يا اخوان لي قريب فاتح بقالة و للاسف قفلها( غصبا عنه ) و السبب التستر التجاري وانتم عارفين ان الاجانب لاعبين بالسوق و اي واحد يفتح بقاله قدامه خيارين لا ثالث لهم يا انه يأجرها على عامل او انه يقفلها و يخسر فيها و الاسباب انتم عارفينها
وانا ابي انتقم من الي اكلو خيرات البلد بس يوم شفت شروط التبليغ لقيتهم حاطين فيها انه يجب توفر ادله على التستر السؤال

كيف اقدر اجيب دليل على التستر التجاري او وشهي الدله يعني اصور العامل وهو يعترف انه مستاجر المحل من كفيله ولا كيف ؟؟؟؟؟؟؟؟؟؟؟
اتمنى من المشرف عدم النقل و التغاضي عن الموضوع لفتره حتى اجد الجواب
ادري ان هذا القسم الغلط

90٪‏ من مشاريع الافراد تستر تجاري تبلغ عن وش وتخلي وش

اغلبية المحلات تستر تجاري
اخررتها زيارتي لمحل عبايات في الدمام عند اسواق الجمله الهندي يسولفلي يقول ان هذا المحل محله ودافع فلوس كثير وانه بزنس مان يتفاخر والله انقهرت من الاغبياء والحمقى اللي يتسترون على العماله هذولي يربحون الاف من المواطن وهو عاجبه الفتات من ورا هالعامل المتستر عليه

الله يكون بعونك و عون كل مسلم
ان شاء الله الأخوان ما يقصرون معك

المشكلة المتستر ودك انه يستفيد كان تهون شوي لكن يستغلونه ويعطونه الفتات

لكن لا تنسى تسدح لنا وش صار معك

لازم تسجل فيديو وهو يعترف و توديه للغرفة التجاريه.. و قول لنا وش يصير معك.. لازم ننظف البلد من التستر

كنت فاتح سوبرماركت يعتبر كبير نوعا ما .. تعبت من الي يوصلون البضايع اصحاب الباصات .. يجي يشوفك سعودي يبيع لك الاشياء اغلى من بيعها على جنسه الهندي والباكستاني مثلا الامواس يحسبها عليا زياده نص ريال وكذا عشان ما اكسب جلست سنه وعليها وصبرت وتعبت اخر شي اجرتها لهم وانا ما اشوف الدرب .. استنزاف علني