01-03-2016, 11:46 AM
|
عضو جديد
|
|
تاريخ التسجيل: Aug 2013
المشاركات: 20
معدل تقييم المستوى: 24
|
|
|
طريقة التقديم في قطر
السلام عليكم ورحمة الله وبركاته
العام بعد التخرج فكرت في اتوظف في قطر بحثت عن ناس راحوا هناك كيف الوضع كيف الامور او اي معلومة ماااحصلت ابدا رحت وعلى وجهي ورجعت لكم اكتب عسى ان افيد احد
بدات البحث من شهر 10 عربي دخلت لموقع المجلس الاعلى وسجلت في التوظيف وبعده دخلت على المدارس وارسلت لجميع المدارس السيرة الذاتية ، لكن هذي الحاجتين مافادت كثير اتصلت مدرسة وحدة عقب ماتوظف .
صدقت وثيقتي من وزارة التعليم + والسفارة الخارجية << في السعودية
بعده في قطر صدقتها من الملحقية السعودية + السفارة السعودية + السفارة الخارجية القطرية.
نظامهم هناك التقديم عن طريق المدرسة بدت دراستهم شهر 11 وجااري البحث لفيت مدارس كثيرة بين اللي يسحب الملف بدون مايرد على كلامك ويحطه على الطاولة وبين اللي يقول انت جاي من بيئة متدنية علمياً مو هذا موضوعنا
قدمت على مدرسة وفي نفس اليوم سوو مقابلة وقبلوني جينا على العقد قالوا وين بطاقة المقيم القطرية قلت ماعندي قالوا مانقدر نوظفك لازم بطاقة قلت اعطيني خطاب للجوازات قالوا مانقدر .
(( لازم استخراج بطاقة مقيم اما عن طريق البقاء في قطر دون خروج لمدة 90 يووم أو خطاب من مكان العمل ))
شفت الامور كذا رحت لسفارة أخذت ورقة طلب استخراج بطاقة ورجعت لسعودية صدقت الورقة وبصمت في الادلة الجنائية وجلست في السعودية اتصلت مدرسة ثانية يطلبوني قلت ماراح اجي لين توافقون تعطوني خطاب ووافقوا .
رجعت لهم قبل عيد الاضحى بكم يوم خذت الخطابات ((خطاب للجوزات + خطاب للبنك + وخطاب القمسيون للفحص الطبي ))
استخراج البطاقة تحتاج تبصيم من الادلة الجنائية في قطر ايضا وتستغرق حول 3 ايام
الجوازات تقدم اوراقك والخطاب واذا وافقوا عليها يتصلون عليك بس في الغالب اذا معك خطاب عمل ماتطول
فحص المستشفى ايضا مايطول والبنك مايحتاج .
الرواتب 12600 ريال ـ يسحب منه التأمينات حوالي 1200 ريال .
السكن أقل شيء ملحق 3500 ريال شهرياً + عمولة نصف شهر
اتمنى إني افدتكم الموضوع سريع سريع اعتذر عن الاخطاء أو اي معلومة نسيت منها أو طريقة الطرح
واذا مكان الموضوع غلط اتمنى نقله للمكان الصحيح
واي استفسار تفضلوا ((وللمعلومية تم الاستقاله والعودة إلى الوووووطن  ))
|
العرض العادي
