يعني اتوقع 80 او 79 يكون طيب م ادري بالضبط كم شف فيه مواقع يقيسون لك الوزن والطول المثالي

لا لا م فيه منت مقبول بعد الوزن والطول يقولون لك بنرسل لك اختبار قدرات اونلاين اسمه shl تحله ف بيتكم ما فيه لا نجاح ولارسوب بس كذا تنكيد وبعدها يرسلون لك موعد المقابله

والله علمي علمك ما ادري وش يبون
اللهم امين اجمعين ان شاء الله

كم يستلم الجامعي؟ وش التخصصات المطلوبة؟ ولو عندكم معرفة متى الوظائف الارضية؟

اول شي
السلام عليكم وبرحمته الله وبركاته

اشكركم علي التفاعل الجميل

انا اختبرت اللغة قبل شهر من الان وكان الاختبار قواعد بحت وسهل جدا بنسبة لي واشوف انو اذا الشخص كان عنده دورة ثلاثة شهور انجليزي راح يتطلع يضحك من سهولة الاختبار اقدر اقول تافه

الاختبار
كان عباره عن 100 سوال اختيارات في ساعة ونصف انا خلصته في 37 دقيقة
المطلوب انو تكون تحصلت علي المستوي الثالث او الرابع واكيد الاختيار راح يكون بتفضيل بعني لو اكتفو من الاشخاص الي حصلو علي المستوي الرابع راح يوقفون.

ثانيا قالو راح يجيك ايميل منا للخطوه الثانية وعلي حسب ما قريت اغلب الاوقات الخطوط للاسف ما ترسل ايميلات انو لم يتم قبولك لكن علي العموم جاني ايميل منهم بعد الاختبار باسبوع ويوم بضبط اختبرت الاربعاء جاني ايميل الخميس من الاسبوع الثاني بانو عندي موعد قياس وزن وطول

قياس الوزن والطول كان للاسبوع الي بعده يوم الاربعاء وكان لازم تحضر كا التالي:
بنطلون اسود رسمي
قميص ابيض قم قصير
جذمة سوداء
ربطة عنق سوداء

انا رحت للبلد سوق الكورنيش فرع جوردانو كان عندهم افضل ملابس انا لقيتها في السوق وكذالك خياط في نفس السوق عحيب في الخياطه اخذ مني 30 ريال لتقصير البنطلون والقميص

موعد قياس الوزن والطول:

ياخذونا علي دفعات كل عشر مع بعض لغرفة فيها ثلاث اشخاص
تجلسون علي الكراسي يطلب منكم تنزلو كل شي وتفسخ الجذمة
ويسالك سوالين موظف؟ هل عندك مخالفات؟ في حال قلت ما عندي مخالفات وكان عندك تبعد من البرنامج.
اذا عندك مخالفات لازم تسددها او ما تلتحق بالبرنامج.
بعد ما ياخذون الوزن والطول وبطاقة الاحوال يقولك خلاص روحو وراح تستلم ايميل منا لاختبار القدرات

طبع الي خايف من موضوع الوزن اقوله لا تخاف كانو موجودين اثنين وزنهم زايد وقال لهم انو لازم تنزل من وزنك قبل المقابلة وممكن يتغاضون عن زيادة 4 كيلو لكن خلال التدريب لازم تنزلها او راح تستبعد من البرنامج

الطول
للاسف اقل من 165 بانش راح للاسف ترفض

الخطوه الثالثة

الاربعاء خلصت الوزن والطول الخميس جاني ايميل فيه رابط اختبار القدرات

اختبار القدرات:

عبارة عن اختبار كله بالانجليزي

لغوي
قطع مقالية تقراها وتجاوب علي الاسئلة.

علمي
احصائيات تحللها وتجاوب علي الاسئلة

قوة ملاحظة وتركيز
يصعب علي شرحها لكن عبارة عن مربعات فيها اشياء وبعدها يقولك اختار المربع الي بعدها الي ممكن يكملها.

اخيرا اسئلة عنك

مستوي الاختبار صعب جدا وممل وطويل.

ما سمعت
يقولونا انو ما فيه نجاح او رسوب بس اختبار لمعرفة قدراتك لا اكثر

تحيليلي الشخص انو راح يكون الاختيار بالافضلية لان مستحيل يتكلف بدفع فلوس للاختبار هذا حتي يكون بدون سبب!! غير مقنع

الان انا في قيد الانتظار لاستلم ايميل منهم بموعد المقابلة يا رب


ارجو للجميع التوفيق لي ولكم

يقبلون اي تخصص.



حملة شهادة الثانوية
سيتم تعيينهم بمرتب شهري قدره (5855) ريال (قبل حسم التأمينات).
حملة شهادة الدبلوم
سيتم تعيينهم بمرتب شهري قدره (6385) ريال (قبل حسم التأمينات).
حملة الشهادة الجامعية
سيتم تعيينهم بمرتب شهري قدره (6915) ريال (قبل حسم التأمينات).

بدل مواصلات ثابت 500
وعندك بدلات علي حسب عملك مثل بدل السفر والمبيت خارج منطقتك

علي حسب بحثي البسيط عن المقابلة الشخصية
حصلت علي التالي
تنبيه اجتهاد شخصي لا اكثر

المقابلة باللعة العربية
اول
تحدث عن نفسك؟
ما هي وطيفة المضيف الجوي ؟
ليش اخترت تكون مضيف جوي؟
لان كذا وكذا وكذا فجاة يواجهك في قول انو ترا انت خدام لا اكثر!!! جهز جوابك ي بطل لحاله مثل هذي

ليش اختارك وما اختار غيرك؟
ايش القرار المصير الي قد اتخذته في حياتك؟
لو جاك شخص وقلك ما ابغي اقوم من كرسي؟؟؟ وش ممكن تسوي


ممكن يجيني شخص يقولي انو اسئلة تعجيزية اقوله لا لو انت صدق حاب العمل راح توفر لنفسك ساعة او ساعتين وتبحث عن الاجوبة المناسب والجميلة

انا عن نفسي اختربت بالرياض يوم 20/10 و اليوم الحمدلله وصلني ايميل منهم إني اجتزت الاختبار و ارسلوا لي نموذج اعبي فيه بياناتي و ارجع ارسله لهم ..

بس انا متخوف من المقابله لو سألني انت موظف او لأ وش لازم اقوله لأني حاليا موظف بمطعم " كاشير"