السلام عليكم ورحمة الله وبركاته
تحيه طيبة وبعد
محتار في موضوع واحب اخذ شوركم
السالفة يا طويلين العمر اني موظف في بنك والوالد الله يحفظه عنده محلين واحد قرطاسية والمحل الثاني حلويات عربية
المشكلة ان ماحد منا يشتغل فيهم يعني تاركينهم حق العمال لان ارباحهم شوي , بس تغطي المصاريف
افكر اني استقيل من وظيفتي واستلم حلال الوالد بس خايف افشل .
لو كنتو مكاني شو تسوون

مشكورين ربي يحفظكم

خذها قاعدة لا تترك وظيفتك والبزنس مابعد استقر وخلاك تستغني عنها

يعني بمعنى اخر لا تترك العكاز قبل لا تمشي برجلينك بدونه

^^^

نفس الكلام بالضبط لاتترك الوظيفه الين يستقر المحل
وخصوص انك مامعك خبره

السلام عليكم ورحمة الله وبركاته
أذا كانت المحلات فيها راس مال كثير مايمنع انك تحافظ عليها وتسوق لها وتجيب لها مدراء كويسين يشغلوها لان التجارة بركة كما قال الرسول صلى الله عليه وسلم ... وكن لا تغيب عنهم كثير بل حاول في وقت فراغك تكون معاهم ... التجارة بركة وربنا يوفقك ويبارك فيك ويرزقك ...

مشكورين على رودركم . الوالد حاط راس مال قريب 600 الف , وانا اشوف استهتار العمال . وعندي قناعة أن المال ما يمشيه غير اصحابه . بس خايف ابدأ

ابدا اولا لما تخلص من دوامك بالبنك روح دايركت للمحلات ...

خلك عندهم لين يقفلون ...
صح تعب لكن تحمل و اصبر فهذاك رزق العائلة ..

اول شيء لازم تفهم الشغل زين و تتعلمه كويس ..
ثاني شيء الشغل الحقيقي في الفترة المسائية من بعد العصر لين الاغلاق فغيابك الصباح ما بيأثر بشكل كبير ...

استمر في دوامك بالبنك و المحلين ..

اذا تشعر ان العمال يسرقون فحاول تجيب امين يمسك الشغل ..

اذا احد في العائلة فاضي الصباح يمسك المحلات خصوصا لو كانوا قريب من بعض ممتاز ...

انصحك تركب جهاز كاشير باركود فهذا يساهم بشكل كبير بحفظ المال مع الجرد اليومي للمدخول ..
اذا ما فيه شبكة نقاط بيع ركبه بيساعدك تقلل من التلاعب و السرقة ..

يعني مثلا سعر سلعة معين 40 ريال ..
العامل من راسه قال 50 ..
الزبون نوعين يا يشتريه فياخذ العامل 10 ريال و ال40 للمحل
او يترك الزبون المحل لمحل اخر ارخص ..

لو يمديك تركب كاميرات افضل غير مكلفة ...

مر المحلات الثانية اللي معها نفس النشاط شف وش يقدمون شف وش سياستهم في تقليل المصاريف و زيادة الارباح ...

نصحك انك تاخذ اجازة بدون راتب سنه
حتى لا تخسر وظيفتك وتاسس المحلات افضل

اخي اذا كنت تملك شهادة قوية

فأستقيل وريح راسك من دوام البنك الطويل .. وتفرغ للتجارة

بس خذ بعين الإعتبار اخوانك او الوارثين وظروفهم وعدد المستفيدين من رأس المال .. والمطالبات المحتمله منهم من بزنس الوالد

ايضا قدم استقالة واكتب اسباب مقبولة مثل ظروف اسرية او صحية .. عشان لا قدر الله وخسرت التجارة ترجع تدور وظيفة وانت حسن السيرة والسلوك .. توكل على الله .. موفق

اتفق مع اللي قالوا بانك تجرب وتداوم بالمحلات اول
تشوف الوضع بنفسك وتاخذ خبره قبل تطلع من وظيفتك وتتوهق

اجمع بينهم الاثنين لما تكون نفسك