السلام عليكم

ياشباب لدي استفسار مهم ليش اذا الواحد قال لواحد عسكري بخش العسكريه يقول ويش تبي فيها واكثر من واحد

ويقول دور لك اي وظيفه تريح راسك وهذا الكلام حتى بالمنتدي ليش اريح راسي من ايش يعني مني فاهم

نبغي العيواب اللي ازعجونا فيها

مع اني اشوف انه وظيفه فيها حيويه وعز وشجاعه وراتب كويس

ماعليكم اخوي العزيز اغلب العساكر كذا ومن ضمنهم اخواني يقول لاتقدم وتعب ومادري ايش

وقدم وماعليك من احد اهم شيء وظيفة حكومية

اما اذا تقعد على الخاص راح تتعب جسديا وماديا غير حكومة راحة وشوي فلوس

ياخوي الكل يقولي مثلك والسبب انه الترقيه تطول والرواتب لاتكفي الحاجه والكل تسالهم يبغو لك الافضل

كل اللي اشوفهم عسكر ماشاء الله مرتحين بس لو تساله يقول لو القا شركه بنص الراتب اروح ليش مدري هذي النقطه اللي مشغلتني

مشكلة العسكرية وقت التقاعد بس .. تروح عنك البدلات و ينزل راتبك بشكل كبير .. لكن فيه احتمال ان شاء الله يحلون هاذي المشكلة ويعطون العسكري حقه في التقاعد ... اما الرواتب و الشغل على حسب القطاع الي بتتعين فيه .. زي اخوي جندي اول في القوات المسلحة دوامة من 7 ونص الى 11 على الكمبيوتر ويستلم 8000 يعني ما شاء الله دوامة مريح .... و انا انصحك اذ باقي صغير تكمل جامعة و تدخل ضابط افضل لك .. واذ كبير خذ دورة حاسب 6 شهور وقدم على العسكرية تكون في مكتب على الكمبيوتر افضل لك .. وبتوفيق لك اخوي ......

الله يكتب اللي فيه الخير ياااارب والله التقاعد مشكله اعرف واحد كان راتبه حدود 13 وصار 5 بعد التقاعد ويخصمه عليه البنك كامله وينزل بالسالب خمسه شهور وبعد اشتك البنك وصار ينزل له 2000 ريال بس وتغير حالهم والله يكون بعونهم

ي رجال العسكريه تعيش شبابك وبعد 30 سنه تتقاعد عيالك يشيلونك انا ابوي الله يرحمه كان راتبه 14 وبعد م تقاعد راتبه 7000 والامور طيبه محد يدري عن المستقبل ادخل وكمل انتساب وافتح مشروع وطقطق وتزين الامور الله يوفقكم جميعا

يارجل اذا جتك العسكرية او المدنية نصيحه خذها مني روح لها انا جلست حاط العسكريه براسي وهذي السنه الثالثه عاطل حتى والله انعرضت علي وظيفة مدنيه ورفضتها قلت لا ابي عسكريه واللحين ندمان ندم مايعلم فيه الا الله راح من عمري ثلاث سنين ومازلت عاطل يارب اكتب لي وظيفه عاجلا غير اجل والله بتجيني نفسيه بسبب العطاله

طيب ياشباب كيف تقاعد الضباط ودوامهم ورواتبهم يعني فيها تعب وقروشة للضباط ، ولا ماتفرق سواء ضباط ولا أفراد عادي ؟؟؟
باقي لي سنة وأتخرج من الجامعة وأبي كلية الملك فهد الأمنية ، بس أخاف أندم أني دخلتها ، خصوصاً مثل بعض العسكر ماينصحون في العسكرية
أنا قعدت مع عسكري في حرس الحدود ، قال لي أبعد عن العسكري وخلك في المدنية !!!!! لييشش؟؟؟