مشروع نسبة المخاطرة فيه عالية بس فيه مكاسبه حلوه

هاوي الرحيل · #1 (**permalink**) 21-02-2016, 10:37 PM

السلام عليكم ورحمة الله وبركاته

طبعاً المشروع هو مضاربة وأنت في بيتك في السوق الآمريكي لدي خبرة في هذا المجال سنوات ولله الحمد ومعين منه خير بدلاً من جالس تتمرمط ولا تدري وين تودي فلوسك تضارب يومياً وأنت في بيتك وتطلع لك مكاسب بعد توفيق الله حلوه وفي شركات بأذن الله حلال طبعاً بتسئلني دامك معين خير منه ليش فاتح موضوع زيادة الخير خيرين .

أولاً : فلوسك بحسابك وتسحبها في أي وقت يعني ما تحولها لي ولا شي

ثانياً : تبيع وتشتري بالسوق الأمريكي من الساعة 5.30 العصر حتى 12 بالليل سواءاً كنت خارج البيت ولا داخل البيت عن طريق اللابتوب أو الجوال

ثالثاً : طبعاً التوصيات مني نحط قروب نجتمع فيه وأعطيكم السهم وتدخلونه ونطلع بعد ساعة بعد ساعتين اذا كسبنا نطلع بسرعه وبأذن الله المكاسب موجوده بسبب قوة السوق الأمريكي وأفضل من أسواق الخليج بحسب خبرتي فيه

رابعاً: أفضل مبلغ لدخول 10 الاف دولار يعني فوق 37 الف ريال تعطيك مكاسب بعد توفيق الله باليوم من 400 ريال إلى 1600 ريال ويمكن يزيد

خامساً : فتح المحفظة وطريقة الشراء والبيع كلها أعلمك كيف تسويها وبعدها فقط وانت في أي مكان بالواتس أب اقول ادخل المحفظة وأشتر السهم الفلاني وبيع السهم الأفلاني فقط

سادساً : أنا فقط أخذ من المكاسب كل نهاية أسبوع تحول لي من المكاسب بحسابي 15% وأنت وضميرك وما أحلل واحد يكسب ويحول لي أقل أو يجحدني .

ثامناً : يشهد الله علي لم أطرح هذا الموضوع إلا أريد أن الي معاهم مبالغ يشغلون مبالغهم ويستفيدون ولا يجي أحد يضحك عليهم هذا السبب الأول والله يحرمني من بنتي اذا كنت أكذب والسبب الثاني هو زيادة الخير بما أني جالس ومتابع السوق يومياً وأشتري وأبيع واطلع مكاسب حلوه ولله الحمد لا يمنع أن أسوي توصيات معاي ناس وأستفيد زيادة ولم أطلب نسبة كبيرة فقط 15% أقل واحد والله ياخذ 35% لكن حب لأخيك ما تحب لنفسك

تاسعاً: شي طبيعي بتجي ناس مطفية النور وأبعدوا عن الأسهم تراها خسرات ناس تراها فقرت ناس ومن ذا الكلام
ندري أنها خسرت ناس وفقرت ناس لكن فيه ناس تطلع مكاسب يوميه حلوه خاصة في الأسهم الأمريكية المضاربه فيها مجنونه للي فاهم بالسوق أما الي مدرعم أنصحه يبعد أحسن

ريتال عبدالله · #2 (**permalink**) 21-02-2016, 11:31 PM

10 الاف اللهم صلي على النبي
والله لو تقولي 100 بقولك اصبر ادبرها
الله يزقنا وياك والجميع يارب

الرحال الغريب · #3 (**permalink**) 21-02-2016, 11:44 PM

ضاربنا بالاوبشن وبتوصيات كبار المضاربين وخسرنا كل راس المال السوق الامريكي محرقة لراس المال ولايوجد ضمان لربح ونسبة المخاطرة فية عالية
مع تمنياتي لك بالتوفيق

توته 2016 · #4 (**permalink**) 22-02-2016, 01:26 AM

ياليت تنواصل معي اخوي عالخاص
انا ما اقدر ارسل

هاوي الرحيل · #5 (**permalink**) 22-02-2016, 06:43 AM

اقتباس:

المشاركة الأصلية كتبت بواسطة ريتال عبدالله

10 الاف اللهم صلي على النبي
والله لو تقولي 100 بقولك اصبر ادبرها
الله يزقنا وياك والجميع يارب

الله يرزقك يارب مهما كانت حالتك المادية لاتيئسي بالمثابرة يتحقق كل شي يشهد الله علي بأني كنت ما أحصل 10ريال ورب الكعبه أنها تمر علي أيام مابجيبي ريال والله ما أذكر أني تحطمت بسبب أني أشوف قصص المشاهير والتجار كانوا من أفقر الناس وربي فتحها عليهم حطيتها براسي أن الحركة تجلب النجاح والآن اللهم لك الحمد ربي أنعم علي والله يزودني ولسى جالس أثابر القليل يجلب الكثير حطيها قاعدة لاستحقري شي سهل مع الوقت ينمو ونوعي أشتغلي بأكثر من حاجه فيه أشياء كثيره بدون راس مال بس بالتفكير والعمل ينجح الشخص بالتوفيق

هاوي الرحيل · #6 (**permalink**) 22-02-2016, 06:48 AM

اقتباس:

