السلام عليكم ورحمة الله وبركاتة

أخواني أنا من سنة توظفت وكتبت موضوع هنا أسأل كيف أوقف الضمان وكان من ضمن الردود إنهم راح يسقطوني بعد مايكتشفون إسمي بالتأمينات ، للأسف الضمان أستمر ينزل أربعة شهور تقريباً ولأني خفت من نفسي الأمارة بالسوء أتلفت البطاقة ومازالت معي للآن ، بعد فترة تم إسقاطي وإرتحت من ها الهم ، اللي صار الحين إني تركت شغلي ورجعت قدمت على حافز اللي وقفته بعد ماأشتغلت وتفاجئت لما نزل إنه نزل ناقص وبعد البحث إكتشفت إنه بسبب الدخل الثابت ، لما إستعلمت بالضمان إكتشفت إنه على الرغم من إن حالتي مسقط إلا إن مساعدات الغذاء باقي تنزلي وإن البطاقة اللي المفروض منتهية بشهر 12 باقي نشطه!! ، رحت للضمان وتوقعت بياخذون بطاقتي القديمة بس قالوا لي مانحتاجها وحولوني على فرعهم الجديد أنا من سكان الرياض ، حالياً لي أسبوعين مقدمة والحال على ماهو عليه وش السواة؟!! أرجع للفرع القديم وأقولهم يوقفون مساعدات الغذاء؟ أنا مو مستفيدة شي حافز ينزلي ناقص وبطاقتي تالفة ماأقدر أسحب منها شي ، وهل بيقدرون يتأكدون إني ماسحبت منها ريال واحد لما كنت موظفة؟

مو عارفة وش أسوي بصراحة سامحوني على كثرة الأسئلة والله يعطيكم العافية مقدماً

وعليكم السلام
الافضل انك تعيدي الطلب وتقدمي على المعاش الضماني طالما انك بدون عمل والبطاقه منتهيه ولازالت نشطه هذا مستحيل ممكن انه تم اصدار لك بطاقه اخرى وممكن انه احد مستغلها
فيجب عليك في كلا الحالتين اذا رغبتي في الضمان اوانزال اسمك من الغذاء مراجعتهم وتقديم استدعاء ليكون الموضوع بصفه رسميه وليس مجرد كلام وبعد ذلك تابعي الموقع وشوفي حاله الضمان هل ستتغير الى قائم اما انهم يتأكدون انك ماسحبتي شي فأكيد لديهم السلطه لمعرفه ذلك

هلا أخوي المنتصر
أنا رجعت قدمت عليهم من أسبوعين وأستغربت لما قالوا لي بيطلعون لي بطاقة جديدة وإنهم مو محتاجين القديمة توقعتهم زي البنوك حتى ماسألتني عن البطاقة إذا باقي معي أو لأ أو حتى المفروض إني أسلمها لهم بصراحة مدري كيف طريقتهم .. طيب كيف أسوي إستدعاء؟

والله غريبه بطاقتك زي بطاقة صديقتي كل العالم غيرو البطاقات الخضراء الا صديقتي باقي بطاقتها الخضراء مفحطه لدرجه أن صديقتي تطلب الله بأن توقف بطاقتها الخضراء / ربي يعينك على تلاعب الضمان ناس واجد وقفو بطاقاتهم من أول ماتوظفو

وفاء خالد

ياريتهم يوم أسقطوني وقفوا كل شي لاطبنا ولا غدى الشر
اللي قاهرني إن حافز ينزل ناقص ولو ما الله ثم هالحافز كان مادريت
لكن دواهم عندي بكرة الله لايعوق بشر رايحتلهم

من قدمت عليهم أخوي المنتصر وأنا أسوي إستعلام ونفس الشي
الحالة مُسقط والبطاقة نشطة وتاريخ إنتهائها 2015/12
أنا صورت الشاشة بس مدري كيف أرفق الصورة هنا

طيب خلاص شوفي في طريقه ثانيه اتصلي او راسلي جرح الطفوله او عبد الله تميم مايقصرون على
8001222777 برقم الهويه ويبين اذا سجلوك ولا حطوها بالدرج عندهم اذا مالقيتيها مسجله راجعيهم

الله يجزاكم خير ويعطيكم العافية
السموحة أشغلتك معي بيض الله وجهك

يغلق مع الشكر