معي الكفاءه وأدور وظيفه الله يوفقه اللي يساعدني

أدوروظيفه · #1 (**permalink**) 15-10-2008, 08:45 PM

السلام عليكم

أنا من حائل ومعي شهادة الكفاءه
وأدور على وظيفه لتحسين الدخل ومتحمسه للوظيفه
وبقوووووووووووووووووووووووووه
والله يجزاه خير اللي يدلني على وظيفه
وان صار راتبها زين من ال2000 وفوق قسماً بالله
500 خمسمائة ريال للي يدلني سواء تحويل او بطاقات
صح ال 500 قليله في حق اللي دلني ع الوظيفه بس والله عندي ال 500
كثيره وتنفع نظراً لحاجتي للراتب والجود من الموجدود
بس اتوظف انااااااااااااااااا
وتكفون ادعولي ان الله يرزقني بالوظيفه الزينه
والله مانحديت ادور وظيفه الا لأن الدنيا غلت وكل شئ صار غالي
وحياتنا على الله ثم على الضمان اللي مايكفي يطير بخمس ايام على كهرب
واغراض البيت ولا ماتنطرى اغراض البيت كلها كيسين من السوبرماركت وبمبلغ
كبير الله يعين بس حتى كيس الرز غلي حنا وش نسوي
بعد ماكل شئ ولع وطارقبل سنه كانت ال1000 تقضي للبيت من ــــــ الى وماينقص شئ
الا قريب الضمان اللي بعده والحين لاحول ولاقوة الا بالله العلي العضيم
كل شئ صار دبل وربي ماناكل مثل الناس ونحرم انفسنا من حاجات كثيره
اقرب مثال ترته مانقدر نشري ليش عشان نوفرها للجبن حق المدرسه والصامولي والعصير
ونحرم انفسنا من حاجات كثيره وربي مابي اذكرها والله اني اشيل 20 ريال بدون مايدري زوجي
عشان بنزين السياره للضروره مثل للمستشفى وماشابه
قولوا لي وش نسوي بالعيشه الصعبه هالأيام وياليت كلامي هذا ياصل للملك والا أمير
والا واحد غني يساعدنا والا ينزلون الأسعار اللي ذبحتنا والا ناكل حصى نسد جوعنا
بدل مانشري كيس رز 10 كيلو ب65 ريال كان بـ 30 ياربي انك ترحمنا برحمتك
ناس تفطر على مفطح وتغداء مفطح وتعشى مفطح وحنا فطورنا وغدانا وعشانا خبز وجبن
لاحظوا الجبن نشري ابو ريالين المثلث حتى الجبن الكاسات نتشفقه الله يرحم حالنا بس ويرزقنا
بس كذا كفايه وماخفي كان اعضم

الزهرااااني · #2 (**permalink**) 15-10-2008, 09:18 PM

الله يكون في عونك يارب تساعدها ** اللهم ااااااااااااااااامين

جمانه حجازية · #3 (**permalink**) 15-10-2008, 11:17 PM

يارب ياكريم يارزاق يارحيم بعبادك
ارزقها من حيث لاتحتسب واعطها من واسع فضلك ياااااااااااااارب
حبيبتي الله يفتحها عليك يارب
كثري استغفار ودعاء
الله يفتح لك ابواب رزقه ولايحرمك من كل خير..