسوول صلى الله عليه وسلم أن ننظر لمن هم دوون منا اي اقل منا بكل شي وقتها بتشكر ربك وتقوول انا بنعمه وفضل كبير يااربي لك الحمد

وكماان الأستغفاار وذكر الله على كل حاال واجعل لسانك رطب بذكر الله وابتعد عن المحرماات وصفي قلبك وثق بالله القوي العزيز الرازق انه بيده كل شيء وقادر على رزقك واسعاادك سبحاانه ماخااب عبد دعااه ,,, وتوكل عليه حق التووكل وحاافظ على صلاتك لانها اذا صلحت صلح ساائر العمل ولاتنسى قياام الليل فسهام الليل لاتخطيء وقوووم والنااس ناايمين واوتر وادعي ربك بقلب خاشع ومتضرع اليه ومنذل وراجي رحمته ومتيقن بالإجابه وابكي واطلب كل اللي تبي وربي ماايردك بإذن الله وادعي في كل وقت من اوقاات الأستجاابه (وانت صاايم ,بين الأذان والإقاامه , اخر ساعه من يوم الجمعه ,وفي سجودك وبعد التشهد الأخير في كل صلاااة ) ودائما جدد التووبه وابتعد عن المحرماات

كن لله كماايريد ,, يكن لك فوق مااتريد

وتصدقوا لو باليسير لاتقوول رياال قليله بالعكس مو الريال يجيب خبز يسد الجووع ..!!!

الله يوفقكم ويرزقكم بالوظاايف السنعه والرواتب الراهييه .. اللهم امين

وهالله هالله بالدعوات الحلووهـ

ادعولي بتفريج كربتي وتسهيل امري والستر علي واهلي وجميع المسلميين دنيا واخره وربي يسهل علي دراستي ويوفقني ويسعدني بطااعته وقربه ..

دمتم بحفظ الله

والله ييسر لك جميع أمورك



.,.

شيطونه كل كلامك والله العظيم صدق في صدق
وهذي الوردة لكـــ """القطييييها "" تعرفين فيه تمااااآآآآآآآااسيح هنا
[IMG]http://vibyoyo.******.com/files/67909.gif[/IMG]

لافض فوكِ
جزاك الله خيرا والله يوفقك ويوفق اختك ويرزقها الرزق الحلال

كلامك حلو.. ربي يوفقك
ويسهل امورك

الله يوفقك ويعطيك العافيه

الله يوفقك

جزاك الله خير ...