السلام عليكم ورحمة الله وبركاتة ..


أخواني و أخواتي ..

ياليت اللي لهم تجربة مع بنك التسليف او يادة او صندوق المئوية يذكروها لنا
عشان نستفيد .. لاني حابه اقدم على طلب قرض منهم لعمل مشروع.

وشكراً مقدماً ..

السلام عليكم

انا قدمت على ريادة هم نفسهم بنك التسليف

انا موظف وراتبي 12 الف ريال ومجال عملي نفس مجال المشروع للي راح فتحه باذن الله وللي خبرة فوق 15 سنة تقريبا

تم التقديم قبل فترة 5 شهور ونسيت الموضوع مررة نسيته وتفاجئي قبل فترة ان في رسالة من ريادة بعمل مقابلة تعريفية للي مسجلين بموقعهم

ورحت وعرفت وش يبون من طلابات

وبعدها بكم يوم جتني رسالة الاختبار المقابلة الشخصية بعدها في الاسبوعين تقريبا

رايح بكل ثقة لان مشروعي يعتبر خدمة للشعب ومشروع بمشئة الله مربح طبعا بتوفيق من رب العالمين ويعتمد على العلاقات بالتجار والشركات


رحت المقابلة ومعي كل الاوراق الثوبتية وشهادات الخبرة والجامعة وكل شي

اول سوال سالني قال تترك وظيفتك عشان المشروع وحلمك مع العلم معطيه كنت تعريف الراتب واسمي الوظيفي مذكور بالتعريف

قلت نعم راح تركها عشان دخل مجال التدجارة وقلت له تجارتي را دخل علي شهري ربح يفوق 50 الف ريال شهري اذا توفقت باذن الله فيها


وسالني سوال قال ليه ماتفتح مشروع ثاني كسبيل مثال ( مطعم او كفي شوب او مغسلة )

رديت عليه قلت لهم انا هذي شغلتي وهذي الشي اللي عرفة بالسوق ولو ماعرف انه مربح مافكرت قدم على هذي الخطوة لاني عارف المجال وشغال فيه

قالي كيف تقدر تنافس المنافسين للي معك بالسوق طبعا هي فيها منافسين بالسوق الشغل هذا

رديت عليه قلت هي اعتمادها من بعد الله على الخدمة والعلاقات الحكومية داخل المنشائات والخدمة السريعة للي راح اقدمها للتاجر

وانا عندي علاقتي وقدمت له بعض الثبوتيااااات لهم

يعلم الله اني ماكنت متوقع ابدا الموافقة وماصدقت القبول الي يوم جتني رسالة منهم تم اجتياز المقابلة

هنى بدئت سال وشاور اصاحبي وزجتي بالبيت وكلهم شجعوني وقالوا توكل على الله وصف النية وربي بيوفقني وفعلا انا حاليا جالس ستعد نفسيا عشان دخل هذا المجال

اخر شي قال للي الف مبروك تم اجتياز المقابلة مع العلم رايح كنت متحطم كنت قول جت او ماجت كل واحد مو خسران شي انا بوظيفتي

والحمد الله خذيت في رضا والوالد والوالدة ربي يطول في عمرهم وشاورت ناس وكلهم شجعوني وحمسوني للمشروع وريادة

وحاليا جالس حضر نفسي معنويا عشان دخل السوق ونفس الوقت عشان بخلص اموري من العمل وقدم الاستقالة وستلم مستحقاتي المالية طبعا هذي الخطوة بعد الدورة وتقديم الاوراق للريادة وبنك التسليف مع الاوراق الكفيل لان لازم يكون عندك كفيل غارم

حتاج دعواتكم فقط للي

للتوضيح
ريادة عبارة عن تعاون بين المؤسسة العامة للتدريب التقني وبنك التسليف من جهة أخرى
الموظفين من المؤسسة العامة للتدريب التقني
والدعم من بنك التسليف .
ريادة مهمتها التأكد من وجود شهادة مهنية أو خبرة
والتأكد من أهليتك للدخول في السوق .
وعمل المقابلات والدورات ومتابعة المشروع بعد بدأ النشاط .
بنك التسليف يقوم بتمويل القرض على دفعات .
( هدف ) يقدم راتب شهري لمدة سنتين للريادي .