المشاركة الأصلية كتبت بواسطة الرحال الغريب

ضاربنا بالاوبشن وبتوصيات كبار المضاربين وخسرنا كل راس المال السوق الامريكي محرقة لراس المال ولايوجد ضمان لربح ونسبة المخاطرة فية عالية
مع تمنياتي لك بالتوفيق

أسمحلي الأوبشن مشتقات الأسهم المخاطرة فيها مليون بالمية للي ما يعرف لها يعني بدقيقة تشتري سهم يصفر لأنه فيه عامل الوقت وفيه عامل تذبذب السهم ويفقد الشي الكثير الأوبشن فقط ممتاز بالمضاربة السريعة اليوميه يعني ماتبيت الأوبشن بمحفظتك لانه لو فتح السهم من بكرى على أرتفاع بسيط وانت حاط كول ماراح تستفيد من الأرتفاع لأنه راح يفقد كم سنت أفضل شي تشتري بنفس اليوم اذا أعطى دخول على اللحظي وتبيع عند الربح سريع مضاربه وهذي تنجح بنسبة 85% اذا حللت السهم بشكل دقيق غيره مستحيل ينجح حتى لو دبلت 6 مرات في أسبوعين يجي يوم تروح بدقيقه

لاتقنط من رحمته · #7 (**permalink**) 22-02-2016, 09:20 AM

واضح انك فاهم وعارف الشغله مضبوط الله يرزقك ويوفق الجميع يارب

مجموعة السعد · #8 (**permalink**) 22-02-2016, 10:08 AM

عفوا وشلون تعطي توصيات على اي اساس علمنا نوع خبراتك الدراسية والعلمية

اغلب الذين يوصون على الاسهم طبعا ليس الكل اما انهم دخلوا في السهم وتورطوا فية

والآن يوصون علية لكي يدخل اكبر عدد ممكن

اما انهم ادوات لهوامير يوصون على السهم والهامور يرفع السهم قليلا ثم تحصل الطامة وهي خسائر فادحة

وفوق ذلك اغلب الشركات الامريكية محرما شرعا

الافضل والاسلم تجنب الدخول في مثل هالمشاريع

هاوي الرحيل · #9 (**permalink**) 22-02-2016, 05:17 PM

اقتباس:

المشاركة الأصلية كتبت بواسطة مجموعة السعد

عفوا وشلون تعطي توصيات على اي اساس علمنا نوع خبراتك الدراسية والعلمية

اغلب الذين يوصون على الاسهم طبعا ليس الكل اما انهم دخلوا في السهم وتورطوا فية

والآن يوصون علية لكي يدخل اكبر عدد ممكن

اما انهم ادوات لهوامير يوصون على السهم والهامور يرفع السهم قليلا ثم تحصل الطامة وهي خسائر فادحة

وفوق ذلك اغلب الشركات الامريكية محرما شرعا

الافضل والاسلم تجنب الدخول في مثل هالمشاريع

مع الأسف أنت تنطبق عليك النقطة التاسعة الي مطفي نوره أعطي توصيات بناءاً على خبرة بالتحليل الفني سنوات طويلة تعبت فيها عشان تعلمت أسرار التحليل وهذا من فضل ربي ومو شرط أكون دارس كل الي درسوا شفهم فشلوا وتركوا عالم المال بتقول لازم دراسة بقولك أكبر خطأ مو شرط دراسة فقط تتعلم عن طريق النت عن طريق اليوتيوب عن طريق الممارسة وهذا أكبر مدخل للتحليل لمعرفة الأسرار الحين يجيك البنقالي والباكستاني وغيرهم لسعودية على فيزة ميكانيكي وهو مايعرف نوع السيارة والكهربائي وغيرهم كثير يتعلمون على السيارات والكهرباء وبعد فترة تروح تركض لهم تقولهم وظبوا سيارتي ثم يضبطونها لك وما تخلي شخص إلا تمدح له الورشة لأنه تعلم على سيارات العالم قبلك وضبط سيارتك مع الممارسة وينطبق على كثير من التخصصات الثانية انا تعلمت وتابعة وأندقيت وتعبت لين فهمت الشغلة والحمدلله بالنسبة لكلامك هههههههههه نرفع السهم وادوات للهوامير هذي مشكلتنا يالسعوديين نسوي مع أحترامي لك أنفسنا فاهمين بكل شي أول حاجة عدد شركات الأمريكية 24 الف شركة مو مثل السوق السعودي 164 شركة تقريباً ثاني شي الي يتداول في الشركات 60% تقريباً شركات كبار تضارب حتى فيه بنوك سعودية تضارب بمليارات والي يضاربون من جميع أنحاء العالم يعني لو أجمع كل الأعضاء الي بالمنتدى وكل واحد منه 100 الف ريال ما نقدر نحرك شركة هههههههه تقولي نرفع شركة لاتحسبة مثل السوق السعودي 100 الف ريال ترفع سهم نص ريال بالنسبة لنقطة الثانية تقول الشركات حرام أغلبها أنت تتكلم عن 24 الف شركة أنا تكفيني 100 شركة حلال خلاص وش تبغى تدري أن 82% من شركات السوق السعودي فيها شبهه بالنسبة السوق الأمريكي بتقول شركات حرام طيب لو بشتري في شركة تنتج قزاز سيارات مغاسل وجميع الأنواع والشركة ماعليها ديون ولا أقترضت هل تعتبر محرمه هل تعلم بأن فيه شركات أمريكية تطبق الشريعة الأسلامية فيها عشان تجلب المستثمرين المسلمين عندهم