مساء النور
اخواني انا قربت لسن 30
وعندي اعاقه افكر اروح واسجل بجمعية حركيه
متخوفه هل راح انجح او افشل
هل زواج شيء اساسي
مرتاحه مع اخواني الصغار توفت امي وابوي توفى وتحملت مسؤليتهم
بس الحين كبرو بعضهم وبداء كل واحد يشوف حياته
صديقاتي اغلبيتهم تزوجن الله يوفقهن
انا مااحس ابي اتزوج متخوفه
هل اتزوج معاق مثلي او سليم
اذا كان سليم وش اللي يضمن مايعيرني ويبهدلني بحياتي
صديقتي معاقه ومتزوجه واحد سليم للأسف صرافتها معاه ودايم يحسسها انها انقص منه
هي تمشي الحمدلله اعاقتها فقط انها تعرج
واذا معاق اخاف اطفالي بعد يجون معاقين ليش اظلمهم
حاليآ انا عند جدتي كبيره بالعمر ومحد يخدمها بهدنيا غيري ومستانسه
معها بس هي اللي حطت فكرة زواج براسي الله يهديها بس ويطول بعمرها وطبعآ انا بنظرها ملاك وموناقصني شيء والف مدري الفين واحد يتمنوني وتعرفون سوالف الجدات
طبعا الواقع ينافي اللي قاعده تقوله بس انا اسلك لها الزبده
انا مو متحمسه قاعده افكر 30 سنه تقريبا شايله نفسي الحمدلله
وش لي بسوالف زواج ووش بتفرق وشوي اقول كلام جدتي صحيح ،،،،،
ابي ارائكم وبدون مجامله مع اوضد زواج ؟؟
ومين منكم قدم على حركيه ؟؟

الموضوع لحاله تحفه هههه ايفوني خربان دخلت ابي اشوف هالاستطلاع الي مسويته هههه امزح معك

راح اقولك الا توكلي على الله وشوفي نصيبك وربي يوفقك انا نفس الوضع بصير ثلاثيني بعد كم شهر هههههه ولا بعد تزوجت برظووا ابغى اكمل الماستر وبعدها ربك يسهلها انا ادري الرجال سهل عليهم بس ابغى اطمنك ان رزقك ونصيبك مكتوب من يوم ولدتي عيشي يومك ووكليها على ربك وباذن الي ما تنام عينه ربي يرزقك بابن الحلال الي يسعدك يا رب

تزوجي ي بنت الحلال ورزقك على الله
الله يرزقك بواحد معه دراهم ويسفرك لكل دول العالم
قولي امين

مع الزواج بكل تأكيد

ان جاك النصيب
ورضى بحالك ووضعك وانت استخرت ربك واقتنعت فيه

توكلي على الله

وداومي بالدعاء بزوج صالح نافع لك


فكري في الذرية لاجل يشيلونك في كبرك


اله يسعدك ويوفقك ويرزقك بزوج صالح وذريه صالحين

نفس مشكلتي مع ازواج مع اني امشي بس رجلي حنفاء

الله يسهــــــــــــل اموركم

انا شخصيا اعرف من رجال و بنات
احد قريباتي جاء واحد يخطبها وقالو اهلها
بكل شي فيها (اعاقة بسيطة في القدم)
ووافق عليها و لله الحمد الى يومنا
وعندهم اعيال و الله يجمعهم بخير

اتمنا من كل قلبي الله يوفقك
وتشوفين اعيالك جنبك

الله يمسيك بالخير

قبل كل شي اقول الله يرزقك بالزوج الصالح ويسعدك ويخاف عليك ويحطك بعيونه يارب

الزواج حلو في حياتنا ولكن بعضهم فاهمين الزواج غلط , هذا هم المتزوجين اصحاء مشاكل بينهم الين وصلت الطلاق

تصدقيني كل تاخير خيرة وهذا انا عمري 30 ولدي ضعف في السمع فقط و طالب بالجامعة انتظام وباقي سنة واتخرج واتوظف ان شاء الله والزواج لاحقين والله يرزقنا

وبخصوص زواج من سليم وخايفه يستغلك اخالفك الراي لان مو لكل مثل زوج صديقتك لان في الطيب وفي الشين

وكمان انتي تقولي خايفه تتزوجي معاق ويجيب اطفال معاقين اخالفك الراي لان اللي يجيه اطفال معاقين تجي من قرايب فقط

هذا جاري لا يسمع ولا يتكلم وتتزوج بنت لديها ضعف السمع فقط و رزقهم ولد سليم وتوفت مرته الله يرحمها والحين هو و ولده مرتاحين في حياتهم

لهذا اقولك الزواج حلو في حياتنا وتصدقيني يجيك نصيب بس عليك الصبر ثم الصبر ثم الصبر

تحية لك

وعليكم السلام
التوفيق بيد الله لو ان كل بنت فكرت بهذا التفكير لما تزوجت واحده
التوفيق بيد الله ولااحد يعلم عن مافي قلوب الناس الا الله من الممكن ان يكون الشاب المتقدم لايخاف الله ومن الممكن ان يكون صالحا يخاف الله
احدى قريباتي تزوجت قبل 50 عاما زوجها يراها في البدايه يوميا ولمد ه عامين ثم كل 5 سنوات ياتي مره ولها اكثر من 20 عاما لم تراه كبر ابناءها واصبحوا رجالا مسئولين في حقل التعليم
من قام فيهم صغارا جدتهم وذات مره جاءهم وقال لهم اعطوني من معاشاتكم فقالو له ليس لك فضل علينا ولم تراعينا ونحن اطفال وعندما كنا بحاجتك تخليت عنا توكل على الله ليس لك شئ عندنا
قصه حقيقيه
اختى
الانسان في هذه الدنيا يرغب برؤيه ذريته وان يقوموا في المستقبل بمراعاة امهم اذا كبرت فلاتعلمين مايخبيه رب العزه والجلال لك فقد يكون هذا الزوج من اطيب الناس
توكلي على الله وتزوجي وهناك تحاليل ماقبل الزواج وستكشف اذا كان هناك معوقات من عدمه
وجهه نظر

انا أؤيد الزواج

وبعدين اللي ينظر للمعاق بنظرة دونيه او ينتقص منه

هذا هو المريض

__________________
ومن يعمل من الصالحات وهو مؤمن فلا يخاف ظلما ولا هضما

مع الزواج وصحيح اهو قسم ونصيب لاكن اذ الاعاقه جايبه لي عقده واعاقتي خفيف جدا وارفض اني اقبال الناس بدون قناع من 8 سنوات والحمدلله الحسن احسن من اول وجالسه افكر اني اخذ زواج عند اعاقه علشان مايعيرني ويبهدلني بكلامه