ابي منكم فزعه انا مقديم في الجوازات ونقبلة الحمدلله بس انا محتار
انا معي شهادة دبلوم حاسب الي سنتين من الجامعه انقبلة جندي في الجوازات واحسن انه حرام اخش علي جندي
مدري كم رواتب الجنود في الجوازات والدوره 6/4 والله محتار مدري ايش اسوي

هلا اخوي ابي انصحك وانت بكيفك
انا جاني قبول نهائي بدورة 39 لين عطوني كرت دورة ودخول يوم الاحد
وجيتهم الخميس وسحبت شهاداتي قلت بالقى الافضل ان اشاءلله
جلست 9 اشهر لين شباب خلصو دورة وليومك هذا وانا افحط من قطاع لقطاع
وكلهم تعينو بجدة عندي بالمكان او المنطقه الي انا ابيه انا نصيحتي لك
وعزة جلال الجوزات افضل قطاع مرتاحين وعملهم جميييل
والان انا احتياط بالجوزات لدورة 40
شوف يا اخوي وعزة جلال الله نصيحة شاب عاطل 7 سنوات
حك الدنيا حك من عطالة وشركات وكداد وكل شي
الفرصه ماتجي الا مره وانا اقولك اغتنمها
وادخل مع رجال لجل ..
1- يكون لك مكانه بين اقاربك واسرتك واصحابك
2- لجل تتزوج وتعيش الحياة الحلوة الزوجية
3- لجل تصرف على نفسك وزوجتك وعيالك
ترى العسكريه مو مثل اول الان تغيرت وازيدك من شعرب بيت
الدورة 9 اشهر
راتب الجندي من صديق مقرب لي كان معي والتحق بدورة 8400 الاف ريال
دوام شفتات وممتاز واجازات
اما الوظايف المدني باختصار وكلمة وحده عندك واسطة قويه تخش مدني ماعندك
اقبل الي جاك من ربي اما الشركات ما انصحك فيها لو راتبك 10 الاف لانه
ممكن بيوم وليله يطيرونك هذا وصلى الله وبارك على نبينا محمد
تدري وش الي قاهرني ليت كان في احد ينصحني مثل ما نصحتك
بس ليت وليش ومتى كلها من افعال الشيطان لاكن الله يعوضني بغيرها
تمنياتي لك بتوفيق واقولك الحق رجال قبل لايفوتك قطار العمر
فمان الله ،

انا اشوف انك تقبل بالوظيفة دامها جاتك لحدك الايام هذي الوظائف الحكومية صعب تلاقيها، والشركات متعبه جدا ومالها امان هذي نصيحتي والقرار لك .

اقبلها ياخوك ياما ناس عاطلين فكر بالمستقبل

لو قلت قطاع امني ومتردد فيه عذرتك لكن الجوازات نصيحه لاتفرط فيها ممتازه جدا خاصه اذا حطوك بمطار