السلام عليكم
حي الله الجميع

هالموضوع من باب دعم الافكار وطرق حلها
بختصار اغلب المشاريع الي يبدون فيها الشباب هنا مهما كانت تحتاج دعايه وتسويق والدعايه تحتاج تصوير ومنتاج احترافي حتى تاصل لنتيجه الي تبيها ويختلف منتج عن منتج احيان تكفي صوره احترافيه للمنتج واحيان لابد من فديو ممتاز للمنتج يبين كل تفاصيله
انا عندي منتج شغال عليه لي فتره وهالمنتج خاص بالرحلات بشكل عام ويعتبر تابع لسياره لان السياره تسحبه وهنا لابد من فديو يبين هالمنتج استخدامه وطرق القياده فيه والاماكن الي ممكن تاصلها فيه
توقفت هالفتره عن الشغل واستغليت هالفتره اني ابدا ارتب امور التصوير لاني عارف انها بتسبب لي صداع والسبب ان تصوير جيد لابد له من كاميرات احترافيه وكاميرات متحركه برضو احترافيه حتى تطلع بنتايج مميزه بس المشروع مستهاك كل الميزانيه ولا فيه امكانيه شراء او استئجار عده تصوير وعلى ذالك وجب وجود حل
وهذا سبب هالموضوع حتى يستفيدون الشباب من النتايج الي وصلت لها

عندي خلفيه بسيطه بالتصوير والقاعده تقول اضاءه اكثر دقه افضل بالتصوير
العده الي استخدمتها
اول شي الكاميرا استخدمت كاميرا جوالي وهي 13 ميقا بكسل للصور وFHD بدقه 1080 بكسل للفديو ماهي مواصفات عاليه لاكن ممكن نطلع بنتايج ممتازه اذا استغلينا قوه الاضاءه

ثاني شي القاعده او ترايبود وهنا اخذت ترايبد ثلاثي لكاميرا احترافيه كانت عندي واخذت قاعده الجوال الي تجي بعصا السلفي ورهمتها على بعض مثل ماتشوفون بالصور






ثالث شي وهو الي كان مسبب لي صداع لانه صعب لاكن الحمد لله يسرها الله
كنت احتاج قاعده ثابته تثبت على السياره وكان يستحيل تاخذ فديو ممتاز والسياره تتحرك الا بالقوبرو كاميرا الاكشن المعروفه لاكن الله يسرها ورهمت قاعده على حجم جوالي بالضبط اخذت قاعده كنود والهدف من هالقاعده هو المغناطيس الي فيها وفصلت قاعده من حديد عندي بالورشه واضفت لها ربل حتى تكون ناعمه على الجوال والنتايج بتوفيق الله مرضيه وهذي صورها








اخر شي مونتاج الفديو هنا استخدمت برنامج Andr***d كامل على الاندرويد شريته من الماركت اتوقع ب15 ريال وكنت احتاج قص ودمج الفديو وتغذيه الوان فقط

بعد ماجهزت كل ماسبق طلعت اجرب اداء التصوير وكان التصوير والتعديل والمونتاج كله بالجوال وهذي النتيجه