حاليا جالسه اضبط اوراقي لتسجيلي من جديد بالضمان بعد ان رفضت الموظفه تسجيلي اكثر من مره وفي كل مره لها طلبات تعجيزيه وآخر طلب برنت من الجوازات بخروجي ودخولي وبرنت من وزارة الصحه سبب تواجدي برا المملكه

معامله سيئه حتي لما تقول السلام عليكم ماترد السلام مع ان السلام لله

وكل كلامهم هذا امر جديد من الوزاره

لاحول الاقوة الا بالله

احنا في دولة الانسانيه ويعامل الانسان من الجهات الرسميه اسوآ معامله لاتجدها في اضعف وافقر دول العالم

سؤالي هل القرار صحيح بعدم تجسيل اي مواطن خارج المملكه تسعين يوم

عزيزتي نفس كلام موظفات الضمان لي ومساعدة المديرة انه تعميم جديد جايهم بعدم تسجيل اي شخص

مسقط بسبب السفر ويقولون انه كل مارفعو طلباتنا اللجنه ترجعها بالرفض وفيه لجنة ثانيه مشكلة للنظر

في هذه المشكه >> طبعا مو مصدقتهم

انا اسبوع مابقت ورقه ماجبتها واخرها تقول روحي اشتكي للوكيل او الوزير

طبعا رفعت شكوى لامارة منطقة الرياض والحمدلله تغيرت حالة الشكوى

جربي ارفعي شكوى لامارة منطقتك وارفعي شكوى للديوان الملكي

وادعي على من ظلمك وظلمنا

الله سبحانه وتعالى عذب امرأه لأنها منعت قطه من رزقها حتى ماتت

فكيف بمن منع الرزق المكفول من ولي الامر لإنسان

اذا القرار من الملك اكيد بمرسوم ملكي يطلع عليه مستفيدو الضمان

لكن هذي قرارات ارتجاليه ممن لايخاف الله ولا يرحم الضعيف

الله حسيبهم وكفى

معامله سيئه حتي لما تقول السلام عليكم ماترد السلام مع ان السلام لله

هذا بضمان الرياض اعتقد ؟؟
هههههه نفس اللي صار معي برمضان ماردت سلام وشايفه نفسها
وبنسبه لي جابت قلم وقعدت تشخبط على دفتر عايله
وهي تشرح وللحين شخبطه ماراحت
هاوشتها رمته على صدري وناظرتني من فوق لتحت وقالت ماراح اعطيك الورقه
اللي تبينها وانتظري بالدور من اول وجديد
او وحده غيري تعطيك قلت لها بصوت عالي هذا
اسمه تعنت عن العمل وقعدت
تسأل وشو تعنت يعني طبعآ غسلت يدي منها مجنونه اومريضه وتحتاج علاج مادري
بس الأكيد فيه بعقلها شي تحس بغرور العظمه
بعدها راحت تهايط على العجز اللي جايات يسألون تغش غلها فيهم
وتهايط وكل كلمه وثانيه انتم ناس ماتفهمون تكررها اكثر من مره للأسف والعجز ياعمري يقولون اي والله يابنتي حنا مانفهم ويطلبون الخدمه بكل ادب ومحترمينها كأنها هي الوزير
وكلها على بعضها رسبشن
المهم
طنشي هل اشكال ولاتشيلين بخاطرك
وراسلي الوزير والاماره افضل حل

اي والله بضمان الرياض
هي ترضاها على امها تجي وحده ترفع صوتها عليها وتقول انتي ماتفهمين

الدنيا دواره ويجيها نفس الدور

عطوني رابط الامارة الله يوفقكم

ياعزيزاتي اغلب موظفات الضمان جايين اصلا من مؤسسة رعاية الفتيات متعودين على الصراخ

على السجينات

فهم يفكرون انفسهم مازالو بهذاك المكان

وياليت على الصوت العالي الحريم كبار السن يطلبون منهم معرف


وش فايدة اجل البطاقات والاثباتات

لو عندها معرف او من يقوم فيها ماجاتهم لكن وش نقول غير حسبنا الله ونعم الوكيل

القرار لايزيد عن 90 يوم خارج المملكة متواصلة او مقطوعة خلال السنة وهما للاسف يجمعو اي شي سنة او سنتان اجمع واسقط على طول

سؤال
اختي مبتعثه واخوي مرافق دارس وخلصو بعثتهم الحمدلله يقدرون يقدمون على الضمان او بسبب 90 يوم مايقدرون ؟؟

واخوي الراعي المجتهد
وش صار معاك رحت للمدير ضمان ؟؟

الله يعين ويفرج هم كل محتاج ويعوض صبرنا خير

خلاص سار ماعندي كلام او تعليق ادخل ادعي لشخص واخرج
عجز اللسان مابليد حيله