السلام عليكم ياخوان انا جاتني ظروف خارج عن ارادتي فصلوني من حرس الحدود فصل غيابي هل يمدي ارجع لاني قريت نظام الأفراد وهو نظام الاعاده الخدمه ودقيت ع واحد من القياده يقول انسى تعيد الخدمه خذ اخلاء طرف وتوكل فتكفون الي خبره بالعسكرية وحرس الحدود يقول تكفون الله يفرج همي وهمكم 😥😭😭😭😭

ماعندي خبرة كثير فالعسكري ياخوي
لكن قدم على امن المنشات جرب يمكن يقبلونك فيه تسجيل هالحين
فيه مربع العمل السابق او زي كذا


واذا تبغى تراجع وعندك اثبات قوي ورفض مرجعك رح لقيادة المنطقة تبعك واذا رفضو رح للمديريه بالرياض
هذا الى اسمع فيه والله ييسر امورك

لي قريب له حوالي 4 أو 5 سنوات ماشافهم غاب عنهم مرة وحدة مثل حالتك واتوقع انهم فصلوه

قبل فترة قريبة سمعت خبر مؤكد أنه رجع مرة ثانية للعسكرية لكن الدعوة اذا رجعت لهم فيها سجن 45 يوم
وإذا مر أكثر من سنة على فصلك ينزلون رتبة منك

الي عليك تسويه ارجع لنفس وحدتك أو المرجع وقدم معروض لمدير التجنيد يتم قبولك إن شاء الله في حال توفر مكان شاعر
إن شاء الله بينفعونك وإذا مانفع ارسل برقية لوزير الداخلية أشرح ظروفك العائليه وسبب إبتعادك عن وظيفتك


وثق إذا كان فصلك غيابي فقط نسبة رجوعك عالية جداً والواسطة الخفيفة تراها تنفع

سالت ضابط يقول يقدر يسوي اعادة خدمة

اشكر كل من رد ولكن ماقول الا حسبي الله راجعتهم قالو لايوجد أعاده خذ اخلاء وتوكل الداخليه يقولو جاهم امر. المفصولين لايرجعو 😭