04-03-2016, 12:02 PM
|
 |
عضو ماسي
|
|
تاريخ التسجيل: Feb 2011
الدولة: الـــســـعوديــــة
المشاركات: 1,643
معدل تقييم المستوى: 782387
|
|
اقتباس:
المشاركة الأصلية كتبت بواسطة وفاء خالد
أختي وزارة الشؤن الاجتماعيه عندهم قسم نسائي بنفس مبنى الوزاره وتقدرين تقابلين الوكيل أو من ينوب عنه أذا الموضوع يستدعي ذلك واذا الموضوع بسيط الموظفات يخلصونه لك والله أنهم عسل وطيبات أفضل بمليون مره من الموظفات اللي بمكتب الضمان / وجارتي ولدها مريض من ذوي الاحتياجات الخاصه وارسلت عدة مرات على الوزير بس بدون فائده ثم تنوم ولدها بالعنايه المركزه وجاه مرض انقطاع التنفس أثناء النوم والمستشفى رافضين يصرفون له جهاز اكسجين الا بعد موعد عيادة اضطراب النوم وحاولت فيهم ثم اطلبت من المستشفى اثبات بأن ولدها منوم بالعنايه وراحت للوزاره وأعطتهم الاوراق وكل شي وقالت لهم أنا ارسلت ائميلات ولارديتو علي وجيتكم بس مانزلتو المساعده المقطوعه وهالحين جايه والولد مريض حتى محتاج اكسجين والموظفه استغربت بأن مثل هالحاله ويتم اهمالها ولايتم الصرف لها وفي خلال يومين نزلو لها المقطوعه بدون اي تغير بالحاله بالموقع والله كنت اتابع الموقع برقم الطلب من الضمان ودائم مراجع وبالاخير عذرا لايوجد بيانات بعد مانزلو المقطوعه / ورحت لهم انا ابغى يصرفون لي المقطوعه قالو لي لازم يكون عندك تقرير طبي وبأمراض صعبه أو عندك ظروف صعبه جدا بسم الله علي وعلى اطفالي من المرض لازم يشوفونا بحاله صعبه عشان يفكرون يصرفون المساعده نصبر وش ورانا غير الصبر
|
ياعزيزتي اللي حدني على حجز موعد مع الوكيل لا موظفات
ضمان صاحيات ولا مديرة صاحيه اكثر من اسبوع مابقى ورقة ماجبتها واخرتها تقول مرفوض من قبل الوزارة
نرجع اي شخص اسقط بسبب تجاوز 90 يوم خارج المملكه
وهالقرار اللي ماادري متى طلع وابلشو خلق الله فيه ماانظلم فيه غير الضعوف اللي لا لهم لا حيل ولا قوة
يعني الوزير نايم مرتاح وياخذ راتبه واللي مثلي يسقط بسبب قرارات طلعت براسه بعد ماصحى من النوم بدون ماينبه
بدون مايحط فترة معينه يبدا فيها تطبيق القرار لكن مبدا خذوه فغلوه ماقد سمعناها بعد 33 سنة اسقط من الضمان بسبب
قرار ابو دقيقه لكن كل شخص ظالم له يوم ايتام وعجزه تم اسقاطهم وراح يتحاسب عنهم هو واللي مؤيده
مانقول الا حسبنا الله ونعم الوكيل بحق هالجمعة ويرد كيد كل ظالم بنحره وكل من ظلم يتيم او عاجز ماهو بحل الى يوم الدين
التعديل الأخير تم بواسطة جرح الطفوله ; 04-03-2016 الساعة 12:05 PM
|
استفسار بخصوص حجز موعد للوكيل
العرض العادي
