يـا وجــودي يــا لله انــك تغـيـث المستغـيـث
اللـيـالـي مـجـدبـة والـعُـمْـر مـالــه ضـمــان

يا زمان الوصل...مهما حصل جادك الغيـث
مـن زمـان الـيـوم لـيـن آخــر أيّــام الـزمـان

صاحبك راوي من الصمت يا راوي الحديث
لاتـقــول لـكـل حـادث حـديــث .. آن الأوان

ولا تحدثـنـي ولا تحثّـنـي للـصـمـت حـيــث
الحـدث حتـى العَمَـى صـار بـه شاهـد عيـان

يـا محمـد جعـل يفـداك مِــنْ هـرجـه غثـيـث
شغلـتـه يـمـدح فــلان إللــي يـعـذرب فــلان

ومـن يعامـل طيّـب القـلـب بالقـلـب الخبـيـث
ومن يخُون العيش ويعيش فـالأرض الطمـان

والله إنّــي بالـوفـا ثـابـت وركـضـي حـثـيـث
فـي دروبـه ليـن شفـت أقـرب الخـلان خـان

يــا مـحـمـد والـبـنــادم لاْبـــوه آدم وريـــث
وِرْثَـه الأرض الوسيعـه أليـا ضـاق المـكـان

دوك حـالـي سمِّـتـه عـضـة الـنـاب الغلـيـث
وامْتحـنـه الـوقــت بـالـهـمّ والـغــمّ امـتـحـان

صاحبك( مِن نَظَـف قلبـه) ولـو لبسـه رثيـث
ومـن صـدق لـك بالفعـل لــو كــذب باللـسـان

لو صحيح إنْ كـل ابـن ليـث مثـل آبـوه ليـث
ما يصير الـبـغـل بـغــل وآبـــوه الـحـصـان !!

صح ليانك

صح لسانك