تم خداعي من قبل الخدمة المدنية
قبل سنتين تم ترشيحي لوظيفة (مساعد اداري) عن طريق جدارة في وزارة الصحة على المرتبة السادسة ولكن الغريب في الموضوع لما استلمت خطاب المباشرة كان مكتوب فيها جهة العمل مستشفى يعني كذا راح اشتغل في المستشفى وما اقدر اشتغل في المديرية الصحية وانا كنت متوقع اني ارح اشتغل في احد ادارت المديرية والعجيب انه عندما وصلت المستشفى اخبرني مدير المستشفى انه يوجد نقص في قسم الاحصاء الطبي وعلي ان اعمل في هذا القسم و كان الشغل فرار على الاقسام طبية وتسجيل معلومات كل قسم في ورقة خاصة وبعد الانتهاء يتم ارسالها الى ادارة الطوارىء عن طريق الفاكس وبعدها باربع شهور تم تكليف بالعمل في قسم سجلات الطبية وكان شغل عباره عن ترميز الامراض و تصنيفها وارشفت الملفات الطبية وكتابة التقرير الطبية وحصر ملفات العيادات الخارجية ومتابعة حركة الملفات داخل المستشفى وتأكد من صحة المعلومات داخل الملف وعدم وجود نقص ثم بعدها بسبعه شهور تم ترشيحي مدير التقرير طبية وكان المدير يمدحني وينصب علي بالكلام الجميل واشتغلت في قسم تنسيق الطبي في نقل الحالات المرضية الداخلية الى المستشفيات التخصصيه الخارجية وعندي دبلوم انجليزي ساعدني في شغل وسهل علي طرق تخليص المهام في اقصر وقت ( بعد هاذي الفتره طويله اكتشفت اني مجرد جوكر وكانت ادوام 8 ساعات و خبرتي في الاقسام الطبية (قيمتها صفر في ملفي الوظيفي) ومالها فائده عشانه خارج المهام الوظفية وكان المفروض اني اطالب بالعمل بمسماي الوظيفي مساعد ادري في قسم الشئون الادارية ورحت كلمت مدير المستشفى وقالي انت هنا موظف مساعد يعني تساعد المدير العام وانا محتاجك في الاقسام المساعدة الصحية وماعندي احتياج في الاقسام الادارية وكلام طويل ماينتهي وازعجي بجملة ( مصلحة العمل) بعد الموقف هذا صرت مبزوط و تاخر عن دوام وارفع طلب اجازات واهملت شغلي لأني احس اني مجبور ومظلوم في شغل اللي يقهرني انه راتبي 6219 اول ماتعينت وعلاوتي 305 فقط وكان مع واحد ثاني فني تمريض ماله شهرين متعين راتبة 7283 وعلاوته 380 اعلى من علاوة المرتبة السابعة وهو دبلوم سنتين ونص وكان يشتغل مع في قسم سجلات طبية و تارك شغله الاساسي في تمريض وسبب انه فاشل في تمريض واي واحد فاشل في قسمه يتم نقل الى الاقسام المساعده الصحيه ونص موظفين الادارة فنيين يستلمون راتب فني اين العدل يا وزارة الصحة وبعد تفكير طويل عرفت ان الاداري في وزارة صحة مهمش وماله حقوق وترقياته متأخرة واحد عندي في المستشفى ( مسمى وظيفته ناسخ الة )على المرتبة الخامسة من 13 سنة ماجته ترقيه ولا بدل استخدم حاسب الي ولا يوجد سلم رواتب خاص لنا مثل التشغيل الذاتي والحقيقة انه الموظف الاداري اتابع للخدمة المدنية لعبه بين ايديهم بعد ماشفت الوضع مزري وكارثي ولا يستحق البقاء قرارت الفصل من الوظيفة واجلس في البيت وانتظر التعيين معلم ( ليه يا الخدمة المدنية تضحكين علي ؟؟؟ درست في جامعة اربع سنوات ودبلوم سنة تربوي واختبار كفايات وفي الاخير يتم مقارنتي بواحد معه شهادة ثانوية ) خلاص ماتفرق معي اجلس ثلاث او خمس سنوات انتظر التعيين معلم في وزارة التربية افضل عندي من اكون مسخره في وزارة الصحة انصح جميع شباب عدم تقديم الى وزارة صحة في الوظائف الادارية اذا كان مدير المديرية الصحية طبيب ومدير المستشفى فني تمريض هل تعتقد انك تسفيد شي ؟؟؟؟؟ مستحيل بمجرد المباشرة فيها انسى احلامك الوظيفة وانك اصبحت خادم مطيع لهم وضاع شبابك في تحسر وتندم على مافاتك وراح تفقد قيمتك المعنوية والمادية

