يا وجودي كل ما هب نسناس الشمال

وجد من حده زمانه على اللي ما يبيه

ويا وجودي كل ما اضحيت ثم مال الظلال

لا غفت عيني ولا ذقت شئٍ مشتهيه

وجد من قفى وهو في رجا كلمة تعال

والتفت من عقب ما اقفى ولحدٍ لد فيه

ويا عذابي لا دنا الليل من رؤوس الجبال

وانتهى يومٍ من العمر ما عاد ارتجيه

وانتي ابعد من سماء الحلم ووصالك محال

يا بعد من هل دمعي ضحى الفرقا عليه

يا غناتي لا تحسبين دمعي يوم سال

ضعف والا خوف والا كذا والا كذيه

والله اني من رجالٍ يضدون الرجال

لكن الحظ الردي ساق دمعي كلبيه

والله إني كل ما دار حوليك الجدال

قمت كن الموت يأشر على قبري بيديه

والله إن قد لي وأنا أصد لا جالك مجال

صدت اللي لا تضايق تذكر قبر أخيه

ومن سألني قلت مدري وإذا عاد السؤال

قلت له تكفى سؤالك ترى ما هو وجيه

وش تبيني أقول عن من ترى ذبحي حلال

والخطا منها علي صرت أحبه وأهتويه

عذرها لو ما تعذر مثل واضرب مثال

واحدٍ ما يعرف الحر الأشقر يشتويه

وإن رجعنا للتواصيف لله الكمال

لإن انتهى ليل المزايين جاتك تبتديه

كنها غفلٍ مع البدو طاويه الحيال

ما يميز وصفه إلا نبيه من نبيه

واهني اللي وصلها وذاق من الزلال

رشفةٍ مع غفلة الناس من فيها لفيه

واعزتي للي سواتي عشق ما لا يطال

ويوم طاله ضيع الحلم بين أمه وأبيه

يا أول أحلام الطفولة على حد الخيال

الرجا باللي حمل بيت من حملت بريه

حال دونك سيف عنتر وتاسع حول حال

بثر حولٍ حال دونك وأنا أدري هيه هيه

هيه ياللي غرك الحسن وأطغاك الجمال

والله إن أموت ما شفت لأوصافك شبيه

لو يسام الحسن بالتيه بجنيه و ريال

ما بقى في سوق غيرك ريال ولا جنيه

كيف أهدك للمقادير وأنتي رأس مال

رأس مال ومال والمال ما يعطى السفيه

حافظك حفظي لعيني ورمشي لك جلال

وانتي تشحين بالماء وأنا شفي مويه

شايفٍ ظلمك وساكت وطال الليل طال

ما تركتي طعن قلبي وأنا ما قلت ليه

لو بقى للهيل صبرٍ على فوح الدلال

ما بقى للقلب صبرٍ على شئٍ يجيه

كنت أحسبٍ الغلا زال وأثره لا يزال

فالحشا ما كنه إلا دخيلٍ فالوجيه

ساقني حبك على الموت وسنيني هزال

والظروف أقسى من الظلم للعرض النزيه

وأنتي تسوقين عقلي على حد الهبال

تحسبين من بغى شئٍ يقدر يشتريه

وألا أنا يا وجد حالي وجود ما يقال

وجد من ضحى بغاليه لرضا والديه

ويا وجودي يا أول العمر قبل ألبس عقال

وجد من باع آخر العمر في رغبة ذويه

ويا وجودي كل ما هب صوتك من شمال

وجد من حده زمانه على اللي ما يبيه

صح لسانك ولسان الشاعر ضيدان


وتسلم على اختيارك الموفق

__________________
ومن يعمل من الصالحات وهو مؤمن فلا يخاف ظلما ولا هضما

حبيب بلا حبيب
موضوع قمه في الروعه
وصف وسرد رائع عجبني كثير
كلك ذوق
الله يعطيك العافيه
تقبل مروري

صح لسانك ولسان الشاعر،، لاهنت ع النقل والأختيار ،،

سلمت يداك على النقل

قصيده رائعه لشاعر رائع

يعطيكم ألف عافية

وتسلموا على الاطلالة الرائعة

وألف شكر لكم

مشكوووور وصح لسان الشاعرى ضيدان

سلميت يديك

مشكور على المرور أخوي

أكشن ..... فصيح العبارة

وصحت أبدانكم