السلام عليكم ورحمة الله وبركاته

معاي شهادة دبلوم تقنية تخصصي ادارة مكتبيه معدلي 4,8-5
عاطل ثلاث سنوات ☹
عندي استفسار اول شيء متى يفتح تقديم جدارة وهل يطلبون شهادتي بالتقديم ثانيا هل قبولي مضمون ولا يمكن ما انقبل ثالثا من يختار جهة العمل انا ولا جداره يعني وين اتوظف بالتعليم ولا الصحة ولا بالماليه ولا ايش بالضبط اتمنى تجاوبوني

وعليكم السلام ورحمة الله وبركاته.
فيه جدول زمني للاعلانات ي خوي في موقع وزارة الخدمة المدنية
وفيه اختبار تقييم 1 ﻻبد تختبره للوظائف الإدارية . مادري هل يشملك هالاختبار
القبول يعتمد ع المفاضلة بين المتقدمين.
جهة العمل تطلع لك ع حسب التخصص

اخوي الى مثلك مشاءالله هالمعدل اول سجل في جدارة فهو مفتوح التسجيل طوال العام وانتظر متى تنزل لك الوظائف وحتى يحسبون لك في كل عام نقطتين اقدميت تخرج والمعدل مشاء الله علية نقاط
ثاني شي كان قدمت في الكليات التقنية معيد وتكمل عندهم بكالوريوس
انت مايشملك اختبار التقييم لانك دبلوم بالتوفيق

كليات التقنية ما يبوني يقولون لازم اول شيء تدرس لغة 6 اشهر وبعدها تكمل بكالوريوس في الخارج طبعا بحكم تخصصي مب موجود عندنا

انا كنت ابي العسكريه لكن العسكريه شروطهم صعبه مره يطلبون تخصصات معينه ومره مايبون دبلوم وضيعت ثلاث سنين على الفاضي وخايف اللحين جدارة مايقبلوني الا بعد خمس او ست سنوات خلاص ودي اتوظف ربعي اللي معهم ثانوي مشاء موظفين وانا عاطل واخذ مصروف من ابوي المتقاعد

طيب وش المرتبه اللي يعطوني وكم الراتب !؟

انا خريج الكلية التقنية دبلوم حاسب الي بتقدير ممتاز مع مرتبة الشرف الثانية

خريج شهر 5 عام 1431 يعني تقريبا 6 سنوات بالزبط وعليها شوي

وللأن ما توظفت عن طريق جدارة ونقطي في جدارة حول 88 تقريبا او 84 نقطة

وحاليا ادرس بكالوريس انتساب ولعل وعسى نلقى نتيجة

ويا خوفك بكره يقولولك الانتساب مو معتمد كل شي جايز بهل وقت

تقدر تشوف برنامج ريادة من بنك التسليف وتفتح لك مشروع يعطيك كم ريال آخر الشهر