رحْ فمان الله والذمّه من الذمّــــــــه بريه
لاتخاف من المفارق .. رح عليك الله وأمانه

رح بعيد أبعد من الدمعة على العين الخليه
رح بعيد أبعد من الشرهة على ضحك الميانه

وأبعد من الحلم للي خاب ظنه في خويه
وأبعد من الياس للي طاب حظه في زمانه

لو تروح أبعد من حدود السما والجاذبيه
والله إنْ تبقى قريب أقرب من القلب لحنانه

تنتشر فيني شتات الروح مثل الروح حيّه
تختفي في كل عرق ولا فقدتك قال عانه

يابعد عذر الفراق اللي قبل فرقا الخطيّه
ويابعد ذنب الزمان اللي قبل عذر الخيانه

ليلة وداعك .. على كثر الحروف الأبجديه
مالقى من ودّعك .. حرفين .. ينطقها لسانه !!

قلت لي بنساك قلت الله يهنّيك وهَنِيه
واحدٍ خلاّك من ربّاك تنساني عشانه ؟!

قلت لي لاينسى قلبك ، قلت ليت القلب فِيّه
دوّره وليا لقيته وصّهُ ورِدّه مكانه

وصّ نفسك وإلا انا مانيب في حاجة وصيّه
واعتبر فرقاك ( امانه ) والله الله بالامانه

الله يعطيك العافية

صح لسانك

صح لسانك

صج الله لسانك

عجبتني

الف شكر ع الطرح