من وجهة نظري الظلم ماجاك من الوزارة الظلم ججاك من المدير الي فوقك ومع كذا جهلك بالانظمه كمان ساعد ..المفترض ما تشتغل شيء بغير مسماك الوظيفي للاسف هم استغلو جهلك حسبي الله عليهم..التعميم يا اخي نوع من الجهل والظلم حرام تعمم على كل المدراء باالجهل وعلى كل الوظائف الاداريه في الصحه بانها سيئه ..تجربتك هذي اي واحد يقدر يمر فيها في اي مكان ماهي محصورة على مجال معين وكثير سمعنا مدرسين مرو بنفس الشيء يعطونهم مواد مو من تخصصهم ويجبرونهم على اشياء ماهي مفروضه عليهم مثل تزيين الفصل وما الى اخره بس الواحد لازم يعرف ايش له وايش عليه ويعرف النظام مزبوط قبل ما يسوي اي خطوه...عموما خليك ايجابي وانظر لهذه التجربه بمنظار اوسع هذي التجربه علمتك اشياء كثير قول الحمد لله و أأمل بمستقبل افضل و أدي امانتك و واجبك في عملك وربي يسهل لك امورك

أخوي أسير في ظلام

اسمحلي انت غلط وتحمل غلطك .. زي ما قال كريشما سان كان لازم تعرف النظام
وإذا ما تعرف إسأل أي شخص فاهم في النظام ....

اولا أحمد ربي انك توظفت
مع احترامي لك محد خدعك ولا احد ضحك عليك
ومو شرط انك تعمل في وظيفة على نفس مسماك الوظيفي
هذا يسمى بالعرف الوظيفي في نظام الخدمة المدنية وهو انك تعمل في اي قسم إداري ولا يشترط التقيد بالمسمى الوظيفي

احمد ربك لقيت وظيفه غيرك عاطل من 5 سنوات وتجيهم وظائف في شركات خاصه 3000 ريال راتبه

اخوي اسير الظلام ..

اول حاجه انت عندك اخطاء فادحة في طريقة سردك للمشكلة .. هذا وانت معك دراسات عليا ماشاءالله

ثانيا .. سالفة انه تم خداعك من الخدمة المدنية هذا قوية في حق الحكومه ههههههههه

لكن ياخوي اول شي قول الحمدلله انك متوظف وعلى المرتبة السادسة وش تبي اكثر .. وسالفة الفصل انصصصصصصصصصحك نصيححه لا تفكر بالفصل وتجلس عاطل .. ترا بتقضي عمرك تطرد ورى التدريس والوظائف وياليت تحصل وبتندم اشد الندم ..

الاخوان اللي قبلي ماقصروا عطوك ارائهم و انت قرر .. ولكن فكر ياخوي الف مرة قبل تقدم على اي خطوة وانت ماحسبت حسابها وتتحسف بعدين لا سمح الله

الله يوفقك يارب ويكتب لك اللي فيه الخير ..

سلام عليكم ورحمة الله
اشكر جميع الاعضاء الذين قاموا بالمشاركة ولكن للاسف الشديد ليس لديكم ادنى معلومه عن واقع الاداريين في وزارة الصحة لذلك لا داعي لطرح الموضوع هنا ارجو من الاخوان قبل رد على الموضوع ان يدخل على منتدى (ملتقى منسوبي وزارة الصحة ) قسم ملتقى الاداريين ويشوف المواضيع المطروحة عن المشاكل وتهيش وعدم المساواة اخوي ماجد الجهني ماهي الاخطاء الفادحة في وجهة نظرك اعتقد ان المنتدي ليس جهة رسمية ولا يجب علي كتابة خطاب رسمي يخضع للقواعد النحوية والصرفية والزخرف والفواصل ونقاط والى اخر ؟؟؟؟؟؟؟ هذا الموضوع موجه الى عامة الناس وليس الى احد المدراء او الوزراء

الله يكون بعونك والله يرزقك احسن منها ..

لكن اخوي ماهو السبب في تساوي الدبلومات الفنية والبكالريوس النظري بنفس المرتبة 6

الله يعينك ، أمسك وظيفتك ولاتفرط فيها حالك ارحم من ناس كثير

وضعك مثلي أنا أول ما داومت مسكوني مدير مناوب و كل الأقسام في المستشفى تنقلت فيها حتى أصبحت معي خبره و لكن غير معترف فيها
لدى وازارة الصحه لأني أداري على سلم الخدمه المدنيه ,,, و الدوام مره متعب 8 ساعات و غير تغيير الدواوم من المساء إلى الصباح
بسبب نقص في الكوادر الأداريه ... مطالبنا بتحويلنا لسلم التشغيل الذاتي .. ب ط ه