مالذي يستحقة السعودي؟؟

كوت زوجة سعودي · #1 (**permalink**) 14-10-2008, 12:00 PM

السلام و عليكم و رحمة الله و بركاته :

هذي أول مشاركة لي معاكم و السعودية منا و فينا ..

أنا أختكم كويتية و خطيبي سعودي و حابة أستفسر عم جم شغلة إذا أمكن

بالكويت يعطون قرض الزواج نصها منحة من الحكومة و نصها يسدها الكويتي بدون فوايد
بالكويت يعطون الكويتي الإختيار بيت حكومة أو أرض بسعر رمزي و قرض لبناءه ( أرض و قرض).

هذي المميزات للمتزوج ( من زوجة كويتية)

حابة أعرف هل الجنسية السعودية لها هذي المميزات ؟ و هل عندكم جنسية أولى و ثانية و ثالثا الخ,,,,,,,, و شلون أعرف ؟؟؟؟

الرجاء مساعدتي أحتاج أعرف إذا خطيبي يستحق هذي الأمور أو لأ..

و أشكركم مقدمااااا

مؤدب · #2 (**permalink**) 14-10-2008, 12:25 PM

اللي اعرفه اذا اخذتي جنسية خطيبك تسحب جنسيتك الاصليه بعد موافقتك على الجنسية السعوديه ,,

او تبقين على جنسيتك وزوجك على جنسيته بس راح يكون صعب على زوجك إنجاز معاملاته بالسعوديه بحكم انك ما تحملين الجواز السعودي ..

وعندنا بنك التسليف يعطي قروض زواج تصل الا 45 الف ريال,,, بس اتوقع ما يشمل زوجك النظام لانك كويتيه لازم سعوديه ..

كوت زوجة سعودي · #3 (**permalink**) 14-10-2008, 01:54 PM

هل جميع السعوديين يعاملون بنفس الطريقة؟؟

الطيف المهاجر · #4 (**permalink**) 14-10-2008, 04:02 PM

الله يوفقك ويكتبلك اللي فيه الخير
بس انا ماعندي معلومات عن هالشيء

ممتر الأسياب · #5 (**permalink**) 14-10-2008, 07:59 PM

جميع السعودين يعاملون بنفس الطريقه ...

ولا يوجد هناكـ فئات للجنسيه مثل 1 و2 و3 ...

هذا الي اعرفه غيره من تساولتك يردون الاعضاء الكرام

الأنجليزي · #6 (**permalink**) 14-10-2008, 09:26 PM

إذا انتي معك جنسية غير جنسيت زوجك تعاملين معاملة السعودية وخاصة إذا كنتي خليجية وبنك التسليف الي عندنا الله يخلف عليه لا تحطون عليه امال
والشي الثاني ماعندنا مثلكم فئة اولا ولا ثانية

msya1988 · #7 (**permalink**) 14-10-2008, 09:52 PM

والله فله عندكـم في الكويت
الله يوفقك ويسعدك

مونيا السعوديه · #8 (**permalink**) 15-10-2008, 02:09 AM

اللي اعرفو ان جميع الخليجين يعاملون على اساس انهم سعوددييين ومافي بينهم فرق ابد بس يمكن يكون في انظمه احنا ما نعرفها ومبروك مقدما على الزواج واتمنى لكم التوفيق ان شاء الله