احتاج شخص يدير مشروعي ....

غاده22 · #1 (**permalink**) 22-02-2016, 11:01 AM

السلام عليكم ورحمه الله وبركاته
حابه افتح مشروع محل خضروات وفواكه وراح اتكفل بكامل المصاريف من عقد المحل ودفع الاجار سنويا
وتجهزات المحل من ديكورات وثلاجات وشراء الخضروات والفواكه عند البدايه فقط
واحتاج شخص يدير المشروع كانه مشروعه والارباح له مهما كانت الارباح لاني سمعت الارباح تكون فوق الاربعين الف
فقط يعطيني شهريا عشرون الف
رجاء اذا احد جاد وموافق علشان نتواصل لي طريقه لتواصل والاتفاق

محاسب سوداني · #2 (**permalink**) 22-02-2016, 11:22 AM

ربنا يوفقك اختي
بالتوفيق والنجاح

مونت كارلو · #3 (**permalink**) 22-02-2016, 11:26 AM

o may gad

من اللي قال لك هالارقام ؟!
وش اللي 40 الف !!

اذا اغلب الفواكه والخضار مثل البرتقال والموز والتفاح والخيار والطماطم والجزر ..... الخ متوسط سعرالكيلو حقها 6 او 7 ريال خلينا نقول 8 ريال
بالله عليك كم بيبيع كيلو عشان يجيب ربح 40 الف ( ربح وليس مبيعات .. يعني الدخل جزء منه راس المال وجزء ارباح )
خذي الآلة الحاسبة واحسبي !

يعني اذا جاك احد وقال لك طيب بعطيك 20 الف شهرياً من الحين كذااااب
بيخسرك في انشاء المحل وفي الاخير بيقول ماقدرت السوق نايم والخضار نصها خرب وطشيناه واصبري علينا وعلى هالموال !!

همآإم · #4 (**permalink**) 22-02-2016, 11:51 AM

سوق الخضار سوق مفتوح وكبير وحلو للإستثمار
الناس ما توقف أكل
بشرط محل مجهز ومرتب ونظيف وتقديم خدمة ممتازه للزبون

أعتقد إن مبلغ الأرباح إللي كتبتيه مبالغ فيه مو معقوله 40 ألف !!

محب الجغرافيا · #5 (**permalink**) 22-02-2016, 12:05 PM

أعرف محل موقعه ممتاز ربحه الصافي شهريا 5000 بس فتحة واحدة بس محل موقعه ممتاااااااااااز

مميز الاحساء · #6 (**permalink**) 22-02-2016, 12:26 PM

اقتباس:

المشاركة الأصلية كتبت بواسطة غاده22

السلام عليكم ورحمه الله وبركاته
حابه افتح مشروع محل خضروات وفواكه وراح اتكفل بكامل المصاريف من عقد المحل ودفع الاجار سنويا
وتجهزات المحل من ديكورات وثلاجات وشراء الخضروات والفواكه عند البدايه فقط
واحتاج شخص يدير المشروع كانه مشروعه والارباح له مهما كانت الارباح لاني سمعت الارباح تكون فوق الاربعين الف
فقط يعطيني شهريا عشرون الف
رجاء اذا احد جاد وموافق علشان نتواصل لي طريقه لتواصل والاتفاق

وعليكم السلام ورحمة الله وبركاته ,,

أبتعدي عن فتح محل وما إلى ذالك ولو تشوفي لك أحد يبسط في أحد الأيام أفضل لك وفيها مربح ولكن ليس بالرقم الذي ذكرتيه ...

يعني مثلا عندنا سوق الجمعه وسوق السبت هنا يكون فيها حركة وأحسن من عمل محل ومصاريف وغيرها من المخاسر

وأي أستفسار في خدمتكم

وفق الله الجميع

غاده22 · #7 (**permalink**) 22-02-2016, 12:32 PM

مشكورين علي الرد والنصيحه
وعن قراءه من النت ان هذا المشروع دخله الشهري 40 الف اذا كان المحل بموقع زين
وقريب من مسجد يكون الدخل كذا
ومره اخري مشكرين

دافنشي · #8 (**permalink**) 22-02-2016, 02:24 PM

ممكن تصل الأرباح لهذا الرقم إذا توفق المحل وبارك الله فيه ..
لكن لا يمكن تبدأي المحل بربح ثابت من البداية 20 ألف !!
ممكن أقترح تكون الأرباح بنسبة .. مثلا 50% من الأرباح
لك .. يصير إذا وصلت الأرباح 40 ألف تجيكي ال 20
وإذا زادت تزيد وإذا بدأ المحل بأرباح 5 أو 10 فأيضا بتكون
بالنص .. لكن هذه تحتاج ثقة أو متابعة بنفسك أو يكون لك محاسب ..
في أي مدينة بتسوي المشروع ؟

مجموعة السعد · #9 (**permalink**) 22-02-2016, 02:32 PM

محل مايكلف 20 الف وتبين. شهريا 20 الف ههههههه ماشاءالله

هذي مشكلتنا نسمع ونصدق كل مانسمع

اكثر الشباب يبيع متجول ومحصل خير يوصل مبلغ طيب لكن مايوصل الارقام اللي ذكرتيها

اذا معزمة على خضار اختاري احد من اقاربك والله يرزقكم جميعا

موظف و طفران · #10 (**permalink**) 22-02-2016, 02:39 PM

لا اخت غاده ما راح يصفي 40 الف انا مشيت مع مستشارين محلا خضار ويحسب كل شيء

مستحيل يصفي اربعين الف

فنصيحه لك لا يضح عليك احد ويقول لك ابشري لانه ينصب عليك
اما اذا قلتي صافي لك من 3000 وتحت فممكن تحصلي لانه معقول كذا

تحياتي