ردوا عليكم ؟؟ في اخد يقدر يتواصل معاهم ايميل ليش تاخروا للحين ؟

السلام عليكم شباب وبنات

عارف اتآخرو عليكم بس ترى الاستاذ خالد قال انو الاسسمينت داي راح يكون بداية شهر مايو بما ان البرنامج ماراح يبدآ الا جولاي لذلك اصبروا وان شاء الله قريب راح يتواصلوا معاكم

موفقين جميعا يارب

سلام عليكم تاخروا علينا ولا انا احاتي ؟ احد وصله شي

على خير الاحد نزعجهم بالايمل كلنا نرسل

صحيح الموضوع طوّل شوي بدون خبر، لكن بالتأكيد ما نسوكم ..

و متأكده أنهم بإذن الله بيراسلونا خلال الأسابيع الجايه، بما أنهم مطولين على بال ما يبدأ البرنامج بعد العيد (مع إني ماني فاهمه ليه بعد العيد! باقي كثير)

و أشوف ممكن الإتصال عليهم وأخذ العلم الصحيح أفضل و أسرع من الإيميل، للي حابين يتطمنون ..

بالأخيرعليكم بالصبر والدعاء يا جماعه، ممكن تلقون فُرص أفضل خلال هالفتره، فكل تأخيره فيها خيره ..

السلام عليكم جميعاً

أبشركم اتصلت على مكتب HR و قالوا لي هم الان قاعدين يسون مقابلات ابتدن من أمس و ان شاء الله ما راح يعدي الأسبوع القادم الا وهم متصلين على الكل للمقابله.


بخصوص الاسسمنت دي سألتهم قالوا راح يكون فيه قروب مكون من الاشخاص اللي حضور الاجتماع ( يعني المتقدمين على البرنامج) راح يكون فيه مناقشات يعني يعطونا شي و نقراه و نتناقش مع الكل لمدة ساعه و بعدها راح يأخذون بالاسم المقابله على اول شي اخترناه.

أتمنى اني وفيت حقكم و لو انها معلومة. الله يكتب لنا التوفيق

ابشركم ما نسونا

توهم ارسلوا لي ايميل بموعد القروب اسسمنت وهو يوم الاحد القادم ٨ مايو في مقرهم بالرياض

عاد ما ادري هل لأني من الرياض حطوني بالرياض او كلنا بنكون في نفس اليوم!

لأنهم قالوا الفيس تو فيس انترفيو بيتم تحديده لاحقا وبيكون في الرياض برضو دوركم يا حقين الشرقيه تجونا

الله ييسر الأمور ويوفقنا جميعا للأحسن

^^
نفس الشي وصلني اليوم الايميل نفسه القروب اسيسمنت يوم 8 may