تم استبعادك من برنامج حافز البحث عن عمل أو حافز صعوبة الحصول على عمل أو ساند، وتم نقلك إلى برنامج دعم التوظيف لتجاوزك الحد المسموح لعدد إنذارات تسجيل الدخول الأسبوعي.


وش السالفه

اتصل عليهم وتاكد منهم
يمكن لك فتره مدخلت حافز وحدثت

حتى انا نفسك

والغيت دعم التوظيف

ورحت قدمت طلب جديد لحافز صعوبة الحصول على عمل

مع العلم انا استلمت من حافز صعوبة الحصول على عمل دفعه الشهر الى فات

وجاني في الاميل نفسك بالضبط

وهذا الى صار معي


حسبي الله ونعم الوكيل

واضح انت ماتحدث لازم تسجل دخول بشكل اسبوعي لملفك
واذا فيه مهام تحلها

حتى انا وصلني كذا مع اني مخلصة التدريبات ومشيكه ع مهامي مافيه حاجة والموقع ادخله اسبوعياً مرتين او ثلاث وامس اصلاً داخلة !!!!
وصفحة الانذارات مافيها شي عندي الانذارات صفر !!!!!

يا خوفي الغوا حافز بس ما يبون يعلنون

يعني ياخذون بالطوشة وخلاص

نفس الرساله الي وصلتني بالتمام ؟ ودقيت ع حافز ورفعت اربع شكاوي لهم ،
شكوى استبعاد من حافز ونقل ل دعم التوظيف ؟
وشكوى اني للحين ببرنامج تدريب تزيد مدته عن ثلاث اشهر وانا لي منسحبه من الكليه ثلاث سنوات ؟ تابع لكلية التقنيه
وشكوى ان كاتبين لي استلمت دفعتين والمجموع من حافز 21 الف متبقيه وانا اساساً ماستلمت الا دفعه وحده بشهر 5 من هالسنه ؟
وشكوى باي حق يقدمون لي طلب ب دعم التوظيف ؟


مو معقوله ياعالم اش هاللخبطه ؟ حافز ماهو مساعده لنا صارت مذله ؟ اي عدل تشوفونه وطبقوه ليتهم يفكونا منه ولا انهم يذلونا كذا 😡حسبي الله فيهم وكفى 😭💔
غبنه والله العظيم واغلبنا وصلتنا هالايميلات ،،

والاغبن انا اسبوعياً نسجل دخول ؟ 😩

الي رفعوا شكاوي

ما علمتونا ايش صار

اعطونا العلم

خلونا نقدم شكوا جماعيه

تم استبعادك من برنامج حافز البحث عن عمل أو حافز صعوبة الحصول على عمل أو ساند، وتم نقلك إلى برنامج دعم التوظيف لتجاوزك الحد المسموح لعدد إنذارات تسجيل الدخول الأسبوعي.

السلام عليكم

انا صارت لي نفس المشكله رسلو لي هادي الرسالة على الاميل

رفعت شكوى عليهم وردو علي برسالة نص تم قبول قبول طلب الاعتراض

ولا تغير شي

ولا نزل في لحساب شي