اخوي التجارة في الخضار يكسب ذهب
لكن .. عليك بالصبر ثم الصبر ثم الصبر

لكل مشروع في بدايته لازم خساره .. حتى
تتعلم الأخطاء و تصححها في المستقبل
و أنت خلك أداري بنفسك في بداية المشروع
يعني المشروع يبقي له من 6 شهور الىسنة و نصف
و الله يرزقك من واسع فضله

عليك بالصبر

ههههه يا اخوي انت على قولة المثل ماله بالقصر غير من امس العصر 😂
تووك ياخوي بدرري على الارباح لابد من الصبر اقل شي 6 شهور حتى تبدا الناس تعرف محلك وتتعود عليه
اهم شي ركز على البضاعة الجديدة خصوصا الفواكه والورقيات لانها تخرب بسرعه
وبالنسبة لتوصيل اشتر دباب للعامل وركب فيه صندوق يحمل فيه البضائع ويوصلها
ايضا انتبه بالبداية لاتشتري بضاعة كثيرة حتى لاتخرب كلها خذ بضاعه مثلا باليوم 500 ريال واذا انباعت كلها ممتاز واذا انباع نصها او ربعها خفض راس المال اليومي وهكذا
وبالنسبة لتخفيض الاسعار لاتخفض واجد مثلا سلعه شريتها 10 وتبغى مكسب فيها 3 ريال خل سعرها 14 عشان اذا كاسر تنزل له ريال وانتبه تبيع بسعر مخفض او سعر التكلفة لان الناس راح تتعود على اسعارك وتحفظها واذا رفعتها فجأة راح يزعلون ويتركون محلك لابأس بالبداية من الربح القليل لكن اذا اشتغل محلك وصار الاقبال عليه عالي خل اسعارك مثل اسعار بقية المحلات

الله يفرجها عليك ويرزقك الرزق الحلال لكن انتظر واسعى في الدعايه والتوصيل فعلا مربح وكلن يبيه وتقدر تتفق مع مندوب يول طلبات زباينك بعموله معينه تتفقون عليها منها يوصل لك ومنها يكون باب رزق له ويعرفونه الناس ويصيرون يطلبون منه

التجاره يبي لها صبر وصبر طويل

قليلا من التروي
قليلا من الصبر
قليلا من الادراك
قليلا من الشطاره
قليلا من الخبره

كلها عوامل مساعده بعد توفيق الله تعالى


وفقك الله

اخوي جرب المطاعم تمر عليهم وتشوف هل يحتاجون توصيل خضار لهم ؟ اغلب المطاعم يعتمدون على شخص يوفر لهم الخضار بسعر ثابت .. بدل طلعتهم للسوق .. الله يوفقك

ولله مازيد على الاخوان شي

لكن الفتره اللي فيمت فيها المشروع مره سريعه اصبر شوي

بالتوفيق

ياخي اسبوع وتقول فشل حرام عليك ماعطيت للمحل ولا لنفسك فرصه انت مش بنده عشان يجوك من اول يوم افتتاح احكم على المحل بالفشل او النجاح بعد السنه الثالثه الحين فقط تعلم كيف تكسب الزبون حتى لو لعته براس المال لان الزبون من يشوف وجه وتعامل حلو يجيك كل مره

بااالتوفيق

تعلم كيف تكسب الزبون

استغفر الله