السلام عليكم ورحمة الله وبركاته
انا سجلت هنا عشان استفسر منكم الله يسعدكم جميعا
انا من مستحقي الضمان وعندي اولاد ولكن غير مسجلين معي بالضمان لانه صارت مشاكل مع ابوهم ورفض اني اخء صك ولايه لهم ولو اخذته رح يسحبهم مني..طبعا ولله الحمد توظفت وكانت وظيفتي 1500 وبعدها زادت ومازلت بالضمان الى الان مشكلتي ماني مرتاحه اني اخذ الضمان واحس اني غير مستحقه رغم انها ماتسوي شي فايش مشورتكم اروح للضمان واقولهم اني موظفه والغيه وهل يترتب علي شي..
افيدوني الله يجزاكم خير

وعليكم السلام
طيب اختى احسبي مايجيك من الضمان ومايجيك من الوظيفه
الضمان 1000 ريال 84 ريال
الوظيفه 1500 ريال
الفرق 416 ريال
طيب البعد عن المنزل والتعب والسياره التى توصلك للعمل اليس لها ثمن

ماهي الفائده من الوظيفه لو كان راتبها عالي طيب ممكن تضحي بالضمان لكن الان انتي ماانتي مستفيده ولاشي الا التعب
بالنسبه لاولادك اذا ابوهم مايصرف عليهم روحي للمحكمه بشاهدين و2 مزكين وتخرجين صك ان ابوهم مهملهم ولايصرف عليهم واذا اعطوك الصك راجعي الضمان لاضافتهم

اذا مصره على الوظيفه سلمي البطاقه للضمان

انت مرتاحه للوظيفه تغطيك اكثر من الضمان

دخلت تأمينات اجتماعية بالوظيفة او لا

الله يجزاكم خير على الردود..بالنسبه اني اروح للمحكمه اخاف ياخذهم مني لانه مهدد بهذا وبالنسبه للتكلفه حقت السيارات اللي توديني والله انها مهلكه خصوصا ان حتى المستشفيات اللي اودي عيالي تكون على حسابي لان ابوهم مو في قطاع حكومي حتى مستوصف الحي مو راضي يعطينا رقم الملف فيه وانا ماعندي سياره خاصه والوظيفه لا ماعليها تأمينات..بس اقسم بالله اني مو مرتاحه اخاف يكون علي ذنب اني اخذ شي فيه ناس محتاجته اكثر مني.هذا السبب اللي خلاني اسألكم

والله شوفي مهدد ولا ماهو مهدد اذا مايصرف عليهم ولايرسلك مصروف وتعرض لك ولالعيالك بلغي الشرطه وانتي اسألي بالمحكمه المختصين هل يحق له اخذ ابناءه وطلعي صك الاعاله اذا تبين الاستمرار في الضمان
واوضحت لك اذا معاشك يروح في السيارات انتي وظيفتك هذي ماوراها غير التعب والضمان افضل لك اما انك تحصلي على معاش الضمان وراتب الوظيفه معا فلايجوز