السلام عليكم
ياشباب السالفه ومافيها
انا خسرت بالعربي ابتلشت بالطماط والبطاطس
فتحت لي محل خضار وفواكة لي سبوع عيو يكثرون الزباين
ومسوي تخفيضات والي يقهرك في ناس يكاسرون زود اني مسوي
تخفيضات وبلشان وخسران يجي يكاسر غير ان ماعندي عماله
ولا حصلت للحين ابي توجيه الله لايهينكم قبل يتدهور الوضع
مع ان المحل موقعه كويس
وجنب بقاله وحتى ديكوراته حلوه
بس المشكله اداريه كيف افعل التوصيل وكيف اكسب زباين
واذا في احد
عنده خلفيه عن الخضار وحاب يشارك يكون احسن

وشكراً

وعليكم السلام
انت تقول لك اسبوع هذي مش مده كافيه حتى تقول فشلت
اصبر شوي ودخل خدمة التوصيل واطبع بروشورات ووزعها على البيوت
ومن تحت الباب اوالصقها على الباب
وقبل كل شيء لازم تؤمن أنه رزقك ماراح ياخذه احد غيرك
حنا عندنا سوق خضار مساحته من ..إلى.. وامامه محل خضار
تشوف الناس عليه طوابير ع الرغم من وجود السوق الكبير
الرجال مايلحق على الزبائن ماشاءالله ..
العمل بالخضار فيه خير كثير بس يبي له صبر
,
الله يفتح لك أبواب رزق لا تسد وكل من قال آمين

__________________
"لله دُر أمي إذا ابتسمت
تهادت جروح قلبي والتئمت"

البضاعة اللي بتخرب تقدر تبسط فيها بعد صلاة جمعة وبتطير كلها ان شاءالله
والله يرزقك من واسع فضله

يارجال توكل على الله .انت في بداية المشروع والناس ماتعرف المحل واخذ رجل عليه, ممتاز جدا انك فتحت جنب بقاله ..
نضايح لاني عملت في مجال الخضار وعندي خلفية فيه
اول شي واهم شي البضاعه الزينه وتوفير جميع الخضار والفواكه لاتقول بتخرب, لان في البداية راح يخرب منها . وطريقة عرضها مهمه جدا. اهم حاجه عندك لاتحاول تاخذ مكسب زيادة . اصبر والله انها فيها خير بس متعبه . الله يرزقك

وفر توصيل وباذن الله بتنجح فالبداية

على حسب ماسمع من التجار ان السنة الثانية او الثالثه الي يقوم فيها المشروع
وتزيد ارباحه التجارة لها اسرار كيف تعرفها الا لما تجرب اكيد فيها خسارة بالبدايه
ومن ثم تزين الامور وعسى الله يرزقك صبر التجار قادر ياكريم

عزيزي ,لا تنس تمر على المطاعم والبوفيات اللي حولك وتبيع عليهم. جرب تمشي عليهم وتقول لهم وحاول تكسبهم زبائن لك.

موفق خير.

اهم شي لا تكون بضاعته بايته
ووفر جميع الخضار والفواكه

وانتظر لمدة سنة تعرف زباينك بالضبط

التوصيل بيرفع لك الدخل للمحل من تجربة .
واكسب الحي القريب منك بالتوصيل ،لانك راح تكون الوحيد اذا ماحولك محلات خضار .
حاول تلفت النظر على المحل ، وزع بروشور لكل عميل يشتري منك + للبيوت والعماير ودباب يوصل .

ايضا حاول تشوف كم محل خضار حولك ، ممكن فيه محلات غطت عليك بالموقع او بالاقدمية واعتماد العملاء عليها .

الامر الثاني حاول تكسب بيعات الخضار الموجودة في سوق الخضار ، لانها ايضا بتأثر على المكسب .

والامر الاخير تريث وانتظر فتره ٣ شهور على الاقل وفيها مكسب جداا مرضي ، وانتبه من العمااااااااااااااله معك في المحل لان بيطير ربحك منهم .

اخي واضح جداً ان تقيمك لوضع المشروع غير صحيح

لأن الفترة الزمنية للمشروع لا تعطي نتيجة صادقة

انت قيمت المشروع في فترة اسبوع وللأسف ( أول اسبوع ) وكانت النتيجة غير مرضية

لكن انت الأن ركز على الدعاية واعمل بصبر على الأقل لمدة شهرين ثم الشهر الثالث قيم فيه الفوائد ثم قس ذلك على كامل السنة

وشوف كم اجار المحل بالسنة واخصمه من الأرباح وقسم الباقي على 12شهر وقسم الناتج على 4 = ربحك الإسبوعي الفعلي